ÉXODO 29:41 - Dios Rimashcata Quillcashcami

⁴¹ Shuctac ovejataca chishitami cungui. Chai ovejataca tutamanta cushca shinallatac aceitehuan, vinohuan chapushpa rupachingui. Shina ruhuashcami ñucamanca mishquilla ashnanga.

ÉXODO 29:41 Iomraidhean Croise

1 REYES 18:29

Paicunaca chaupi punzha quipapish chishiyangacamanmi yuyaita chingachishca shina caparishpa catircacuna. Chaicamanca ñami animalta cushpa huañuchina horas tucurca. Chashna caparicucpipish, pi rimashcapish mana uyarircachu. Mañashcata pi cutichicpish mana tiyarcachu.

1 REYES 18:36

Diosman animalta cushpa rupachina horas ña chayacpimi, Dios ima nishcata huillac Elías altarman cuchuyashpaca: «¡Abrahampac, Isaacpac, Israelpac Mandac Dioslla, Israel llactapica canlla Dios cashcata cunan ricuchiyari! ¡Ñucapish canta servic cashcata can mandacpi, tucui caicunata ruhuacushcatapish ricuchiyari!

2 REYES 16:15

Jatun mandac Acaz Urías curata mandashpaca: «Cai jatun altarpica tutamanta Diosman animalcunata cushpa tucui rupachinguichic. Chishica Diosman cushca granota, jatun mandac cushca animalta, chai pueblopi causaccuna cushca animalta rupachinguichic. Shinallatac ofrendatapish, tallina vinotapish rupachinguichic. Chai jahuallapitac huañuchishca animalpac yahuartapish, tucuita Diosman cushpa rupachina animalpac yahuartapish chirapanguichic. Cai bronce altartaca Diosman ñuca tapungapacllami charisha» nirca.

2 CRÓNICAS 2:3

Chai quipami Salomonca Tiro llactata jatun mandac Hiramman quillcashpaca: «Ñuca taita Davidhuan ruhuashca shinallatac ñucamanpish ruhuaiyari. Shuc huasita paiman ruhuachunca, cedro caspicunatami cacharcangui.

SALMOS 141:2

Ñuca mañashcaca incienso cushni shina mishquilla cambac ñaupaman chayashca cachun. Cambac ladoman ñuca maquicunata chutashcaca chishi lado ofrendata cushca shina cachun.

ÉXODO 12:6

Chai animaltaca quilla chunga chuscu punzhacamanmi charicuna canguichic. Chai punzha chishipimi, tandanacushca israelcunaca chai animalta huañuchinga.

ÉXODO 29:40

Tutamantaca cada ovejahuan shuc litro yalli harinahuan, shinallatac shuc litrota chaupi olivos tacashca aceitehuan cungui. Ovejataca litrota chaupi vinohuan ñucaman cungui.

ÉXODO 29:42

Cancunapac huahua huahuacunami ñucahuan tupana huasi yaicunapi ñucaman cushpa, ñucapac ñaupapi punzhanta rupachina can. Chaipimi ñucaca cancunahuan tupashpa rimasha.

DANIEL 9:21

Chashna mañacucpimi, utca muscuipi shina ricushca ángel Gabrielca jahuata volashpa ñucapacman shamurca. Chaica animalta Diosman cushpa rupachina horasmi carca.