ÉXODO 30:6 - Dios Rimashcata Quillcashcami

⁶ Chai altartaca ari nishca quillcata huacaichina Arca ucuta jarcachishca paño ñaupallapi churangui. Chaipimi ñucaca canhuan tupasha.

ÉXODO 30:6 Iomraidhean Croise

1 CRÓNICAS 23:13

Amrampac churicunaca: Aarón, shinallatac Moisesmi carca. Aarontapish, paipac huahua huahuacunatapish paipac ñaupapi huiñaita servishpa inciensota rupachichun, shinallatac paipac shutipi israelcunata huiñaita bendiciachunmi Mandac Diosca chicanyachirca.

1 CRÓNICAS 28:11

Chashna nishpami, Davidca Diospac huasi corredortapish, Diospaclla huasi ucutapish, juchamanta cushca yahuarta jichana Diospac Arca tiyacuc ucutapish ima shina ruhuanata ricuchishpa, paipac churi Salomonman curca.

ÉXODO 30:36

Chaicunamanta ashata ñututa tacashpa, ari nishca quillcata huacaichina cajón ñaupapipish, ñucahuan tupana huasipipish churangui. Chaipimi ñucaca canhuan tupasha. Chai inciensoca pi mana tuparina, ñucapaclla chicanyachishcami canga.

ÉXODO 30:5

Acacia caspimanta ishcai varata ruhuashpa, jahuata curihuan cahuingui.

ÉXODO 30:7

Aarón lamparacunata allichicushpaca, cada tutamantami mishquilla ashnacuc inciensota altarpi rupachinga.

ÉXODO 40:26

Shinallatac Dios-huan tupana huasi ucupimi curi altartaca Diospaclla ucuta jarcashca paño ñaupapi churarca.

ÉXODO 40:3

Ñucahuan tupana huasipica ari nishca quillcata huacaichina Arcataca pañohuan catangui.

ÉXODO 40:5

Dios ari nishca quillcata huacaichina Arca ñaupapica inciensota rupachina curi altarta churangui. Ñucahuan tupana huasiman yaicuna pungu ñaupapi pañocunata huarcungui.

LEVÍTICO 16:13

Chaipimi Aaronca Mandac Dios ñucapac ñaupapi cac ninapi inciensota rupachinga. Chashna rupachicpimi, mandashcata huacaichishca Arca tapa jahuata cushnica tapanga. Chashna tapacpimi, Aaronca mana huañunga.

NÚMEROS 17:4

Cai taunacunataca ñucahuan tupana huasi ucupi, ari nishca quillcata huacaichina Arca ñaupapi churangui. Chaipimi ñucaca cancunahuan tupasha.

SAN MATEO 27:51

Chai ratomi Diosta mañana huasi tiyac lienzoca, jahuamanta uraiman chaupita lliquirirca. Allpapish chucchurcami, jatun rumicunapish chictarircami.

HEBREOS 4:16

Chaimanta cuyac Dios ñucanchicta llaquichun, paipac jatun cuyaimanta ayudachun, paipacman tucui shunguhuan cuchuyashpa mañashunchic.