ÉXODO 30:13 - Dios Rimashcata Quillcashcami

¹³ Tucui yupashca israelcunami carpa huasipi tiyac valishca cullquita chaupi siclosta pezashpa cunga. (Siclosca 20 gerasmi). Chaupi siclos cullquica ñucaman alzashpa cunami canga.

ÉXODO 30:13 Iomraidhean Croise

GÉNESIS 23:15

—Riqui, ñuca mandaclla, allpaca chuscu patsac siclos cullquillami valin. Cai cullquimantaca, ¿maitatac canpish, ñucapish caita chaita nicushunyari? Cambac huarmitaca enterrailla— nirca.

2 REYES 12:4

Joasca curacunataca: «Mandac Diospac huasiman apamushca Diospaclla chicanyachishca cullquita, shinallatac cuna cashcamanta cushca cullquita, quiquin munaimanta Mandac Diospac huasiman apamushca cullquitapish tucui tandachinguichic.

2 REYES 12:5

Curacuna cullquita huacaichiccunapac maquimanta japishpa, Mandac Diospac huasi chictarishcacunata, ashtahuan maipi allichinacunata allichinguichic» nirca.

ÉXODO 30:14

Chai yupashcacunaca ishcai chunga huatata charicmanta huichaimanca tucuimi ofrendata alzashpa ñucaman cuna can.

ÉXODO 38:24

Dios-huan tupana huasipish, ima shuctac ruhuanacunapish yaicushca Diosman cushca curica iscun patsac sucta chunga pichca kilo, quimsa chunga gramosmi carca. Chaica Dios-huan tupana huasi ucupi tiyac pezashca cullqui shinami carca.

ÉXODO 38:26

Ishcai chunga huatamanta callarishpa, paicunapac shuticunata quillcashcaca sucta patsac quimsa huaranga pichca patsac pichca chunga gentemi carca. Tucui paicunami carpa huasipi pezashca shinallatac pichca gramo chaupi cullquita curca.

EZEQUIEL 45:12

Shinallatac shuc siclos cullquica ishcai chunga gerastami pezanga. Sucta chunga siclos cullquica shuc minatami pezanga.

LEVÍTICO 27:25

Tucui imatapish ñucahuan tupana huasipi tiyac cullqui mashna valishcapimi valichina can. (Chai cullquica ishcai chunga gerasmi valin).

LEVÍTICO 27:3

Chaica, ñucapac carpa huasipi tiyac siclos cullqui valishca shinami pagana can. Ishcai chunga huatamanta sucta chunga huatata charic runamantaca pichca chunga siclos cullquitami pagana can.

LEVÍTICO 5:15

«Maijanpish mana yachashcamanta Mandac Diosman cuna cashcata mana cushpaca juchallinmi. Chaimantaca paipac manadamantami ima mana tucushca shuc cari ovejatami Mandac Diosman cuna can. Chai ovejaca Diospac carpa huasipi tiyac siclos cullqui valishca shinami canga. Chai cullqui vali cacpimi, curaca juchata pichachun Diosman cunga.

NÚMEROS 18:16

Chai animalcunataca huacharishca ña quilla tucucpimi, cullquita cushpa saquichina cangui. Chai animaltaca ñucahuan tupana huasipi tiyac cullqui mashna valishca shinallatacmi pichca siclos cullquita cushpa, saquichingui. Chaica ishcai chunga gerasmi can.

NÚMEROS 3:47

Chaimanta paicunataca pichca cullquita cada shucmanta chasquingui. Chai cullquica Dios-huan tupana huasipi tiyac cullqui mashna valishca shinallatacmi cana can.

NÚMEROS 7:67

Paipac ofrendaca Diospaclla cac ucupi tiyac cullqui valishca shina pezashca patsac quimsa chunga siclosta pezac cullqui plato, canchis chunga siclosta pezac cullqui jarromi carca. Chai ishcaipitacmi alli harinata aceitehuan jundachishca carca.

NÚMEROS 7:86

Diospaclla cac ucupi tiyac cullqui valishca shinami chunga ishcai curi cucharapi inciensota jundachishca carca. Chai cucharacunaca cada cucharami chunga siclosta pezarca. Tucui tandachicpica, patsac ishcai chunga siclos valicmi carca.

SAN MATEO 17:24

Jesús Capernaúm puebloman chayacpimi, Diosta mañana huasimanta impuestota japiccuna Pedropacman cuchuyashpaca: —Cancunata yachachicca, ¿Diosta mañana huasimanta impuestota paganllachu?— nishpa tapurca.

SAN MATEO 21:12

Jesús Diosta mañana huasiman yaicushpaca, chai ucupi catushpa, randishpa tiyaccunatami llucchishpa cacharca. Cullquita cambiana mizacunatapish, paloma catuna mizacunatapish

SAN MATEO 27:24

Tucui gentecuna mana uyashun nishpa, ashtahuan caparinacui callaricpimi, Pilatoca yacuta japishpa, maquita jahuashpaca: —Cai runata huañuchishpaca mana ñucachu juchayuc casha, ashtahuanpish cancunami juchayuc canguichic— nirca.