ÉXODO 29:25 - Dios Rimashcata Quillcashcami

²⁵ Quipataca paicunapac maquimanta japishpa, ñucaman cushca tucui rupacuc jahuapi churashpa rupachingui. Chashna rupachishcami Mandac Dios ñucamanca mishquilla ashnanga. Chaica ñucaman cushpa rupachishcami canga.

ÉXODO 29:25 Iomraidhean Croise

GÉNESIS 8:20

Chai quipami Noeca Mandac Diosman altarta ruhuarca. Chaipimi Mandac Diosman cuna animalcunamantapish, volac animalcunamantapish shucta Mandac Diosman cushpa rupachirca.

GÉNESIS 8:21

Shina rupachicpi, Mandac Diosman mishquilla ashnashpa chayacpimi paica: «Runapac juchamantaca cai pachataca jaicapi mana llaquichishachu. Runaca huambramanta pacha millaita yuyacunllami. Shinallatac mana cunan tucuchishca shina, tucui causaita charic animalcunataca tucuchishachu.

SALMOS 99:6

Moisespish, Aaronpish paipac curacunapurami carca. Samuelpish paita mañaccunapurallatacmi carca. Paicuna mañashcataca Mandac Diosca uyacmi carca.

ÉXODO 29:18

Chai oveja aichataca Altar jahuapi churashpa, ñucaman cushpa, rupachingui. Chashna rupachishcami ñucamanca mishquilla ashnanga.

ÉXODO 29:24

Chaitaca Aaronpac shinallatac paipac churicunapac maquipi churangui. Shina churacpimi, paicunaca cuyuchishpa ñucaman cunga.

ÉXODO 29:41

Shuctac ovejataca chishitami cungui. Chai ovejataca tutamanta cushca shinallatac aceitehuan, vinohuan chapushpa rupachingui. Shina ruhuashcami ñucamanca mishquilla ashnanga.

LEVÍTICO 1:13

Curallatacmi chunzhullitapish, changa aichatapish yacuhuan jahuanga. Chashnami tucuita tandachishpa, altar jahuapi churashpa rupachinga. Chashna tucui rupachicpimi, Mandac Diosmanca mishquilla ashnanga.

LEVÍTICO 1:9

Chai chunzhullitapish, changa aichatapish yacuhuan jahuashpami, Diosman cushpa tucui rupachina can. Chashna rupachicpimi, Mandac Diosmanca mishquilla ashnanga.

LEVÍTICO 10:13

Diospaclla chicanyachishca pushtupi micunguichic. Mandac Diosman cushpa, rupachishca puchuca huiñaitami cambac, shinallatac cambac churicunapac canga. Cashnami Mandac Diosca ñucataca mandarca.

LEVÍTICO 2:11

Mandac Diosman cusashca grano ofrendaca levadura illactami cana can. Mandac Diosmanca imatapish mana levadurahuan, mana abeja mishquihuanchu cana can.

LEVÍTICO 2:16

Curaca yuyarina cachunmi, chai cutashcataca aceitehuan chapushpa, inciensohuan altarpi rupachinga. Chaica Mandac Diosman cushpa rupachishcami canga.

LEVÍTICO 2:2

Chaitaca Aaronpac churi curacunamanmi cunga. Chaitaca curami maqui junda alli harinahuan, aceitehuan, inciensohuan chapushpa, yuyarina cachun, altar jahuapi rupachinga. Chaimi Mandac Diosmanca mishquilla ashnanga.

LEVÍTICO 2:9

Curallatacmi ashata japishpa, Mandac Diosman cushpa, yuyarina cachun, altar jahuapi rupachinga. Chaimi Mandac Diosmanca mishquilla ashnanga.

LEVÍTICO 3:11

Chashnami curaca altar jahuapi rupachinga. Tucui chaicunaca Mandac Diosman cushpa rupachishcami canga.

LEVÍTICO 3:14

Chaimantami Mandac Dios-huan alli tucungapac cushca animaltaca rupachinga. Chunzhulli tapashca huiratapish, huicsapi tiyac tucui huiratapish,

LEVÍTICO 3:16

Chaicunataca curami altar jahuapi rupachinga. Chaicunaca micuna ofrendami canga. Chaicunata rupachishcami Diosmanca mishquilla ashnanga. Tucui chaicunaca Mandac Diosman cushcami canga.

LEVÍTICO 3:3

Chai quipami Dios-huan alli tucungapac cushca huagratapish, huagra chunzhulli tapashca huiratapish, huicsapi tiyac huiratapish Diosman cushpa rupachinga.

LEVÍTICO 3:5

Chaicunataca Aaronpac churi curacunami tucui rupachina ofrendahuan altar jahuapi rupachinga. Chaimi Mandac Diosmanca mishquilla ashnanga.

LEVÍTICO 3:9

Mandac Dios-huan alli tucuna ofrendataca lomo tullu tucurinapi pitishpami chupatapish, chaipi tiyac huiratapish, chunzhulli tapashca huiratapish rupachina can.

LEVÍTICO 7:25

Maijanpish Mandac Diosman cushca animalpac huirata micucca israelcunapuramanta anchuchishcami canga.

LEVÍTICO 7:5

Chaitaca curami Mandac Diosman cushpa, altarpi rupachinga. Caimi pandarishcamanta Diosman cunaca.

LEVÍTICO 8:28

Quipaca paicunapac maquimanta japishpami, Moisesca Diosman cushpa, tucuita rupachina altarpi rupachirca. Chaicunami Aarontapish, paipac churicunatapish Diospaclla cachun chicanyachingapac rupachinaca carca. Chashna rupachicpimi, Diosmanca mishquillata ashnacuc chayarca.

EFESIOS 5:2

Jesucristo ñucanchicta cuyac shinallatac, cancunapish cuyanacushpa causaichic. Paica Diosman cushpa rupachishca mishquiman ashnacuc shina cangapacmi pai quiquinllatac japi tucushpa, ñucanchicmanta huañurca.

1 SAMUEL 2:28

Ñuca altarman rishpa, ñucapac ñaupapi efodta churarishpa, inciensota rupachichunmi tucui Israel aillucunamanta ñucapacllata ruhuac cura cachun acllarcani. Shinallatac israelcuna ofrendata ñucaman cushcatapish, cambac taitacunapac huasi ucupuramanmi curcani.