ÉXODO 34:18 - Dios Rimashcata Quillcashcami

¹⁸ Levadura illac tandata micuna fiestata huacaichingui. Chaita ruhuashpaca, ñuca mandashca shinallatac levadura illac tandata canchis punzhacaman micungui. Abib quillapimi Egiptomantaca llucshircangui.

ÉXODO 34:18 Iomraidhean Croise

ÉXODO 12:2

—Cai quillami cancunapacca huata callari quilla canga.

ÉXODO 12:42

Egiptomanta israelcunata llucchishcamantami chai tutaca Mandac Diosta yuyarina tuta can. Tucui israelcunapac huahua huahuacunami chai tutataca Mandac Diosta yuyarishpa, pactachina can.

ÉXODO 13:3

Shina nicpimi, Moisesca israelcunataca: —Egiptopi huatashca shina causacushcamanta Mandac Dios llucchishca punzhata yuyaringuichic. Chai llactamantaca paipac poderhuanmi llucchirca. Chaimanta chaita yuyarishpa, levadura illac tandata micunguichic.

ÉXODO 13:4

Cancunaca Abib quillami llucshinguichic.

ÉXODO 23:14

Huatapi quimsa cutin ñucata yuyarina fiestata ruhuangui.

ÉXODO 23:15

Levadura illac tandata micuna fiestata ruhuangui. Ñuca mandashca shina Abib quillapica levadura illac tandataca canchis punzhacunata micungui. Chai quillapimi Egiptomanta llucshircangui. Pipish ñucapac ñaupamanca mana chushac maquilla shamungachu.

LEVÍTICO 23:6

Chunga pichca punzhaca Mandac Dios ñucata yuyarishpa, levadura illac tandata micuna punzhami canga. Chai tandataca canchis punzhacamanmi micuna canguichic.

NÚMEROS 28:16

Huata callari punta quilla chunga chuscu punzhaca Mandac Dios ñucapac Pascua punzhami canga.

NÚMEROS 28:17

Cutin chunga pichca punzhaca jatun fiestami. Chai punzhacunapica canchis punzhatami levadura illac tandata micuna canguichic.

MARCOS 14:1

Levadura illac tandata micuna, Pascua punzhapac ishcai punzha siricpimi, curacunata mandac curacunapish, mandashcacunata yachachiccunapish Jesusta ima shina pacalla japishpa huañuchinata yuyaricurca.

SAN LUCAS 22:1

Levadura illac tandata micuna Pascua fiestami chayamucurca.

HECHOS 12:3

Chashna ruhuashca israelcunaman alli ricuricpimi, Pedrotapish japichirca. Chai punzhacunaca, levadura illac tandata micuna fiestami carca.