ÉXODO 34:17 - Dios Rimashcata Quillcashcami

¹⁷ Cancunaca ama fierrota yacuyachishpa, yanga dioscunata ruhuanguichicchu.

ÉXODO 34:17 Iomraidhean Croise

1 REYES 14:9

Ashtahuanpish, canca cambac ñaupa mandaccunata yallimari mana allita ruhuashcangui. Canca curita yacuyachishpa shuctac dioscunata ruhuashpami huashata ricuchishpa ñucata llaquichishpa causangui.

2 CRÓNICAS 28:2

Ashtahuanpish Israel llactata jatun mandaccuna shinallatacmi mana allita ruhuashpa causarca. Chaipac jahuapica metalta yacuyachishpami Baal dioscunaman ricchata ruhuachirca.

ÉXODO 20:23

Chaimanta ñucapac randi, cullquimanta, curimanta yanga dioscunata ama ruhuanguichicchu.

ÉXODO 20:4

Jahua pachapi, cai pachapi, yacu ucupi, allpa ucupi tiyaccunaman ricchacunatapish ama ruhuanguichu.

ÉXODO 23:14

Huatapi quimsa cutin ñucata yuyarina fiestata ruhuangui.

ÉXODO 32:8

Paicunaca ñuca mandashca ñanmanta caruyashpami, shuc curi becita ruhuashpa alli nishpa, animalta cushpa rupachishpaca: “¡Caimi, israelcunata Egipto llactamanta llucchic diosca!” nishcacuna.

JEREMÍAS 10:14

Tucui gentecunami yuyai illac, imata mana yachaccuna. Cullquita yacuyachishpa ruhuashca dioscunaca yanga llullallami. Chaicunapica samaipish mana tiyanchu. Chaimantami cullquita yacuyachishpa, yanga dioscunata ruhuac runacunaca pingai tucushca.

LEVÍTICO 19:4

Ama ruhuashcalla dioscunata alli ninguichicchu. Ama fierrota yacuyachishpa dioscunata ruhuanguichicchu. Ñucami cancunata Mandac Diosca cani.

HECHOS 17:29

Diospac huahuacunatac cashpaca mana: “Diosca curimanta, cullquimanta, rumimanta ruhuashcami” nishpa, yuyanachu canchic. Chaica gentecunapac yuyaillami.

HECHOS 19:26

Chai Pablo imata nishpa puricuctaca cancunallatac ricunguichicmi, uyanguichicmi. Paica: “Maquihuan ruhuashcaca mana dioschu” nishpami puricun. Mana cai Efeso pueblollapi, ashtahuanpish tucui Asia llactapimi achcacunata crichishca.

DEUTERONOMIO 27:15

“Caspimanta, mana cashpaca fierrota yacuyachishpa imamanpish riccha, Mandac Dios millanayachishca diosta ruhuashpa, pacallapi churacca, llaqui tucushca cachun” nishpa caparicpica, tucui gentecunami: “¡Chashna cachun!” ninga.

DEUTERONOMIO 5:8

Jahua pachapi, cai pachapi imapish tiyaccunaman riccha diostapish, allpa ucupi, yacupi tiyacman riccha diostapish ama ruhuanguichu.

JUECES 17:3

Micaías paipac mamaman chai huaranga shuc patsac siclos cullquita cutichicpimi mamaca: —Chai cullquitaca canmantami Mandac Diosman chicanyachircani. Cai cullquita labrashpa, yacuyachishpa shuc diosta ruhuachunmi cugricurcani. Cunanca canllatac japilla— nirca.