ÉXODO 29:22 - Dios Rimashcata Quillcashcami

²² Chai ovejaca ñucapaclla cura cachun chicanyachingapac cushca ovejami, chaimanta oveja chupata, chunzhulli tapashca huirata, yana shungu huirata, ishcai riñón huirata, alli lado rigrata apamungui.

ÉXODO 29:22 Iomraidhean Croise

ÉXODO 29:13

Yana shunguta, chunzhullita tapashca huiratapish, ishcai riñón huiratapish llucchishpa, altar jahuapi rupachingui.

ÉXODO 29:21

Altar jahuapi cac yahuartapish, aceitetapish japishpa Aaronpac, paipac churicunapac jahuapi shinallatac paicunapac churanapi chirapangui. Shinami Aaronpish, paipac churicunapish ñucapaclla chicanyachishca canga.

ÉXODO 29:23

Mandac Dios ñucapac ñaupapi tiyacuc tazamanta aceitehuan masashca levadura illac tandata, tortata, galletata apamungui.

LEVÍTICO 10:14

Alzashpa cushca pecho aichatapish, changa aichatapish chuyanlla pushtupi canpish, cambac churicunapish, ushicunapish micunguichic. Israelcuna Dios-huan alli tucungapac cushca aichaca cambac, cambac huahua huahuacunapacmi canga.

LEVÍTICO 14:12

Pandarishcamantaca curami shuc ovejata japishpa, litro aceiteta quimsapi chaupishca aceitehuan cuyuchishpa, Mandac Diospac ñaupapi cunga.

LEVÍTICO 3:9

Mandac Dios-huan alli tucuna ofrendataca lomo tullu tucurinapi pitishpami chupatapish, chaipi tiyac huiratapish, chunzhulli tapashca huiratapish rupachina can.

LEVÍTICO 7:3

Chai animalpac huiratapish, chupatapish, chunzhulli tapashca huiratapish,

LEVÍTICO 7:37

Cai mandashcacunami Mandac Diosman animalta cushpa, tucui rupachina, grano ofrendata cuna, juchamanta animalta cushpa huañuchina, pandarishcamanta animalta cushpa huañuchina, Diospaclla chicanyachishca cangapac cuna, shinallatac Dios-huan alli tucungapac cushcacunata ima shina ruhuanacuna can.

LEVÍTICO 9:19

Chashnami huagra huiratapish, cari oveja huiratapish, chupatapish, chunzhulli tapashca huiratapish, riñón huiratapish, yana shungu huiratapish curcami.

LEVÍTICO 9:21

Mandac Dios Moisesta mandashca shinallatacmi Aaronca chai pecho aichatapish, alli lado changatapish cuyuchishpa Diosman curca.

NÚMEROS 18:18

Shinallatac chai aichapish, Diosman cuyuchishpa cushca pecho aichapish, alli lado changa aichapish canmanmi canga.

1 SAMUEL 9:24

Shina nicpimi, yanuc runaca shuc changa aichata chai jahuapi imalla churashcacunandi apamushpa Saulpac ñaupapi churarca. Shina churacpimi Samuelca: —Riqui, caimi canman huacaichishca aichaca. Cai aichata japishpa micuilla. Cunan punzha canman carangapac allichishpaca: “Ñucaca micuiman shamuchunmi gentecunata cayarcani” nishpami huacaichircani— nirca. Chashnami Saulca chai punzhaca Samuelhuan micurca.