ÉXODO 28:42 - Dios Rimashcata Quillcashcami

⁴² Chashnallatac cinturamanta mucucaman lluchullata jarcarichun, lino puchcacunamanta calzonta ruhuangui.

ÉXODO 28:42 Iomraidhean Croise

ÉXODO 20:26

Shinallatac ñucaman altarta ruhuashpaca ama gradacunahuan ruhuanguichicchu. Cancuna chaiman huichai rishpaca, cancunapac lluchulla aichata ricuchinguichicmi” ningui.

ÉXODO 39:28

Mitratapish, umapi allichishpa churana tiaratapish, calzoncillocunatapish lino puchcamantami ruhuarca.

EZEQUIEL 44:17

Ñuca huasi ucu pambamanca lino churanata churashcami yaicunga. Ñucapaclla huasi ucupi servingapac yaicushpaca, millma churanataca, mana churarinachu can.

EZEQUIEL 44:18

Lino turbanteta umapi churarishca, lino calzoncillota churarishcami yaicunga. Imapish jumbichictaca cinturapica mana churarinachu can.

LEVÍTICO 16:4

Ñucapaclla chicanyachishca lino tunicataca churashca, lino chumbihuan huatallishca, lino turbanteta churarishcami chai ucumanca yaicuna can. Cai churanacunami ñucapaclla chicanyachishca churanaca. Chai churanataca armarishpami churaringa.

LEVÍTICO 6:10

Chai quipami curaca lino churanata churarishpa, ucutaca calzoncillota churarina can. Chashnami tucui rupashca quipaca uchupata altar jahuamanta anchuchishpa, altar ladopi churanga.

LEVÍTICO 6:3

Imata tarishpa, mana cutichishpapish, llullashpa ari nishpapish, maijan juchayuc runa shinallatacmi juchayuc tucun.

APOCALIPSIS 3:18

Chaimantami ñucaca, ninapi rupachishca curita ñucamanta randishpa chayucyai, lluchulla pingaipi cashcata ama pi ricuchun, yuranlla churanata randishpa churari, ñahui alli ricuchunpish, jambita randishpa churari nini.