ÉXODO 28:43 - Dios Rimashcata Quillcashcami

⁴³ Chai churanahuanmi Aaronpish, paipac churicunapish ñucahuan tupana huasipi tandanacungapac, mana cashpaca altarpi servingapac yaicunga. Mana chashna yaicushpaca, juchallishpa huañungami. Cai mandashcacunami huiñaipac Aaronmanpish, quipa miraicunamanpish can.

ÉXODO 28:43 Iomraidhean Croise

ÉXODO 20:26

Shinallatac ñucaman altarta ruhuashpaca ama gradacunahuan ruhuanguichicchu. Cancuna chaiman huichai rishpaca, cancunapac lluchulla aichata ricuchinguichicmi” ningui.

ÉXODO 27:21

Chai lamparacunataca Aaronmi paipac churicunandi Mandac Dios ñucapac ñaupapi, ñucahuan tupana ucupi mandashcacunata huacaichishca paño canzhapi, chishimanta tutamantacaman japichishpa charinga. Caicunataca tucui israelcunapish, paicunapac huahua huahuacunapish huiñaita pactachichunmi, mandashpa quillcashca.

ÉXODO 30:21

Paicuna mana huañungapacca chaquitapish, maquitapish jahuarinami can. Caica, Aaronpish, paipac churicunapish huiñaita chashna ruhuachunmi mandashca» nirca.

EZEQUIEL 44:17

Ñuca huasi ucu pambamanca lino churanata churashcami yaicunga. Ñucapaclla huasi ucupi servingapac yaicushpaca, millma churanataca, mana churarinachu can.

LEVÍTICO 16:13

Chaipimi Aaronca Mandac Dios ñucapac ñaupapi cac ninapi inciensota rupachinga. Chashna rupachicpimi, mandashcata huacaichishca Arca tapa jahuata cushnica tapanga. Chashna tapacpimi, Aaronca mana huañunga.

LEVÍTICO 17:7

Chashnami mana ashtahuan chivoman riccha dioscunaman animalta cunga. Chai dioscunata servishpami huainayarca. Israelcunaca cai mandashcacunatami huiñaita huahua huahuacunapish pactachishpa causana can” ningui.

LEVÍTICO 22:15

Ñucapaclla chicanyachishcata ama mapayachinguichicchu. Chaicunaca israelcuna Mandac Dios ñucapaclla chicanyachishcami.

LEVÍTICO 22:9

Curacunaca cai ñuca nishcacunata cazuichic. Ñuca mandashcacunata mana pactachishpa, cai mandashcacunata yangapi churashpaca huañunguichicmi. Ñucaca ñucapaclla cachun, chicanyachic Mandac Diosmi cani.

LEVÍTICO 3:17

Cai mandashcacunaca huiñaipacmi canga. Maipi cashpapish cai mandashcacunata cazushcamantami huiratapish, yahuartapish mana micuna can” ningui» nirca.

LEVÍTICO 5:1

Maijanpish imata ricushca cashpa, mana cashpaca uyashca cashpa, chaita mana huillashpaca juchayucmi tucun.

LEVÍTICO 5:17

Maijanpish mana yachashcamanta Dios ama ruhuachun nishcacunata ruhuashpa, chaita ruhuashcata mana yachac chayashpapish juchayucmi tucunga. Chaimanta llaquichishcami canga.

NÚMEROS 15:15

Cancunapish, shuctac llactamanta shamushpa, cancunahuan causaccunapish cai mandashcallatatacmi ruhuana canguichic. Cai mandashcaca huiñaitami cancunapacpish, cancunapac huahuacunapacpish canga. Shuctac llactamanta shamushca runapish cancuna shinallatacmi Mandac Dios ñucapac ñaupapi ruhuana can.

NÚMEROS 18:22

Israelcunaca ñucahuan tupana huasimanca mana cuchuyanachu can. Paicuna chaiman cuchuyashpaca juchallishpa huañungami.

NÚMEROS 18:32

Cancuna japishcamanta ashtahuan alli ofrendata alzashpa ñucaman cushpaca, mana paicunapac juchata aparinguichicchu. Chashna ruhuashpami israelcuna chicanyachishpa, ñucaman cushcacunata mana mapayachishpa, mana huañunguichic” ningui» nirca.

NÚMEROS 18:8

Mandac Diosca Aarontaca: «Riqui, ñucaman alzashpa cushca ofrendacunataca can cuidachunmi churani. Israelcuna chicanyachishpa ñucaman tucui cushcacunataca cura cashcamantaca canmi japina cangui. Caitaca huiñaipacmi cambac huahua huahuacunamanpish cuni.

NÚMEROS 9:13

Maijan manapish mapa cashpa, manapish caru llactapi cashpa Pascua micuita mana ruhuacca israelpuramanta anchuchishcami canga. Mandac Dios ñuca mandashca punzhapi ofrendata mana cushcamantami llaquichishca canga.