ÉXODO 34:15 - Dios Rimashcata Quillcashcami

¹⁵ Chai allpapi causaccunahuanca imata yuyarinacungapac ama ari ninacunguichu. Chai shina ruhuacpica, yangalla dioscunata mañangapacmi allimanta aisashpa catinga. Chai dioscunaman cushpa, huañuchishca animal aichata micungapac cayacpi, chaita can micushpaca, chai dioscunahuan huainayashca shinami tucungui.

ÉXODO 34:15 Iomraidhean Croise

1 CRÓNICAS 5:25

Shina cashpapish paicunaca ñaupa taitacunapac Mandac Diosta mana cazushpa, israelcunapac ñaupamanta Mandac Dios llucchishpa cachashca gentecunapac dioscunata catishpami, huainayashpa causarcacuna.

ESDRAS 6:9

Curacuna mañashca shinallatac jahua pachapi causac Diosman cushpa, tucui rupachinacunataca cada punzha mana cungarishpa becicunata, cari ovejacunata, maltón ovejacunata cunguichic. Shinallatac trigota, cachita, vinota, aceitetapish cunguichic.

ESDRAS 9:12

Chaimanta cunanca, cancunapac ushicunata paicunapac churicunahuan, paicunapac ushicunata cancunapac churicunahuan ama cazarachinguichicchu. Cancuna chai llactapi pucushca micunacunata micushpa sinchita causangapac, allpacunatapish cancunapac huahua huahuacunaman tucui causaipi saquingapacca paicunaman alli tucushpa causanata, paicunapac ima allitapish ama ruhuanguichicchu” nircanguimi.

SALMOS 106:28

Paicunaca Baal-peor yanga diosta caticcunahuan tandanacushpami, huañushcacunaman rupachishpa cushca animal aichata micurcacuna.

SALMOS 73:27

Riqui, canmanta caruyaccunaca chingaringami. Canmanta anchuriccunataca tucuitami tucuchingui.

ÉXODO 22:19

Maijanpish animalhuan chayaricca huañunami can.

ÉXODO 22:20

Maijanpish Mandac Diosman animalcunata huañuchishpa, mana cushpa, shuctac dioscunaman cucca huañunami can.

ÉXODO 23:32

Paicunahuanpish, paicunapac dioscunahuanpish imata ruhuangapac ama ari ninacunguichu.

ÉXODO 32:8

Paicunaca ñuca mandashca ñanmanta caruyashpami, shuc curi becita ruhuashpa alli nishpa, animalta cushpa rupachishpaca: “¡Caimi, israelcunata Egipto llactamanta llucchic diosca!” nishcacuna.

ÉXODO 34:10

Mandac Diosca Moisestaca: «Riqui, ñucaca tucuipac ñaupapimi ari ninacuita ruhuani. Cai pachapipish, mai llactacunapipish mana ruhuashca jatun mancharinacunatami ruhuashpa ricuchisha. Tucui canhuan cac gentecunami chashna Mandac Dios mancharinacunata ruhuashcata ricunga. Ñuca ruhuashcacunaca mai sumacmi canga.

ÉXODO 34:12

Can maipi causangapac rigricushca llacta gentecunahuan ama ari ninacunguichu. Chaimanta cuidaringui. Chaica mitcachic shinami urmachinga.

JEREMÍAS 3:9

Chashna juchallishca paicunapac yuyaipi ashalla cacpimi, rumi, caspi dioscunata adorashpa, tucui llactata mapayachirca.

OSEAS 4:12

Ñuca acllashcacunaca imatapish yachangapacmi paicunapac yanga diosman tapun. Chai caspihuanmi ima tucunata huillasha. Paicunataca huainayana yuyaimi pandachin. Chai shina huainayashpa causangapacmi Mandac Diosmanta anchurin.

OSEAS 9:1

Israelcunalla, shuctac llactapi causaccuna shina, ama yallita cushicuichicchu. Cancunaca huainayac huarmi shinami, cancunapac Diosmanta caruyashcanguichic. Granota trillana erapi huainayashpa, cullquita japinatami munarcanguichic.

LEVÍTICO 17:7

Chashnami mana ashtahuan chivoman riccha dioscunaman animalta cunga. Chai dioscunata servishpami huainayarca. Israelcunaca cai mandashcacunatami huiñaita huahua huahuacunapish pactachishpa causana can” ningui.

NÚMEROS 15:39

Chai flecoscunapi murucunata huarcuchishcata ricushpaca, ñuca mandashcacunata pactachinata yuyarishpami paicuna ricushpa, shungupi munanamanta jarcaringa.

NÚMEROS 25:1

Israelcunaca Sitimpimi causacurca. Chaipimi Moabpi causac huarmicunahuan huainayai callarirca

NÚMEROS 25:2

Chai huarmicunami paicunapac yanga diosman animalcunata cushpa, rupachingapac israelcunata cayac carca. Chaipimi israelcunaca micushpa, yanga dioscunapac ñaupapi cumurirca.

HECHOS 15:20

Chaipac randica, paicunataca ruhuashcalla dioscunaman ima cushcatapish, yahuartapish, sipishpa huañuchishca aichatapish ama micuchun, shinallatac ama huacllirichun, cunashpa, quillcashpa cachashunchic.

1 CORINTIOS 10:27

Maijan mana cric micunata carangapac cayacpica, rinata munashpaca, ama caita chaita yuyashpa, tucui carashcata micuichiclla.

1 CORINTIOS 8:10

Caicunata yachashca jahua, ruhuashcalla diosta adorana huasipi chai diosman cushca aichata can micucta maijan manarac sinchi cric ricushpaca, ¿manachu paipish chai shina ruhuasha ninga?

1 CORINTIOS 8:4

Ruhuashcalla dioscunaman animalcunata huañuchishpa, cushca aichata micunamanta nishpaca, ruhuashcalla dioscunaca cai pachapica ima mana canchu, ashtahuanpish shuclla Dios tiyashcatami yachanchic.

1 CORINTIOS 8:7

Ashtahuanpish caicunataca mana tucuichu yachancuna. Maijancunaca chai ruhuashcalla dioscunata adoraccuna cashcamantami, chairac chai dioscunaman cushca aichata micucuncunarac. Chashnaca paicunapac yuyaipi manarac sinchi criccuna cashcamantami, chashna micushpaca, paicunapac yuyaica mana allita ruhuacushcata yuyancuna.

DEUTERONOMIO 31:16

Mandac Diosca Moisestaca: «Canca huañushpa, ñaupa taitacunahuan tandanacugringuimi. Israelcunaca paicuna ricushca llactaman chayashpaca, chaipi tiyac dioscunata catishpami huainayanga. Shinami ñucamanta caruyashpa, ñuca paicunahuan ari nishcatapish yangapi churanga.

DEUTERONOMIO 31:18

Shina cacpipish, ñucaca chai punzhacunaca manatac ñuca ñahuita ricuchishachu. Shuctac dioscunata catishcamantami chashna ruhuasha.

DEUTERONOMIO 32:37

Paica: “¿Maipitac cancunapac dioscunaca? ¿Maipitac cancunapac jatun rumi shina dioscunaca?

DEUTERONOMIO 32:38

¿Maipitac cancuna animalcunata rupachishpa cushca huirata chasquic, cancuna cushca vinota ubiac diosca?” ninga. ¡Chai dioscuna jatarishpa ayudangapac, cancunata misangapac shamuchunyari!

DEUTERONOMIO 7:2

Mandac Dios chai llactapi causaccunata cancunapac maquipi churacpimi, tucuita tucuchinguichic. Paicunahuan ama ari ninacunguichicchu, paicunata ama llaquinguichicchu.

DEUTERONOMIO 7:3

Paicunahuan churita, ushita cazarachishpa, ama familia tucunguichicchu.

JOSUÉ 23:12

Diosmanta anchurishpa, chai saquirishca cancunapac chaupipi causac gentecunahuan tandanacushpa, chai huarmicunahuan cazarashpa, paicunahuan familia tucucpica,

APOCALIPSIS 2:20

Shina cacpipish shuc mana allitami canpica ricuni. Jezabel huarmi yachachichunmi saquingui. Paica ‘Diosmantami yachachicuni’ nishpami paipac yachachishcacunahuanca ruhuashcalla dioscunaman cushca micunacunata micuchun, shinallatac huacllirichun nishpa ñucapacta ruhuaccunataca pandachicun.

JUECES 2:17

Shina cacpipish, israelcunaca juezcunata mana uyasha nishpami shuctac dioscunata catishpa adorarcacuna. Paicunaca mana ñaupa taitacuna shina Mandac Dios mandashcata cazushpa causarcacunachu, ashtahuanpish Mandac Diosmanta anchurishpami shuctac causaita causarca.

JUECES 3:6

Chashna causashpami, israelcunaca paicunapac ushicunahuan cazararca. Shinallatac israelcunapac ushicunapish chai gentecunahuan cazarashpa, paicunapac diosta adorarcacuna.