ÉXODO 3:1 - Dios Rimashcata Quillcashcami

¹ Moisesca paipac suegro Jetropac ovejacunatami michishpa causarca. Jetroca Madián llactapi curami carca. Chashna michicushpami, shitashca pambata pasashpa, Diospac Horeb urcuman chayarca.

ÉXODO 3:1 Iomraidhean Croise

1 REYES 19:19

Chai urcumanta rishpami, Eliasca Safatpac churi Eliseo chunga ishcai yuntacunahuan yapucucman chayarca. Shuc yuntapica paillatacmi tucuipac huashata caticurca. Eliasca Eliseopac ñaupata rishpami, pai jahualla churarishcata Eliseopac jahuapi shitarca.

1 REYES 19:8

Shina nicpimi, Eliasca jatarishpa micurca, yacutapish ubiarca. Chaita micushpaca, ña sinchiyashpami, chuscu chunga punzha, chuscu chunga tutata Diospac Horeb urcuman chayangacaman rirca.

SALMOS 106:19

Horeb urcupica curita yacuyachishpa, ruhuashca becipac ñaupapimi cungurircacuna.

ÉXODO 17:6

Ñucaca Horeb urcu jahuapimi cambac ñaupapi casha. Can rumipi varahuan huactacpica, chaimanta yacuca llucshingami. Chaipica ubiangallami— nirca. Moisesca israelcunata pushaccunapac ñaupapimi chashna ruhuashpa ricuchirca.

ÉXODO 18:12

Quipaca Moisespac suegro Jetroca animalta huañuchishpa, Diosman cushpa, tucui rupachishpami, shuctac ofrendatapish curca. Aaronpish, tucui israelcunata pushaccunapish Moisespac suegro Jetrohuan Diospac ñaupapi micungapacmi rirca.

ÉXODO 19:11

Quimsa punzhacamanca allichirishca cachun mandangui. Chai punzhami Sinaí urcu jahuaman tucui israelcuna ricucucpi shamusha.

ÉXODO 19:2

Refidim pambamanta rishpaca, Sinaí shitashca pambaman chayashpami, Sinaí urcu chimbapurapi carpa huasita shayachishpa tiyarirca.

ÉXODO 19:3

Dios-huan Moisés parlangapac huichai ricpimi, chai urcu jahuamanta Mandac Dios cayashpaca: —Jacobopac huasi ucupura israelcunataca:

ÉXODO 2:16

Madián llactapi causac curami canchis ushita charirca. Paicunaca yacuta llucchishpa, rumi bateacunapi jundachishpa, taitapac ovejacunaman ubiachingapacmi shamurca.

ÉXODO 2:18

Chai solteracuna paipac taita Reuelpacman cutimucpi taitaca: —¿Ima nishpatac utca cutimunguichic?— nirca.

ÉXODO 2:21

Moisés Reuelpac huasipi causangapac saquisha nicpimi, paica paipac ushi Seforahuar cazarachirca.

ÉXODO 24:13

Chashna nicpimi, Moisesca paita ayudac Josuehuan Diospac urcuman huichai rirca.

ÉXODO 3:12

Shina nicpimi, Mandac Diosca: —Ñucami canhuan casha. Ñuca canta cachashcata ricuchingapacca, shuc ricuchinatami ricuchigrini. Egiptomanta ñuca acllashcacunata llucchimushca quipaca, tucui cancunami cai urcupi ñucata servinguichic— nirca.

ÉXODO 3:5

Shina nicpimi, Mandac Diosca: —Can sarucuc allpaca ñucapacllami. Chaimanta ama cuchuyaichu. Cambac ushutata llucchi.

ÉXODO 33:6

Israelcunaca Horeb urcumanta llucshishpaca, sumac churanacunataca ña mana ashtahuan churarircachu.

ÉXODO 4:18

Moisesca paipac suegro Jetropacman cutishpaca: —Ñuca huauquicunapacmanmi, paicuna causacushcata, mana causacushcata yachangapac Egiptoman cutirigrini— nirca. Shina nicpimi Jetroca: —Allilla ringui— nirca.

ÉXODO 4:27

Mandac Diosca Aarontaca: —Shitashca pambapi Moisesta tupagri— nirca. Aarón tupangapac rishpa, Mandac Diospac urcupi Moises-huan tupashpa mucharca.

AMÓS 1:1

Judá llactata jatun mandac Uzías mandacucpi, Israel llactataca Joaspac churi Jeroboam mandacucpi, allpa chucchungapac ishcai huata tiyacpiracmi Mandac Diosca israelcuna ima tucunata Tecoamanta ovejacunata michic Amosman huillachirca.

MALAQUÍAS 4:4

Ñucata servic Moisés mandashcacunatapish, ñuca yachachishcacunatapish allita yuyaringuichic. Chai mandashcacunataca tucui israelcunaman huillachunmi Horeb urcupi curcani.

NÚMEROS 10:29

Moisespac suegroca Madianmanta Reuelmi carca. Paipac churi Hobabtami Moisesca: —Ñucanchicca Mandac Dios cusha nishca llactamanmi ricunchic. Canpish ñucanchic-huan jacu. Mandac Dios ñucanchic-huan allimi casha nishca shinallatacmi canhuanpish alli cashun— nirca.

NÚMEROS 10:33

Mandac Diospac urcumanta israelcuna rishpaca, quimsa punzhatami purirca. Mandac Dios-huan ari nishca quillcata huacaichina Arcahuanca ñaupashpami quimsa punzhata maipi samarinata mashcashpa purirca.

SAN LUCAS 2:8

Chai Belén pueblo lado pambapica, michiccunami ovejacunata tuta cuidacurca.

HECHOS 7:30

Chuscu chunga huatata chai llactapi causacushpami, Moisesca Sinaí urcu cuchulla shitashca pambapi, shuc zarza yura rupacucta ricurca. Chai rupacuc yura chaupipica, shuc angelmi ricurirca.

DEUTERONOMIO 1:2

Horeb urcumanta Seir urcuta rishpa, Cades-barneaman chayangapacca chunga shuc punzhatami purina carca.

DEUTERONOMIO 1:6

«Ñucanchicta Mandac Dios Horeb urcupi rimashpaca: “Caipica unaitami tiyashcanguichic.

DEUTERONOMIO 4:10

Horeb urcupi Mandac Diospac ñaupapi cancuna cacpimi, paica: “Ñuca nishcacunata uyachun, tucui israelcunata ñuca ñaupaman tandachi. Caicunata yachacushpami, cai pachapi causashpaca ñucata manchashpa causangacuna, shinallatac huahuacunamanpish yachachinga” nirca.

JUECES 4:11

Ceneocunapuramanta Heberca Moisespac suegro Hobabpac huahua huahuacunaca caishuc ceneocunapuramanta raquirinacushca Cedes pueblo ladopi cac Zaanaim pambapi tiyac encina yura cuchupimi carpa huasita shayachishpa tiyacurca.

1 SAMUEL 16:11

Chai quipami Samuelca Isaitaca: —¿Cambac churicunaca caicunallachu?— nishpa tapurca. Shina tapucpi Isaica: —Shuc quipa churi tiyanmi. Paica ovejacunata michicmi— nirca. Shina nicpimi, Samuelca Isaitaca: —Paita pushamuchun cachai. Pai caiman chayamungacaman mana micungapac tiyarishunchu— nirca.