ÉXODO 30:12 - Dios Rimashcata Quillcashcami

¹² «Tucui yupashca israelcunami causaimanta Mandac Dios ñucaman cullquita cuna can. Chashna paicunata yupacpica, mana huañui japingachu.

ÉXODO 30:12 Iomraidhean Croise

1 CRÓNICAS 21:1

Satanasca israelcunata piñashpami Davidmanca israelcunata yupana yuyaita curca.

1 CRÓNICAS 21:12

“¿Quimsa huatata yarcaihuan llaquichichunchu munangui? ¿Mana cashpaca, canta piñaccuna mishashpa, espadahuan huañuchingapac caticpi, quimsa quillata miticushpa purinatachu munangui? ¿Mana cashpaca, Mandac Diospac ángel tucui Israel llactata mancharina ungüihuan quimsa punzhata llaquichichunchu munangui?” ninmi. Riqui, can maijanta acllashcatami ñucata cachacmanca huillagrina cani— nirca.

1 CRÓNICAS 21:14

Shinami Mandac Diosca jatun mancharina ungüihuan israelcunata llaquichirca. Chai ungüihuanmi canchis chunga huaranga israelcuna huañurca.

1 CRÓNICAS 21:3

Shina nicpimi Joabca: —¡Mandac Dios pai acllashca israelcunataca cunan cashcamanta patsac cutinhuan yallita mirachichun! Jatun mandac ñuca amolla, ¿manachu tucui paicunaca ñuca amota serviccuna? Ñuca amo canca ¿Imapactac yupachun mandangui? ¿Imapactac israelcunapac llaquita ruhuashun?— nirca.

1 CRÓNICAS 27:24

Sarviapac cari huahua Joabmi israelcunata yupai callarirca. Chashna yupai callarishcamanta israelcunata jatun llaqui japicpimi, yupanataca mana tucuchirca. Chai yupanaca jatun mandac David imata ruhuashcata quillcashcapica mana tiyanchu.

2 CRÓNICAS 24:6

Chaimantami jatun mandacca curacunata mandac Joiadata cayashpaca: «Judá llactapi, Jerusalenpi causaccuna cushca ofrendata levitacuna apamuchunca, ¿ima nishpatac mana utca mandarcangui? Caitaca Mandac Diosta servic Moisesmi Dios mandashcacunata huacaichina carpa huasita ruhuangapac tandanacushca israelcunahuan mandarca.

2 CRÓNICAS 24:9

Chai quipaca shitashca pambapi Mandac Diosta servic Moisés israelcunata mandashca shinami Mandac Diosman ofrendata cuchun Judapi, Jerusalenpi huillachun mandarca.

JOB 33:24

Pai tapushpa allita tarishca cashpaca: “Enterrana jutcumanta quishpichircami. Canca quishpirinata tarircanguimi” ninmanmi.

JOB 36:18

Chaimanta cambac charishcacunapi shunguta churanamantaca cuidaringui. Chai llaquimantaca imata cushpapish mana quishpiri pudinguichu.

SALMOS 49:7

Shina cashpapish chai charishcahuanca pita mana quishpichi pudinchu. Shinallatac paipish Diosman imata cushpa mana quishpiri pudinchu.

ÉXODO 30:11

Mandac Diosca Moisestaca:

NÚMEROS 31:49

cuchuyashpaca: «Canta servic ñucanchicmi tucui macanacuiman ric soldadocunata yuparcanchic. Shina yupacpica, ñucanchic soldadocunaca shucllapish mana illanchu.

NÚMEROS 31:50

Chaimantami Mandac Diosman cungapac ñucanchicca curimanta ruhuashca collarcunata, sortejascunata, manillacunata, zarcillocunata, cadenacunata apamunchic. Caicunataca ñucanchic juchata Mandac Dios pichachunmi apamunchic» nirca.

SAN MATEO 20:28

Chai shinallatacmi Runa Tucungapac shamushca ñucaca, mana servichingapac shamurcani, ashtahuanpish servingapac, huañushpa achcacunata quishpichingapac shamurcani— nirca.

MARCOS 10:45

Runa Tucungapac shamushca ñucaca, mana servichingapacchu shamurcani, ashtahuanpish servingapac, huañushpa achca runacunata quishpichingapacmi shamurcani— nirca.

1 TIMOTEO 2:6

Tucui gentecunata quishpichingapac, paillatac japi tucushpa huañushpami, Dios munashca punzhacuna pactacpica, quishpichic cashcata ricuchirca.