ÉXODO 33:1 - Dios Rimashcata Quillcashcami

¹ Mandac Diosca Moisestaca: —Egipto llactamanta llucchishca israelcunata ñuca cusha nishca llactaman pushai. Chai llactata cungapacmi Abrahamman, Isaacman, Jacobomanca: “Chai llactataca cancunapac huahua huahuacunamanmi cusha” nishpa, ari nircani.

ÉXODO 33:1 Iomraidhean Croise

GÉNESIS 12:7

Chaipimi Mandac Dios Abramman ricurishpaca: «Cambac huahua huahuacunamanmi cai allpataca cusha» nirca. Chaipimi Abramca paiman ricurishca Mandac Diosman shuc altarta ruhuarca.

GÉNESIS 15:18

Chai punzhapi Mandac Diosca Abramhuanca pactachingapac ari nishpaca: —Cambac huahua huahuacunamanca allpataca cai Egipto jatun yacumanta Eufrates jatun yacucamanmi cusha.

GÉNESIS 26:1

Chai llactapica yalli yarcaimi tiyarca. Abraham causacui huatacunapi yarcai tiyashca shinami yalli yarcai tiyarca. Chaimantami Isaacca filisteocunata jatun mandac Abimelec causacuc Gerar puebloman rirca.

GÉNESIS 26:3

Chaipi causacpimi, ñucaca canhuan casha. Tucui chai allpata canmanpish, cambac huahua huahuacunamanpish cushpami bendiciasha. Chashnami, cambac taita Abrahamman cusha nishcataca pactachisha.

GÉNESIS 28:10

Jacobo Beersebamanta llucshishpaca, Harán llactamanmi rirca.

GÉNESIS 50:24

Chai quipaca Joseca paipac huauquicunataca: —Ñucaca ñallami huañusha. Shina cacpipish, Dios shamushpami, cai llactamanta llucchishpa Abrahamman, Isaacman, Jacoboman cungapac ari nishca allpaman pushanga— nirca.

ÉXODO 17:3

Israelcunaca yacunayaihuan cashpa, Moisesta rimashpaca: —Ñucanchicpish, huahuacunapish, animalcunapish yacunayaihuan huañuchunca, ¿imapactac Egiptomanta llucchimurcangui?— nirca.

ÉXODO 32:1

Moisés urcumanta mana utca shamucpimi, israelcuna Aaronpacman cuchuyashpaca: —Egiptomanta llucchicmuc Moisesca, imachari tucurca. Mana yachanchicchu. Jatari, ñucanchicta pushachun, shuc diosta ruhuai— nirca.

ÉXODO 32:13

Canta servic Abrahamman, Isaacman, taita Israelman: “Cancunapac huahua huahuacunataca jahua pachapi tiyac lucerocunata shinami mirachisha. Cancunapac huahua huahuacunaman cusha nishca cai llactapish cushami. Caica huiñaitami paicunapac canga” nishpa, cambac shutipi ari nishcataca yuyariyari— nirca.

ÉXODO 32:34

Cunanca, ñuca maimanmi pusharichun nishcaman israelcunataca pushai. Ashtahuanpish ñuca cachashca angelmi cambac ñaupata pushashpa ringa. Shina cacpipish, taripashpa llaquichina punzha chayamucpimi, paicunapac juchamantaca llaquichisha— nirca.

ÉXODO 32:7

Chaimantami Mandac Diosca Moisestaca: —Cunanca utcashpa urai rilla. Egipto llactamanta can llucchimushca gentecunaca mana allitami ruhuacun.

LEVÍTICO 20:24

Ñucami paicuna causashca llactataca cancuna causachun cusha. Lechepish, mishquipish yacu shina callpacuc sumac allpataca cancuna causachunmi cusha. Cancunata Mandac Diosmi cani. Ñucami shuctac llacta gentecunamanta chicanyachishpa acllarcani.

NÚMEROS 11:12

Ñaupa taitacunaman cusha nishca llactaman chayangacamanmi chuchucuc huahuacunata shina apachun ningui. Ñucaca paicunapacca, ¿taita mamachu cani?

HECHOS 7:36

Chai Moisesmi israelcunata Egiptomanta mancharinacunata ruhuashpa, Puca Cucha chaupita llucchimurca. Shinallatac shitashca pambapipish chuscu chunga huatatami carca.

DEUTERONOMIO 1:8

Riquichic, ñucami cai llactacunata cancunapac maquipi churani. Mandac Dios ñucami chai llactacunataca cancunapac taita Abrahamman, Isaacman, Jacoboman, paicunapac huahua huahuacunaman cungapac ari nircani. Chai llactacunata japishpa tiyarigrichic” nirca.