ÉXODO 32:15 - Dios Rimashcata Quillcashcami

¹⁵ Moisesca Dios cushca chunga mandashcacunata ishcai tabla rumipi quillcashpami urcumanta urai shamurca. Chai tabla rumicunapica ishcai ladomanmi quillcashca carca.

ÉXODO 32:15 Iomraidhean Croise

SALMOS 19:7

Mandac Dios mandashcacunaca cashcata ruhuac cashpami almatapish mushucyachin. Mandac Dios yachachishca shimicunaca imatapish pactachic cashpami, yanga runacunatapish allita yachachin.

ÉXODO 16:34

Aaronca Mandac Dios Moisesta mandashca shinallatacmi tandataca Mandac Dios mandashcata huacaichina cajón ñaupapi huacaichirca.

ÉXODO 24:12

Mandac Diosca Moisestaca: —Ñucahuan tupangapac urcuman shamushpa, chaipi shuyai. Chaipimi tabla rumipi ñuca mandashcacunatapish, israelcunata yachachishcacunatapish cusha— nirca.

ÉXODO 24:18

Moisés puyu ucuman yacushpa, urcu jahuaman huichai rishpaca, chuscu chunga punzhata shinallatac chuscu chunga tutatami chaipi carca.

ÉXODO 31:18

Sinaí urcupi Mandac Dios Moises-huan parlanacushpaca, chunga mandashcacunatami paipac maqui dedohuan ishcai tabla rumipi quillcashpa, Moisesman curca.

ÉXODO 32:16

Chai tabla rumicunapish, chaipi quillcashcapish Diosllatac quillcashcami carca.

ÉXODO 34:29

Chai quipami Moisesca Dios mandashcacunata quillcashpa, ishcai tabla rumicunata apashpa, Sinaí urcumanta urai shamurca. Dios-huan tupashpa, parlanacushcamanta paipac ñahui achic nicuc cactaca Moisesca mana yacharcachu.

ÉXODO 40:20

Chai quipami ari nishca quillcata japishpa Arca ucupi churarca. Huanduna varacunatapish, Arca tapatapish churarcami.

2 CORINTIOS 3:3

Cancunataca Cristollatac quillcashca gentecuna ricuna quillca shina cashcatami ricunchic. Chaitaca ñucanchicllatacmi cancunamanca curcanchic. Chai quillcaca mana tintahuan quillcashcachu, ashtahuanpish causac Diospac Espirituhuan quillcashcami. Chai quillcaca mana rumipi quillcashcachu, ashtahuanpish cancunapac shungupimi quillcashca can.

2 CORINTIOS 3:7

Chingarina cashcata ricuchic, tabla rumipi quillcashca mandashcata Dios Moisesman cushpaca, pai sumaimana cashcahuanmi achicyachirca. Chashna achicyachicpimi, israelcunaca Moisespac ñahuitaca mana ricui pudircacuna.

DEUTERONOMIO 5:22

Cai mandashcacunataca cancuna urcupi tandanacushca cacpimi, Mandac Diosca pura puyu nina chaupimanta sinchita rimarca. Chai quipaca, imatapish mana ashtahuan rimashpami ishcai tabla rumipi quillcashpa ñucaman curca.

DEUTERONOMIO 9:15

Chai rupacuc urcumantaca cancunahuan ari nishca quillcashca ishcai rumita maquipi apashpami cutircani.

HEBREOS 9:4

Chaica, inciensota rupachina curi altarmi tiyarca. Dios-huan ari nishcata huacaichina, muyundita curimanta ruhuashca cajonpish tiyarcami. Chai cajonpica maná shuti tandapish, curimanta ruhuashca mangapish, Aaronpac huiñacuc verdinlla taunapish, Dios mandashcacunata quillcashca ishcai tabla rumipish tiyarcami.

APOCALIPSIS 5:1

Mandashpa tiyarinapi tiyacucca jahuamanpish ucumanpish quillcashca, shuc pillushca pangatami paipac alli maquipi charicucta ricurcani. Chai pillushca pangaca canchis sellota churashcami carca.