ÉXODO 33:14 - Dios Rimashcata Quillcashcami

¹⁴ Shina nicpimi, Mandac Diosca: —Ñucallatacmi canta pushashpa, cancunata samachisha— nirca.

ÉXODO 33:14 Iomraidhean Croise

JOB 34:29

Dios upalla saquicpica, ¿pitac llaquichi pudingayari? Pai ñahuita pacacpica, ¿pitac catishpa ricui pudingayari? Paica jatun llactatapish, shuc runatapish chai shinallatacmi ricucun.

SALMOS 95:11

Chashna yallimana piñarishpami ñuca samachina llactapica manatac yaicungacunachu nircani» nirca.

ÉXODO 13:21

Tutapish, punzhapish israelcuna purishpa catichunmi, Mandac Diosca punzhaca suni puyuhuan, tutaca suni ninahuan ñaupashpa achicyachishpa pusharca.

ÉXODO 3:12

Shina nicpimi, Mandac Diosca: —Ñucami canhuan casha. Ñuca canta cachashcata ricuchingapacca, shuc ricuchinatami ricuchigrini. Egiptomanta ñuca acllashcacunata llucchimushca quipaca, tucui cancunami cai urcupi ñucata servinguichic— nirca.

ISAÍAS 63:9

Paicuna llaquilla japicpica, paipish llaquillami tucurca. Paica, mana paipac angelta cachashpachu quishpichirca. Ashtahuanpish pai llaquishcamanta, yallita cuyashcamantami quishpichishpa pushamurca. Chashnami sarun huatacunapi shina, tucui punzhacunapi jatarichishpa pushamurca.

JEREMÍAS 31:2

Mandac Diosca: «Jatun macanacuipi mana huañushca israelcuna samanata mashcashpa, shitashca pambata ricucpimi, ñuca cuyaita ricuchircani.

JEREMÍAS 6:16

Mandac Diosca: «Ñancunapi shayarishpa ricuichicyari. Ñaupa ñancunata tapushpa, maijan ñan alli cashcata acllashpa purichicyari. Chashna ruhuacpica, cancunapac alma samaringami» nirca. Shina nicpipish cancunaca: «Chai ñantaca mana purishunchu» nircanguichicmi.

DANIEL 12:13

Shina cacpipish, canca caticuilla. Tucuri punzhacunapi can japina cashcata japingapac samarilla” nirca.

SAN MATEO 11:28

Aparishca, shaicushca shina causaccuna, tucuilla ñucapacman shamuichic. Ñucami cancunataca samachisha.

SAN MATEO 28:20

Ñuca cancunaman mandashpa yachachishcacunata paicunapish cazuchun yachachinguichic. Ñucaca cai pacha tucuringacamanmi, cancunahuanca casha» nirca.

DEUTERONOMIO 12:10

Jordán yacuta pasashpami, Mandac Dios cushca llactamanca yaicunguichic. Pai tucui piñaccunamanta muyundita cuidacpimi, cushilla samaringuichic.

DEUTERONOMIO 25:19

Chaimantami Mandac Dios cancunaman cushca llactapi causacucpica, cancunata piñac tucui muyundi llactacuna llaquichinamanta cuidanga. Chashna cacpimi, samaringuichic. Mandac Dios cushca llactapi causacushpaca, Amalecpac shutitaca tucui cai pachamanta chingachinguichic. Amatac chashna ruhuanataca cungaringuichicchu.

DEUTERONOMIO 3:20

Mandac Dios cancunaman allpata cushpa, sumac causaita cushca shinallatac cancunapac huauquicunapish Jordán yacumanta chimba ladopi cac llactata japingacaman chaipi saquirichic. Chai quipami ñuca cushca llactaman cutinguichic” nishpami cacharcani.

DEUTERONOMIO 31:8

Mandac Diosmi ñaupashpa ringa. Paimi canhuanca canga. Mana saquingachu, mana canllata saquingachu. Ama manchaichu, ama chucchuichu» nirca.

DEUTERONOMIO 4:37

Paica cancunapac ñaupa taitacunata cuyashpami, paicunapac huahua huahuacunataca acllarca. Paimi Egiptomantaca paipac poderhuan llucchimurca.

JOSUÉ 1:5

Cambac tucui causaipimi canhuanca pipish mana macanacui pudinga. Ima shinami Moises-huan carcani, shinallatacmi canhuanpish casha. Cantaca mana saquishachu.

JOSUÉ 21:44

Mandac Diosca ñaupa taitacunaman ari nishca shinallatacmi tucui chai llacta muyundipi cushilla causaita curca. Shinami tucui israelcunata piñaccunaca maijanpish macanacungapac mana shayarirca. Chai piñaccunataca Mandac Diosmi tucui israelcunapac maquipi churarca.

JOSUÉ 22:4

Cancunata Mandac Diosca pai nishca shinami, cancunapac huauquicunamanca cushi causaita cushca. Cunanca Jordán yacu chimba ladopi Mandac Diosta servic Moisés cancunaman cushca llactaman, cancunapac carpacunaman cutichiclla.

JOSUÉ 23:1

Mandac Dios israelcunata paicunapac muyundipi causac piñaccunamanta samachishca tauca huatacuna quipami, Josueca tauca huatayuc, ña yuyac cashpa,