ÉXODO 30:15 - Dios Rimashcata Quillcashcami

¹⁵ Paicunapac causaimanta Mandac Dios ñucaman cushpaca, chayucpish chaupi siclos yalli cullquitaca mana cungachu, shinallatac huacchapish chaupi siclosmanta menostaca mana cungachu.

ÉXODO 30:15 Iomraidhean Croise

2 SAMUEL 21:3

David gabaonitacunata tapushpaca: —Mandac Dios cushca gentecunata cancuna bendiciachunca, cancunata llaquichishcamantaca ¿imatatac cancunamanca ruhuasha?— nirca.

JOB 34:19

Paica jatun mandaccunatapish mana ñahuita ricushpalla allita ruhuan. Paica paipac maquihuan ruhuashca cacpimi, huacchacunamanpish, chariccunamanpish chashnallatac ruhuan.

ÉXODO 30:12

«Tucui yupashca israelcunami causaimanta Mandac Dios ñucaman cullquita cuna can. Chashna paicunata yupacpica, mana huañui japingachu.

ÉXODO 30:14

Chai yupashcacunaca ishcai chunga huatata charicmanta huichaimanca tucuimi ofrendata alzashpa ñucaman cuna can.

ÉXODO 30:16

Israelcuna paicunapac causaimanta cushca cullquita japishpaca, ñucahuan tupana huasipi ima illashcata ruhuangapac japingui. Cai cullquita cucpimi, israelcuna causaimanta Mandac Dios ñucapac ñaupapi animalcunata cucpica, paicunata yuyarasha» nirca.

ÉXODO 38:26

Ishcai chunga huatamanta callarishpa, paicunapac shuticunata quillcashcaca sucta patsac quimsa huaranga pichca patsac pichca chunga gentemi carca. Tucui paicunami carpa huasipi pezashca shinallatac pichca gramo chaupi cullquita curca.

PROVERBIOS 22:2

Chayuc runapish, huaccha runapish chaipurallatami. Mandac Diosca ishcaitatacmi ruhuashca.

EZEQUIEL 45:16

Tucui cai llactapi causaccunami cai ofrendata Israel llactata mandacman cuna can.

LEVÍTICO 17:11

Causaiyucca yahuarmantami causan. Yahuartaca ñucami cancunapac juchamanta altar jahuapi chirapachun curcani. Chai yahuarllamantami gentecunaca juchamanta perdonashca canga.

NÚMEROS 31:50

Chaimantami Mandac Diosman cungapac ñucanchicca curimanta ruhuashca collarcunata, sortejascunata, manillacunata, zarcillocunata, cadenacunata apamunchic. Caicunataca ñucanchic juchata Mandac Dios pichachunmi apamunchic» nirca.

EFESIOS 6:9

Shinallatac amocunapish, cancunata serviccunahuanca alli caichic. Ama macasha nishpa manchachichicchu. Amocunapish, amopacta ruhuaccunapish jahua pacha Apunchic Jesucristo causacushcataca yachanami canguichic. Paica pitapish “caica allimi, chaica mana allichu” mana ninchu.

COLOSENSES 3:25

Maijanpish mana allita ruhuacca, pai mana allita ruhuashcamantaca mana allillatatacmi japinga. Diosca pimanpish mana tucushpami taripanga.