ÉXODO 38:21 - Dios Rimashcata Quillcashcami

²¹ Moisés mandashcamantami Aaronpac churi Itamarca Dios-huan tupana huasi ruhuanapi, Dios-huan ari nishcata quillcata huacaichina ruhuanapi mashnalla yaicushcata levitacunata quillcachirca.

ÉXODO 38:21 Iomraidhean Croise

1 CRÓNICAS 6:3

Amrampac churicunaca: Aarón, Moisés shinallatac paicunapac pani Mariami carca. Aaronpac churicunaca: Nadab, Abiú, Eleazar, shinallatac Itamarmi carca.

2 CRÓNICAS 24:6

Chaimantami jatun mandacca curacunata mandac Joiadata cayashpaca: «Judá llactapi, Jerusalenpi causaccuna cushca ofrendata levitacuna apamuchunca, ¿ima nishpatac mana utca mandarcangui? Caitaca Mandac Diosta servic Moisesmi Dios mandashcacunata huacaichina carpa huasita ruhuangapac tandanacushca israelcunahuan mandarca.

JOB 11:4

Canca: “Ñuca yachachishcaca allimi. Cambac ñahuipica mapa illacmi cani” ninguimi.

JOB 22:23

Tucuita ruhuac Diosman cutirishpaca cutinllatacmi sinchiyangui. Cambac huasimantapish millaitaca tucuimi anchuchingui.

JOB 26:1

Shina nicpimi, Jobca Bildadtaca:

SALMOS 15:1

Mandac Dioslla, ¿canhuan tupana huasipica maijancunallatac causagringa? ¿Maijancunallatac cambaclla chicanyachishca urcupica causagringa?

ÉXODO 25:16

Chai Arcapica ñuca mandashca quillcata churangui. Chaitaca ñucami cusha.

ÉXODO 26:33

Chai telataca ganchocunahuan huarcuchishpa churangui. Chai tela huashapica mandashcacunata huacaichina cajonta churangui. Chai telami ñucapaclla chicanyachishca ucuhuan, ñucapac caishuc ucuhuan chicanyachinga.

ÉXODO 38:20

Carpa huasipi shayachishca tucui ishtacacunapish, canzha pamba muyundipi churashca ishtacacunapish broncemantami carca.

ÉXODO 38:22

Mandac Dios Moisesta mandashcataca Judá aillupuramanta Uripac churi, Urpac nieto Bezaleelmi ruhuarca.

ÉXODO 40:3

Ñucahuan tupana huasipica ari nishca quillcata huacaichina Arcataca pañohuan catangui.

ÉXODO 6:23

Aaronca Aminadabpac ushi Elisabethuanmi cazararca. Elisabetca Naasonpac panimi carca. Chai huarmica Nadab, Abiú, Eleazar, Itamar huahuacunatami charirca.

NÚMEROS 1:50

Chaipac randica mandashcacunata huacaichishca ñucahuan tupana ucutapish, tucui chaipi tiyaccunatapish ricuchun churangui. Paicunami ñucahuan tupana huasitapish, chaipi imalla tiyaccunandi apanga. Chashnami carpa huasipi servishpa, chai muyundipi causanga.

NÚMEROS 1:53

Shina cacpipish, levitacunaca mandashcacunata huacaichishca ñucahuan tupana huasi muyundipimi causanga. Ñucahuan tupana huasita levitacuna cuidacucpimi, israelcunahuanca ñucaca mana piñarisha» nirca.

NÚMEROS 10:11

Egiptomanta israelcuna llucshishca ishcai huata, ishcai quilla, ishcai chunga punzhapimi puyuca ari nishca quillcata huacaichina Arca tiyacuc Dios-huan tupana huasi jahuamanta anchurirca.

NÚMEROS 18:2

Ñucahuan tupana huasipi ari nishca quillcata huacaichina cajón ñaupapi servicushpaca Levipac aillupuramanta cambac huauquicunatapish ayudachun cayangui.

NÚMEROS 24:5

¡Jacobopac churicunapac sumac carpa huasicunalla! ¡Israelcunapac causana sumac pushtulla!

NÚMEROS 9:15

Dios-huan tupana huasita shayachi punzhapica mandashcata huacaichina Arca tiyacuc carpa huasitami puyu taparca. Tutaca nina shinami, huasi jahuapica tutamantacaman carca.

SAN MATEO 17:4

Chaimantami Pedroca Jesustaca: «Apunchic Jesús, ñucanchicca allimi caiman shamushcanchic. Can munacpica, quimsa chucllata ruhuasha, shuctaca canman, shuctaca Moisesman, shuctaca Eliasman» nirca.

HECHOS 7:44

Ñaupa taitacuna shitashca pambapi cashpaca, Dios-huan tupana huasita huandushpami, puric carca. Chai carpa huasitaca Dios Moisesman ricuchishca shinami ruhuashca carca.

2 CORINTIOS 5:1

Ñucanchicca chingariclla cai pachapi tiyac huasi shinami canchic. Ñucanchic cuerpo chai huasi urmac shina huañucpica, mana gentecunapac ruhuashca huasitami jahua pachapi, Dios allichishcata charinchic.

HEBREOS 8:2

Paica, Diospaclla cac huasipimi curacuna shina servicun. Chai huasica mana gentecunachu ruhuashca ashtahuanpish Mandac Diosllatac ruhuashcami can.

HEBREOS 9:11

Chashna cacpipish Apunchic Jesusca ñamari shamurca. Paica allicunata ricuc jatun mandac curami. Paica ñaupa ucuta yalli alli Diospaclla sumac ucupimi. Chaica mana cai pacha gentecuna ruhuashcachu.

2 PEDRO 1:13

Ñuca causashcacamanca caicunata nina alli cacpimi, cancunata yuyachishpa rimacushalla.

APOCALIPSIS 11:19

Shina cacpica, jahua pachapi tiyac Diosta mañana huasimi pascarirca. Chaipica Dios-huan ari nishca Arcami ricurirca. Urcucuna tulun nishcapish, rimashcacunapish uyarircami. Relampa achic nishcapish ricurircami. Allpapish chucchurcami, rundupish yallitami urmarca.

APOCALIPSIS 15:5

Chai quipaca jahua pachapi cac, ari nishcata ricuchic Diosta mañana carpa huasi pascarictami ricurcani.

APOCALIPSIS 21:3

Mandashpa tiyarinamanta sinchita shuc rimashca uyarishpaca: «Cunanca Diospac carpa huasica gentecunapac chaupipimi causacun. Paicunahuanmi tucui causaipi causanga. Paicunaca Diospac huahuami canga. Diosllatacmi paicunahuanca causanga.