ÉXODO 29:13 - Dios Rimashcata Quillcashcami

¹³ Yana shunguta, chunzhullita tapashca huiratapish, ishcai riñón huiratapish llucchishpa, altar jahuapi rupachingui.

ÉXODO 29:13 Iomraidhean Croise

SALMOS 22:14

Ñucaca talliricuc yacu shinami tucuricuni. Ñuca tullucunapish tucui quihuirishcami. Ñuca shunguca huira nuyucuc shinami tucuricun.

ÉXODO 12:9

Chai aichataca chahuatapish, yacuhuan yanushcatapish mana micunachu, ashtahuanpish umacunandi, chaquicunandi, chunzhullindi ninapi cusashpami micuna canguichic.

ÉXODO 29:18

Chai oveja aichataca Altar jahuapi churashpa, ñucaman cushpa, rupachingui. Chashna rupachishcami ñucamanca mishquilla ashnanga.

ÉXODO 29:22

Chai ovejaca ñucapaclla cura cachun chicanyachingapac cushca ovejami, chaimanta oveja chupata, chunzhulli tapashca huirata, yana shungu huirata, ishcai riñón huirata, alli lado rigrata apamungui.

ÉXODO 29:25

Quipataca paicunapac maquimanta japishpa, ñucaman cushca tucui rupacuc jahuapi churashpa rupachingui. Chashna rupachishcami Mandac Dios ñucamanca mishquilla ashnanga. Chaica ñucaman cushpa rupachishcami canga.

ISAÍAS 1:11

Mandac Diosca: «Cancuna achca animalcunata ñucaman cushpa, huañuchishcapish, ¿ñucamanca imapactac valin? Cari ovejacunata cushpa, tucui rupachishcatapish, huira animalcunapac huirata rupachishcatapish ñucaca millanimi. Huagracunata, cari ovejacunata, chivocunata huañuchishpa, cushca yahuartapish mana munanichu.

ISAÍAS 34:6

Mandac Diosca Bosra llactapica animalcunata rupachingapac huañuchic shinami huañuchinga. Edom llactapipish achcatami huañuchinga. Espadaca maltón ovejacunapac, cari chivocunapac yahuarhuan, Maltón ovejacunapac riñón huirahuanmi yallita cahuiringa.

ISAÍAS 43:24

Mishquillata ashnacuctapish ñucaman mana randircanguichu. Huiratapish mana ñucaman cushpa rupachircanguichicchu. Chaipac randica cancunapac juchacunatami ñucaman apachic shina cushpa llaquichircanguichic. Millaita ruhuashpa causashpami, ñucata shaicuchircangui.

LEVÍTICO 1:15

Chaitaca curami umata anchuchishpa, altar rupachinga. Yahuartaca altar quingraipimi shutuchinga.

LEVÍTICO 1:9

Chai chunzhullitapish, changa aichatapish yacuhuan jahuashpami, Diosman cushpa tucui rupachina can. Chashna rupachicpimi, Mandac Diosmanca mishquilla ashnanga.

LEVÍTICO 16:25

cushca animalpac huirataca altarpi rupachinga.

LEVÍTICO 17:6

Chai animalpac yahuartaca curallatacmi ñucahuan tupana huasi pungu pambapi Mandac Diospac altarpi chirapanga. Huiratapish chai altar jahuallapitacmi rupachinga. Chashna rupachicpimi, Mandac Diosman mishquilla ashnanga.

LEVÍTICO 4:26

Curaca Dios-huan alli tucungapac huañuchishca animalpac huirata shinallatacmi juchamanta cushpa animal huiratapish altar jahuapi rupachinga. Chashna ruhuacpimi, juchacunataca Diosca perdonanga.

LEVÍTICO 4:31

Dios-huan alli tucungapac cushca animalmanta llucchic shinallatacmi tucui chai animalpac huirata llucchinga. Chai huirataca curami Mandac Diosman mishquilla ashnachun, altar jahuapi rupachinga. Chashna rupachicpimi, Diosca juchacunata perdonanga.

LEVÍTICO 4:35

Chaitapish Dios-huan alli tucungapac cushca animalmanta huirata llucchishca shinallatacmi curaca llucchishpa, rupachina altarpi rupachinga. Chashna rupachicpimi, Mandac Diosca juchataca perdonanga.

LEVÍTICO 6:12

Ninaca altar jahuapica manatac huañunachu can. Cada tutamantami curaca yantata churashpa catinga. Chaimi tucuita rupachina animaltaca rupachinga. Chaipimi ñucahuan alli tucungapac cushca animal huiratapish rupachinga.

LEVÍTICO 7:3

Chai animalpac huiratapish, chupatapish, chunzhulli tapashca huiratapish,

LEVÍTICO 7:31

Chai huirataca curami altar jahuapi rupachinga. Cutin pecho aichataca Aaronpac churicunami japinga.

LEVÍTICO 7:4

ishcai riñonta tapashca huiratapish, lomopi tiyac huiratapishmi, yana shungu tapashca huirahuan rupachinga.

LEVÍTICO 8:16

Moisesca animalpac chunzhulli tapashca huiratapish, yana shungu huiratapish, riñón huiratapish llucchishpami altarpi rupachirca.

LEVÍTICO 8:25

Chaimantaca chupatapish, chunzhulli tapashca huiratapish, yana shungu huiratapish, ishcai riñón tapashca huiratapish, alli lado changatapish japircami.

LEVÍTICO 9:10

Mandac Dios Moisesta mandashca shinallatacmi juchata pichachun cushca animal huiratapish, riñoncunatapish, yana shungu huiratapish altarpi rupachirca.

LEVÍTICO 9:19

Chashnami huagra huiratapish, cari oveja huiratapish, chupatapish, chunzhulli tapashca huiratapish, riñón huiratapish, yana shungu huiratapish curcami.

NÚMEROS 18:17

Shina cacpipish, punta vaca cacpi, oveja cacpi, chivo cacpica, cullquita cushpa mana saquichi pudinguichu. Chaicunaca ñucapaclla chicanyachishcami. Chai animalcunataca huañuchishpa yahuarta altarpi chirapangui. Cutin huirataca ñucaman mishquilla ashnachun rupachingui.

1 SAMUEL 2:16

Animalta huañuchic runa: «Shuyai huiratarac rupachisha, quipaca can munashcata apanguillami» nicpica: «Mana, cunanllatac cuilla. Can mana cucpica, quichushpami apasha» niccunami carca.