ÉXODO 37:6 - Dios Rimashcata Quillcashcami

⁶ Arca tapataca ashtahuan alli curimantami ruhuarca. Chai tapaca sunimanca shuc metro yalli, anchomanca chaupi metro yallimi carca.

ÉXODO 37:6 Iomraidhean Croise

1 CRÓNICAS 28:11

Chashna nishpami, Davidca Diospac huasi corredortapish, Diospaclla huasi ucutapish, juchamanta cushca yahuarta jichana Diospac Arca tiyacuc ucutapish ima shina ruhuanata ricuchishpa, paipac churi Salomonman curca.

ÉXODO 31:7

Paicunami ñucahuan tupana huasitapish, ari nishca quillcata huacaichina Arcatapish, chaita tapanatapish, carpa huasipi tucui tiyaccunatapish ruhuanga.

ÉXODO 37:5

Chai varacunataca Arca esquinacunapi churashca argollacunapimi churachishpa, maimanpish huandungapac churarca.

ÉXODO 37:7

Curita martillohuan huactashpami, ishcai querubinta ruhuarca. Chaicunataca ishcai lado tapapimi churarca.

ROMANOS 3:25

Diosca gentecunamanta yahuarta jichashpa huañuchunmi Jesucristotaca cacharca. Jesucristota crishpallami quishpirinchic. Ñaupaca, Diosca mana piñaric cashpami, ñucanchic juchacunata perdonarca.

GÁLATAS 4:4

Shina cacpipish cachana punzha pactacpimi, Diosca shuc huarmimanta huacharichun paipac Churitaca cacharca. Paica Moisés mandashcacunataca tucuitami cazushpa causarca.

TITO 2:14

Paica juchacunata anchuchishpa tucui millaimanta quishpichingapac, shinallatac paipaclla cashpa imapish allita ruhuaccuna cachunmi, ñucanchicmanta llaquita apashpa huañurca.

HEBREOS 9:5

Chai cajón jahuapica Dios chaipi cashcata ricuchic alasyuc querubincunami tapata alas-huan pacashpa shayacurca. Cunanca caicunamanta tucuita mana yachachinachu cani.

1 JUAN 2:2

Jesucristoca Dios ñucanchic juchacunata perdonachunmi, ñucanchicpac randi huañurca. Shina huañushpaca mana ñucanchicpac juchacunallamanta ashtahuanpish tucui cai pachapi causaccunapac juchata perdonachunmi huañurca.