ÉXODO 34:23 - Dios Rimashcata Quillcashcami

²³ Israelcunata Mandac Dios ñucapac ñaupapica huatapi quimsa cutinmi, tucui can pushacushca gentecunaca ricurina can.

ÉXODO 34:23 Iomraidhean Croise

GÉNESIS 32:28

Chashna nicpimi, chai runaca: —Cunanca, ña mana Jacobo shutichu cangui. Dios-huanpish, runacunahuanpish macanacushpa, mishashcamantaca Israel shutimi cangui— nirca.

GÉNESIS 33:20

Chaipimi shuc altarta shayachishpa, EL-Elohe-Israelta shutichirca.

2 CRÓNICAS 8:13

Moisés mandashca shinami imata cuna cashpapish, chai punzha cuchunmi chashna ruhuarca. Samana punzhacunapi, llullu quilla punzhacunapi, jatun fiesta punzhacunapimi huatapi quimsa cutin rupachina carca. Cai fiestacunaca levadura illac tandata micuna punzhacuna, semana fiestacuna, chucllacunata ruhuana fiesta punzhacunami carca.

SALMOS 84:7

Purishpa rishpami, ashtahuan fuerzata japincuna. Sión urcupimi Diostaca ricungacuna.

ÉXODO 23:14

Huatapi quimsa cutin ñucata yuyarina fiestata ruhuangui.

ÉXODO 23:17

Huatapica quimsa cutinmi tucui caricuna Mandac Dios ñucapac ñaupapi ricurina can.

EZEQUIEL 46:9

Ashtahuanpish cai llactapi causaccuna tandanacui punzhapi ñuca ñaupaman shamuccunamanta maijan jahua lado punguta yaicucca ura lado pungutami llucshinga. Ura lado punguta yaicucca jahua lado pungutami llucshinga. Mana yaicushcallatatac llucshinachu can.

DEUTERONOMIO 16:16

Cancunapac llactapi causac tucui caricunami huatapi quimsa cutin Mandac Dios acllashca pushtuman, paipac ñaupaman rina can. Chai fiestacunaca: levadura illac tandata micuna fiesta, pentecostés fiesta, chucllacunata ruhuana fiestami can. Chai fiestacunamanca pipish mana chushacllachu shamuna can.

1 SAMUEL 1:3

Elcanaca Mandac Diosta alli ningapac animalta cushpa huañuchingapacmi, pai causana pueblomantaca Silo puebloman huatanta huichai ric carca. Chaipica Elipac ishcai churicuna Ofni, Fineesmi, Mandac Diospac curacuna carca.