ÉXODO 28:39 - Dios Rimashcata Quillcashcami

³⁹ Tunicatapish, mitratapish lino puchcahuan sumacta bordashpa ruhuangui. Chumbitapish chashnallatac sumacta ruhuangui.

ÉXODO 28:39 Iomraidhean Croise

SALMOS 45:14

Bordashca churanahuanmi jatun mandacpacman pushashca canga. Carihuan manarac chayarishca solteracunami paitaca pushanga.

ÉXODO 26:36

Ñucahuan tupana huasi punguta jarcangapacca azul, morado, sani puca alli lino puchcahuan shuc pañota ruhuangui. Chaitaca alli sumacta bordashpa ruhuangui.

ÉXODO 27:16

Canzhaman yaicuna pungutaca azul, morado, sani puca lino puchcahuan bordashca, iscun metromi canga. Chaipish chuscu pilarhuan, chuscu basahuanmi canga.

ÉXODO 28:4

Cai churanacunata ruhuangui: Pectoraltapish, efodtapish, tunicatapish, cuadrado churanatapish, mitratapish shinallatac chumbitapish ruhuangui. Cura tucushpa, ñucata servichun, cambac huauqui Aaronmanpish, paipac churicunamanpish ñucapaclla chicanyachishca churanacunata ruhuachingui.

ÉXODO 29:5

Aaronmanca curacuna churana tunicata, efodta, pectoralta churachingui. Efodtaca chumbihuan huatachingui.

ÉXODO 29:6

Umapica ñucapacta ruhuac cura cashcata ricuchic quillcata mitrata churachingui.

ÉXODO 29:8

Aaronpac churicunata cayashpa, paicunamanpish tunicata churachingui.

ÉXODO 39:27

Aaronmanpish, paipac churicunamanpish lino puchcamantami alli ahuaccuna shinallatac tunicata ruhuarca.

LEVÍTICO 16:4

Ñucapaclla chicanyachishca lino tunicataca churashca, lino chumbihuan huatallishca, lino turbanteta churarishcami chai ucumanca yaicuna can. Cai churanacunami ñucapaclla chicanyachishca churanaca. Chai churanataca armarishpami churaringa.

LEVÍTICO 6:10

Chai quipami curaca lino churanata churarishpa, ucutaca calzoncillota churarina can. Chashnami tucui rupashca quipaca uchupata altar jahuamanta anchuchishpa, altar ladopi churanga.