ÉXODO 34:29 - Dios Rimashcata Quillcashcami

²⁹ Chai quipami Moisesca Dios mandashcacunata quillcashpa, ishcai tabla rumicunata apashpa, Sinaí urcumanta urai shamurca. Dios-huan tupashpa, parlanacushcamanta paipac ñahui achic nicuc cactaca Moisesca mana yacharcachu.

ÉXODO 34:29 Iomraidhean Croise

ÉXODO 16:15

Israelcuna chaita ricushpa, caishuc chaishuc tapunacushpaca: —¿Imatac caica?— nircacuna. Paicunaca mana yachashcamantami chashna tapunacurca. Chaimantami Moisesca: —Caica, cancuna micuchun, Mandac Dios cushca micunami.

ÉXODO 31:18

Sinaí urcupi Mandac Dios Moises-huan parlanacushpaca, chunga mandashcacunatami paipac maqui dedohuan ishcai tabla rumipi quillcashpa, Moisesman curca.

ÉXODO 32:15

Moisesca Dios cushca chunga mandashcacunata ishcai tabla rumipi quillcashpami urcumanta urai shamurca. Chai tabla rumicunapica ishcai ladomanmi quillcashca carca.

ÉXODO 34:35

Moisesca paipac ñahui achic nicucta israelcuna ricushcamantami cutin paipac ñahuita pañohuan jarcaric carca. Moisesca Mandac Dios-huan parlanacungapac cutin yaicungacamanmi, ñahuita pañohuan jarcarishca cac carca.

ECLESIASTÉS 8:1

¿Pitac yuyaisapa shina runaca tiyan? ¿Pitac tucuita entendishpa huillacca tiyan? Alli yachaica runapac ñahuitami achicyachin. Piñashca cactapish alliyachinmi.

SAN MATEO 17:2

Chaipimi Jesusca paicunapac ñaupapi shuctaclaya tucushpa, ñahuica inti shina jagan nicuc, churanaca luz shina yurac achicyachicuc ricurirca.

MARCOS 14:40

Cutimushpaca, paipac yachacuccunataca cutin sueñucucpimi tuparirca. Paicunaca yalli sueñuihuan cashpami, ñahuitapish mana pascai pudirca. Chaimantami imata mana nirca.

MARCOS 9:6

Yallita manchaihuan cashpami, Pedroca pai imata rimacushcatapish mana yacharca.

SAN LUCAS 2:49

Chaimantami Jesusca: —¿Imapactac mashcacurcanguichic? ¿Manachu Taitapac huasipi ñuca cana cashcataca yacharcanguichic?— nirca.

SAN LUCAS 9:29

Jesús mañacushpaca, ñahuipish shuctaclaya tucushpa, churanapish jagan nicuc yuranlla ricurirca.

SAN JUAN 5:13

Alliyashca runaca pi alliyachishcata mana yacharcachu. Chaica, Jesusca achca gentecunapurapimi carca.

HECHOS 12:9

Chaimantami Pedroca chai angelta catishpa llucshirca. Pedroca ángel chashna llucchicushcataca mana yuyarcachu, ashtahuanpish muscuipi cashcatami yuyarca.

HECHOS 23:5

Chashna nicpimi Pabloca: —Huauquicuna, ñucaca pai mandac cura cashcataca mana yachashcanichu. Dios quillcachishcapica: “Llactata mandactaca ama ima millaita rimanguichu” ninmi— nirca.

HECHOS 6:15

Chaipi tucui tiyacuc mandaccuna Estebanta ricushpaca, paipac ñahuica ángel shina cashcatami ricurcacuna.

2 CORINTIOS 3:13

Ñucanchicca mana Moisés paipac ñahuita pañohuan pacashca shinachu canchic. Moisesca israelcuna chai llipiacuc chingaricucta ama ricuchunmi, chashnaca ruhuarca.

DEUTERONOMIO 10:5

Urcumanta uraiman cutishpami, chai rumicunataca ñuca ruhuashca Arcapi churarcani. Chaipimi Mandac Dios mandashca shinallatac cunancaman tiyacun.

JOSUÉ 2:4

Ashtahuanpish, chai runacunata chasquishpa, pacashpa charicuc huarmica: —Ari, ñuca huasiman shamurcacunami. Paicuna maimanta cashcataca, mana yacharcanichu.

JOSUÉ 8:14

Hai pueblota jatun mandac chaita ricushpami tutamanta utca jatarishpa, chai pueblopi causaccunata pushashpa, israelcunahuan Arabá chimba pampapi macanacungapac llucshirca. Paicunaca maijan israelcuna Hai pueblo huashapi chapacucta mana yachashpami chashna llucshirca.

APOCALIPSIS 1:16

Paipac alli maquipica canchis lucerocunatami charicurca. Paipac shimimantaca ishcai filoyuc puntasapa espadami llucshicurca. Shinallatac paipac ñahuica inti tucuita achicyachicuc shinami carca.

APOCALIPSIS 10:1

Chai quipaca mai poderta charic ángel jahua pachamanta puyupi pillurishpa shamucuctami ricurcani. Umapica cuichi apashca, ñahuica inti shina jagan nicuc, shinallatac changacunaca nina culun nishpa rupacuc shinami carca.

JUECES 16:20

Chaimantami Dalilaca: «¡Sansón, filisteocunaca canta japigricunca!» nishpa caparirca. Sansón riccharishpaca: «Cutinllatac atishami» yuyashpa jatarirca. Ashtahuanpish paica Mandac Dios paimanta anchurishcataca mana yacharcachu.