ÉXODO 38:18 - Dios Rimashcata Quillcashcami

¹⁸ Canzha pambaman yaicuna pungupi cac pañoca caupushca azul, morado, sani pucahuan sumacta bordashcami carca. Chai pañoca sunimanca iscun metro, anchomanca ishcai metro yallimi carca. Chaica canzha pambapi churashca paño shinallatacmi carca.

ÉXODO 38:18 Iomraidhean Croise

2 CRÓNICAS 3:14

Shinallatac cortinacunataca azul, morado, yana puca, lino telahuanmi ruhuarca. Chai telacunapipish querubincunatami bordarca.

ÉXODO 26:1

Ñucahuan tupana huasitaca caupushpa alli lino puca, morado puchcahuan ahuashpa, chunga pañota ruhuangui. Chaipica querubincunata bordashpa ruhuangui.

ÉXODO 26:36

Ñucahuan tupana huasi punguta jarcangapacca azul, morado, sani puca alli lino puchcahuan shuc pañota ruhuangui. Chaitaca alli sumacta bordashpa ruhuangui.

ÉXODO 38:17

Pilarcunata shayachina basacunaca broncemantami carca. Chai pilarcunapi churashca ganchocunapish, anillocunapish cullquimantami carca. Canzha pambapi cac pilarcunapi churashca anillocunaca cullquimantami carca.

ÉXODO 38:19

Chaipica chuscu pilarpish, broncemanta ruhuashca chuscu basapishmi carca. Capitelcunaca cullquimantami carca. Capitelcunapish, molduracunapish jahuata cullquihuan cahuishcami carca.