ÉXODO 30:20 - Dios Rimashcata Quillcashcami

²⁰ Paicunaca ñucata servingapac, ñucahuan tupana huasiman yaicushpa, altarpi rupachingapac cuchuyangapacca, chai yacuhuanmi jahuaringa. Chashna jahuashpami, mana huañunga.

ÉXODO 30:20 Iomraidhean Croise

1 CRÓNICAS 13:10

Uza runa Arcata japirishcamantami Mandac Diosca nina japiric shina piñarishpa, paitaca llaquichishpa causaita quichurca.

SALMOS 89:7

Cambaclla tandanacushcapica manchana Diosmi cangui. Tucui cambac muyundipi tiyaccunapac cumurina Diosmi cangui.

ÉXODO 12:15

Canchis punzhatami levadura illac tandata micuna canguichic. Chai callari punzhapica huasipica ima levadurata mana charinachu canguichic. Maijanpish chai callari punzhamanta tucuri punzhacaman levadurahuan micucca israelpuramanta anchuchishcami canga.

ÉXODO 30:19

Chai yacuhuanmi Aaronpish, paipac churicunapish chaquita, maquitapi jahuanga.

ÉXODO 30:21

Paicuna mana huañungapacca chaquitapish, maquitapish jahuarinami can. Caica, Aaronpish, paipac churicunapish huiñaita chashna ruhuachunmi mandashca» nirca.

ÉXODO 40:31

Chai yacupimi Moisespish, Aaronpish, paipac churicunapish maquicunata, chaquicunata jahuac carca.

LEVÍTICO 16:4

Ñucapaclla chicanyachishca lino tunicataca churashca, lino chumbihuan huatallishca, lino turbanteta churarishcami chai ucumanca yaicuna can. Cai churanacunami ñucapaclla chicanyachishca churanaca. Chai churanataca armarishpami churaringa.

LEVÍTICO 8:6

Chai quipami Moisesca Aarontapish, paipac churicunatapish cayashpa, yacuhuan armachishpa,

HECHOS 5:10

Pedro chashna nincami, chai huarmica chaillapitac huañurca. Cusata enterrac mosocuna ucuman yaicucpica, chai huarmipish huañushcami cashca carca. Chaimantami paitapish, cusa maipi enterrashcallapitac enterrangapac aparcacuna.

HECHOS 5:5

Chaita uyashcahuanmi, Ananiasca chaillapitac huañurca. Tucui chaita uyaccunami yallita mancharirca.

1 SAMUEL 6:19

Diosca Bet-semes pueblopi causaccunataca Mandac Diospac Arcata pascashpa ricushcamantami, canchis chunga runacunata huañuchirca. Chashna achcacunata huañuchicpimi, chai pueblopi causaccunaca yallita llaquirishpa huacarca.