ÉXODO 3:19 - Dios Rimashcata Quillcashcami

¹⁹ Egipto llactata jatun mandacca mana cacharisha ningachu. Chaitaca yachanimi. Ashtahuanpish yallita llaquichicpimi cacharinga.

ÉXODO 3:19 Iomraidhean Croise

ÉXODO 10:20

Shina cacpipish, Mandac Diosllatac Faraonpac shunguta sinchiyachicpimi, israelcunataca mana richun saquirca.

ÉXODO 11:10

Moisespish, Aaronpish Faraonpac ñaupapi mancharinacunatami ruhuashpa ricuchirca. Mandac Diosllatac Faraonpac shunguta sinchiyachicpimi, israelcunataca chai llactamanta mana cacharirca.

ÉXODO 11:9

Chaimantami Mandac Diosca Moisestaca: —Faraonca manatac uyangachu. Chaica, Egiptopi ñucaca ashtahuan mancharinacunata ruhuashpa ricuchichunmi cashnaca tucunga— nirca.

ÉXODO 13:15

Faraón israelcunata mana cacharisha nishpa, shungu sinchiyacpimi, Mandac Diosca tucui punta huacharishca gentecunatapish, animalcunatapish huañuchirca. Chaimantami tucui punta huacharishca cari animalcunataca Mandac Diosman cunchic. Cutin punta cari huahuamantaca, punta huacharishca animaltami cunchic” ninguichic.

ÉXODO 4:21

Mandac Diosca Moisestaca: —Egiptoman cutishpa, Faraonpac ñaupapi tucui ñuca ruhuachun nishca ricuchinacunata ruhuashpa ricuchingui. Ashtahuanpish ñucaca paipac shunguta sinchiyachishami. Shina ruhuacpica, israelcunataca mana cacharingachu.

ÉXODO 5:2

Shina nicpimi Faraonca: —Pai rimashcata uyashpa richun saquingapacca, ¿pitac Mandac Diosca? Mandac Dios nishcataca mana ricsinichu. Israelcuna richunpish mana saquishachu— nirca.

ÉXODO 6:1

Shina nicpimi, Mandac Diosca Moisestaca: —Cunanmi ñuca Faraonta imata ruhuacta ricungui. Ñuca poderhuan llaquichicpimi cacharinga. Sinchita llaquichicpimi, paipac llactamanta llucchishpa cachanga— nirca.

ÉXODO 8:28

Shina nicpimi Faraonca: —Mana yalli caruyana cashpaca, shitashca pambapi animalta huañuchishpa, cancunata Mandac Diosman cugrichiclla. Chashnallatac ñucamantapish mañanguichic— nirca.

ÉXODO 9:35

Mandac Dios Moisesta nishca shinallatacmi Faraonca sinchi shungu tucushpa, israelcunata mana cacharirca.

ÉXODO 9:7

Faraonca israelcunapac animalcuna huañushcata, mana huañushcata ricuchun cachacpica, shucllapish mana huañushcachu carca. Shina tucucpish, Faraonca sinchi shungu tucushpami, israelcunataca mana cacharirca.