ÉXODO 30:33 - Dios Rimashcata Quillcashcami

³³ Maijanpish cai aceite shinata ruhuacpish, cai aceiteta yanga runapi cahuicpish israelpuramanta anchuchishcami canga” ningui» nirca.

ÉXODO 30:33 Iomraidhean Croise

GÉNESIS 17:14

Cancunapurapi maijan cari pai charishca asha carata pitishpa, circuncisionta mana ruhuashca cacpica, ñucahuan ari nishcata mana cazushcamantami cancunapuramanta anchuchishca canga— nirca.

ÉXODO 12:15

Canchis punzhatami levadura illac tandata micuna canguichic. Chai callari punzhapica huasipica ima levadurata mana charinachu canguichic. Maijanpish chai callari punzhamanta tucuri punzhacaman levadurahuan micucca israelpuramanta anchuchishcami canga.

ÉXODO 12:19

Canchis punzhacamanmi cancunapac huasipica levaduraca mana tiyana can. Maijanpish micunata levadurahuan micucpica, cancunapura cacpipish, shuctac llactamanta shamushca cacpipish, israelpuramanta anchuchishcami canga.

ÉXODO 29:33

Tucui chaicunaca ñucapaclla tucuchun, juchamanta ñucaman cushca aichami. Chaimanta pipish mana micunachu, ashtahuanpish paicunallami micuna can.

ÉXODO 30:34

Cutinllatacmi Mandac Diosca Moisestaca: «Mishquilla ashnacuc resinata, shillulaya alajata ashnacuc yuramanta ashtahuan alli inciensotapish, mishquilla ashnacuc galbanotapish chai shinallatac pezashpa japingui.

ÉXODO 30:38

Maijanpish shuctac cai shina inciensota ruhuashpa, mutquicca israelcunapuramanta anchuchishcami canga» nirca.

ÉXODO 31:14

Chai punzhaca cancunapac jatun punzhami. Chaimantami huacaichina canguichic. Maijanpish chaita mana cazucca huañuchishcami canga. Chai punzhapi trabajacca israelpuramanta anchuchishcami canga.

LEVÍTICO 17:10

Israelcunapuramanta, mana cashpaca shuctac llactamanta cancunapurapi causacpuramanta yahuarta micucpica, mana ricunayachishpami israelcunapuramanta anchuchisha.

LEVÍTICO 17:14

Causaiyucca yahuarmantami causan. Chaimantami ñucaca israelcunata: Causaiyuccunaca yahuarmantami causan. Chaimanta ima animal yahuartaca ama micunguichic. Maijanpish yahuarta micucca israelcunapuramanta anchuchishcami canga” nircani.

LEVÍTICO 17:4

ñucahuan tupana huasi yaicunapi ñucaman cungapac mana apamushpa, paicuna causacuc ucullapitac, mana cashpaca canzhapi huañuchishcamantaca juchanchishcami canga. Shinallatac israelpuramanta anchuchishcami canga.

LEVÍTICO 17:9

ñucahuan tupana huasi yaicunaman mana apamushpaca, israelcunapuramanta anchuchishcami canga.

LEVÍTICO 18:29

Cancunapuramanta maijan cai tucui millaicunata ruhuacpica, israelcunapuramanta anchuchishcami canga.

LEVÍTICO 19:8

Maijanpish chaita micushpa, ñucapaclla chicanyachishcata yangata ruhuac runaca mana alli nishcami canga. Israelcunapuramantapish anchuchishcami canga.

LEVÍTICO 20:17

Maijanpish taitamanta panihuan, mamamanta panihuan chayarinacushpaca mancharina pingaitami ruhuan. Chaimantaca paicunapac llacta gentecuna ricucucpi, ishcaitac huañuchishcami canga. Quiquin panihuan mancharina pingaita ruhuashpaca paillatacmi juchata aparinga.

LEVÍTICO 20:18

Maijanpish quilla ungüihuan cac huarmihuan chayarishpaca, huarmipac yahuar llucshicushcatami ricun. Cutin huarmipish yahuar llucshicushcatami ricuchin. Chaimanta ishcaitacmi chai llactamanta anchuchishca canga.

LEVÍTICO 20:3

Moloc diosman paipac huahuata cushpa, jucha illac ñuca shutita yangata ruhuashcamanta, ñucapaclla chicanyachishca huasitapish mapayachishcamantaca piñashpami chai runataca israelpuramanta anchuchisha.

LEVÍTICO 22:3

Shinallatac: “Cancunapac huahua huahuacunamanta maijanpish mapa cashpa, israelcuna Mandac Dios ñucaman chicanyachishcaman cuchuyacca ñuca ñaupamanta anchuchishcami canga. Ñucaca Mandac Diosmi cani.

LEVÍTICO 23:29

Maijanpish chai punzhapi mana ayunacca israelpuramanta anchuchishcami canga.

NÚMEROS 15:30

Ashtahuanpish israelcuna cashpa, shuctac llactamanta shamushca cashpapish yachashca jahua juchallishpaca, ñucatami llaquichin. Chashna ruhuac runaca israelcunapuramanta anchuchishcami canga.

NÚMEROS 15:31

Ñuca rimashcata mana chasquishcamanta, mandashcacunata mana cazushcamantami chai runaca anchuchishca canga. Paipac juchamantaca paillatacmi llaquita apanga” ninmi ningui» nirca.

NÚMEROS 19:13

Maijanpish huañushcapi tuparishpa, mana armarishca cashpa ñucahuan tupana huasitami mapayachin. Chai runapac cuerpopi chai chuyayana yacu mana chayashca cashcamantaca israelcunapuramanta anchuchishcami canga. Chashna mana chuyayashcamantaca mapallatacmi saquiringa.

NÚMEROS 19:20

Maijan mana chuyayashca cashpa, Mandac Diospaclla carpa huasita mapayachishcamantami tandanacushca israelcunapuramanta anchuchishca canga.

NÚMEROS 4:18

«Levitapuramanta Cohatpac aillucuna ñucapaclla pushtuman cuchuyashpa huañuchunca, ama saquinguichu.

NÚMEROS 9:13

Maijan manapish mapa cashpa, manapish caru llactapi cashpa Pascua micuita mana ruhuacca israelpuramanta anchuchishcami canga. Mandac Dios ñuca mandashca punzhapi ofrendata mana cushcamantami llaquichishca canga.