ÉXODO 28:3 - Dios Rimashcata Quillcashcami

³ Canmi Aaronman churanacunata ruhuachun alli yuyaiyuc, yachac espirituyuc runacunahuan parlana cangui. Chashna ruhuashpa churachicpimi, ñucapaclla chicanyachishca cura canga.

ÉXODO 28:3 Iomraidhean Croise

1 REYES 7:14

Paica Neftalí aillupuramanta shuc viuda huarmipac cari huahuami carca. Paipac taitaca Tiro pueblomanta broncemanta imatapish ruhuanata alli yachacmi carca. Hirampish chai shinallatacmi broncemanta imata ruhuanatapish, ima shina ruhuanatapish alli yachac, yuyaisapa carca. Chaimantami mandac Salomonpacman shamushpa, pai ima nishcata ruhuarca.

ÉXODO 35:10

Cancunapuramanta maijan artesanocuna Mandac Dios mandashcata ruhuangapac shamuichic.

ÉXODO 35:25

Puchcac huarmicunaca paicunapac maquihuan puchcashpami azul, morado, sani puca, sumac lino puchcacunata apamurca.

ÉXODO 35:30

Moisesca israelcunataca: «Riquichic, Mandac Diosca Judá aillupuramanta Uripac churi Bezaleeltami cayarca. Urica Hurpac churimi carca.

ÉXODO 35:31

Paipac Espirituta cushpami, tucuipi alli yachachishpa, imata ruhuanapipish alli yuyaita cushpa, yuyaisapata ruhuashca.

ÉXODO 35:35

Paicunatami imatapish sumacta ruhuachun, alli yachac cachun churarca. Azul, morado, sani puca puchcamanta, alli lino puchcamanta ahuashpa, sumacta bordashpa, tucuilaya ruhuanacunata paicunapac yuyaihuan ruhuaccunatami churarca.

ÉXODO 36:1

Mandac Diosmi Bezaleelmanpish, Aholiabmanpish, yachac runacunamanpish paihuan tupana huasita ruhuachun, alli yachaita, alli yuyaita curca. Paicunami Mandac Dios mandashcata tucuita ruhuanga» nirca.

ÉXODO 36:2

Moisesca Bezaleeltapish, Aholiabtapish, Mandac Dios alli yuyaita cushca runacunatapish, shungumanta Diospacta ruhuana munaita charic runacunatapishmi cayarca.

PROVERBIOS 2:6

Mandac Diosmi alli yachaitaca cun. Paipac shimimi allita yachachin, allita entendichin.

ISAÍAS 11:2

Paihuanmi Mandac Diospac Espirituca causanga. Chai Espiritumi alli yuyaitapish, alli yachaitapish, cunana yuyaitapish, fuerzatapish paiman cunga. Shinallatac alli yachana yuyaitapish, Mandac Diosta manchana yuyaitapish cungami.

EFESIOS 1:17

Diospac Espíritu yachaita cushpa alli ricuchicpi cancuna Diosta alli ricsichunmi, ñucanchic Apunchic Jesucristopac sumaimana Diosta mañacuni.

DEUTERONOMIO 34:9

Nunpac churi Josueca Moisés maquita uma jahuapi churashcamantami alli yachac carca. Chaimantami israelcunaca Mandac Dios Moisesta mandashca shina Josué tucui nishcata cazurca.

SANTIAGO 1:17

Jahua pachapi sumac achiccunata ruhuac Diosmantami, ima allita ruhuana yuyaipish, cashcata ruhuana yuyaipish shamun. Paica mana shuctacyanchu, llandu shinapish mana tucunchu.