ÉXODO 3:10 - Dios Rimashcata Quillcashcami

¹⁰ Chaimanta cunanca ri. Ñucami ñuca acllashca israelcunata llucchichun, Faraonpacman cachagrini— nirca.

ÉXODO 3:10 Iomraidhean Croise

GÉNESIS 15:13

Mandac Diosca Abramtaca: —Caitami alli yachana cangui. Cambac huahua huahuacunaca shuctac llactapimi causagringa. Chaipimi catushca shina servinga. Chai llactapica chuscu patsac huatatami llaquita causanga.

GÉNESIS 15:14

Chai llactapi causaccuna llaquichishcamantaca paicunatapish ñucaca llaquichishami. Chai quipaca, tucui charishcacunandimi chai llactamanta llucshinga.

SALMOS 105:26

Chai quipami pai acllashca paita servic Moisestapish, Aarontapish cacharca.

SALMOS 77:20

Moises-huan Aaronhuanmi can acllashcacunataca manada ovejacunata shina pushamurcangui.

ÉXODO 12:40

Israelcunaca Egiptopica chuscu patsac quimsa chunga huatatami causarca.

ÉXODO 12:41

Chuscu patsac quimsa chunga huata tucucpica, chai punzhallatacmi Mandac Diosca israelcunata tandachishpa, Egiptomanta llucchirca.

ÉXODO 33:12

Moisesca Mandac Diostaca: —Riqui, canca ñucataca: “Israelcunata pushai” ninguimi. Shina cacpipish, ñucahuan pi rina cashcataca manamari huillanguica. Chashnallatac: “Ñucami cambac alli ricsishca cani. Canca, ñuca ñahuipica allimi ricurishcangui” nircanguimi.

ÉXODO 33:13

Chashna cambac ñahuipi alli ricurishca cacpica, can imata ruhuasha nicushcataca huillaiyari. Chashna huillacpimi, can ñucahuan cashcataca yachasha. Riqui, cai gentecunaca can acllashcacunami— nirca.

ÉXODO 6:26

Mandac Dios Aarontapish, Moisestapish rimashpaca: «Cancunami israelcunataca Egiptomanta sumacta tandachishpa llucchimugringuichic» nirca.

OSEAS 12:13

Mandac Diosca pai ima nishcata huillac runahuanmi israelcunataca Egiptomanta pushamurca. Chai huillac runatami paicunata cuidachun churarca.

MIQUEAS 6:4

Ñucami Egipto llactamantaca llucchimurcani. Cancuna, chai llactapi huatashca shina causacucpimi, Moisesta, Aaronta, Mariata cachashpa quishpichircani.

HECHOS 7:34

Egiptopi ñuca acllashca israelcuna llaquihuan causacuctami ricuni. Paicuna huacacuctapish uyanimi. Chaimantami llaquimanta llucchingapac shamurcani. Cunanca shamui, cantami Egiptoman cachagrini” nirca.

HECHOS 7:36

Chai Moisesmi israelcunata Egiptomanta mancharinacunata ruhuashpa, Puca Cucha chaupita llucchimurca. Shinallatac shitashca pambapipish chuscu chunga huatatami carca.

HECHOS 7:6

Diosca Abrahamtaca: “Cambac huahua huahuacunaca shucpac llactapi pozashpallami causanga. Chai llactapimi chuscu patsac huatata servishpa, llaquilla causanga” nirca.

HECHOS 7:7

Shina cacpipish Diosca: “Servichishpa chariccunataca llaquichishami. Chai quipaca, chai llactamanta llucchishpami, cai llactapi ñucata servingacuna” nircami.

JUECES 6:14

Mandac Dios paipac ñahuita ricushpa rimashpaca: —Cambac tucui fuerzahuan rishpa, israelcunata madianitacunapac maquimanta quishpichigri. ¿Manachu ñuca cantaca cachani?— nirca.

1 SAMUEL 12:6

Shina nicpimi, Samuelca israelcunataca: —Cancunapac taitacunata Egiptomanta llucchichun Moisesta, Aaronta acllashpa cachac Mandac Diosmi ricucun.

1 SAMUEL 12:8

Egiptoman Jacobo paipac huahua huahuacunandi chayacpica, yallitami chaipi causaccunaca llaquichirca. Chaimantami Mandac Diostaca caparishpa mañarca. Chashna cacpimi, cancunapac taitacunata Egiptomanta llucchichun Moisesta, Aaronta Mandac Diosca cacharca. Paicuna llucchishpami, cai llactapi causachun churarca.