ÉXODO 31:16 - Dios Rimashcata Quillcashcami

¹⁶ Israelcunapish, paicunapac huahua huahuacunapish samana punzhataca ñucahuan ari nishcata yuyarishpami pactachinga. Chai samana punzhataca huiñaitami huacaichina can.

ÉXODO 31:16 Iomraidhean Croise

GÉNESIS 17:11

Caricuna charishcamanta asha aicha carata pitishpami, circuncisiontaca ruhuana canguichic. Caimi ñucahuan cancunahuan ari nishcata ricuchinga.

GÉNESIS 9:13

Ñucaca cuichitami puyupi churani. Caimi ñucahuan, cai pachahuan ari nishca señal canga.

NEHEMÍAS 13:15

Chai punzhacunallatacmi Judá llactapica samana punzhapi uvasta cutacucta, gavillata ashtacucta, shinallatac vinota, uvasta, higota, ima cargacunatapish burropi cargashpa Jerusalenman apacucta maijancunataca ricurcani. Chashna samana punzhapi catucushcamantami sinchita rimarcani.

ÉXODO 31:15

Sucta punzhatami trabajana. Ashtahuanpish canchisniqui punzhaca ñucapaclla chicanyachishca samana punzhami. Chaimantami chai punzhapica ñucata yuyarina canguichic. Maijanpish chai punzhapi imatapish ruhuacca huañuchishcami canga.

ÉXODO 31:17

Samana punzhaca ñucahuanpish, israelcunahuanpish shuc señalmi can. Mandac Dios ñucaca sucta punzhapimi jahua pachatapish, cai pachatapish ruhuarcani. Ashtahuanpish canchisniqui punzhapica imata mana ruhuashpami samarircani” ninmi ningui» nirca.

ISAÍAS 58:13

Ñucapaclla chicanyachishca samana punzhata huacaichishpa, chai punzha “jucha illac”, “Mandac Dios ñucata cushichina punzha”, cashcata yuyacpi, chai punzhata “alli nina punzhami” nishpa, chai punzhapi samaricpica,

JEREMÍAS 50:5

Sionman rina ñanta tapushpami, chai ñanta catishpa, Mandac Dios ñucahuan ari ninacushpa, huiñaita mana cungarishpa causangapac shamunga.