ÉXODO 27:9 - Dios Rimashcata Quillcashcami

⁹ Chashnallatac ñucahuan tupana huasi canzha pambatapish ruhuangui. Chai ura ladoca chuscu chunga pichca metromi canga. Lino puchcahuan ahuashca pañohuan jarcashcami canga.

ÉXODO 27:9 Iomraidhean Croise

1 REYES 6:36

Shinallatac Dios-huan tupana huasi ucupi cac patataca labrashca rumicunahuanmi quimsa filata ruhuarca. Cutin shuc filataca cedro caspimantami ruhuarca.

1 REYES 8:64

Jatun mandacca chai punzhallatacmi Mandac Diospac huasi ñaupapi tiyac chaupi pungu pambatapish Diospaclla cachun curca. Diosman cushpa tucui rupachina animalcunata, ofrendacunata, Dios-huan alli tucungapac cushca huirataca chai pungu pambapimi rupachirca. Mandac Diospac ñaupapi cac bronce altarca uchillami carca. Diosman cushpa tucui rupachina animalcunata, ashtahuan ima cushcacunata, Dios-huan alli tucungapac cushca huirata rupachingapacca mana pactarcachu.

2 CRÓNICAS 33:5

Shinallatac Mandac Diospac huasipica ishcai pungu pambapitacmi jahua pachapi cac tucui imapish tiyaccunaman altarcunata ruhuarca.

2 CRÓNICAS 4:9

Shinallatac curacunapac ucu pambatapish, tucuipac shayana jatun pambatapish punguhuanmi ruhuarca. Tucui chaicunatami broncehuan jahuata llutarca.

SALMOS 100:4

Paipac huasi pungutaca pagui nishpa, paipac huasi canzha pambataca cantashpa yaicuichicyari. Paipac shutitaca alli nichicyari, shinallatac pagui nichicyari.

SALMOS 116:19

Mandac Diospac huasi canzha pambapimi cusha. Jerusalenlla, cambac chaupipimi cusha. ¡Mandac Diosta alabaichicyari!

SALMOS 84:10

Huaranga punzhacunata canzhapi canapac randica, shuc punzhallatapish cambac huasi pungupi canami ashtahuan alli. Juchayuccunapac huasipi causanapac randica, ñuca Diospac huasi pungupi canami ashtahuan alli.

SALMOS 92:13

Mandac Diospac huasipi tarpushca shinami, Diospac huasi canzha pambapica sisanga.

ÉXODO 27:10

Ishcai chunga pilar caspitapish, ishcai chunga basatapish broncemanta ruhuangui. Ganchocunatapish, varillacunatapish cullquimanta ruhuangui.

ÉXODO 35:17

Chashnallatac ñucahuan tupana huasi canzha muyundita jarcachina pañotapish, pañota huarcungapac shayachinacunatapish, basacunatapish, canzha pambaman yaicuna pungupi jarcachina pañotapish,

ÉXODO 36:17

Punta paño uraipipish, quipa paño uraipipish pichca chunga ringritami ruhuarca.

ÉXODO 39:40

Canzha pamba muyundipi churana cortinatapish, shayachina caspicunatapish, basacunatapish, canzha pambaman yaicuna pungu cortinacunatapish, huascacunatapish, ishtacacunatapish, Diospac carpa huasipi servingapac tucui imalla minishtishcatapish apamurcami.

ÉXODO 40:33

Ña tucuchishpaca Dios-huan tupana huasi canzha pamba muyunditapish, altar canzha pamba muyunditapish jarcarcami. Canzha pambaman yaicuna pungupipish pañota churarcami. Chashnami Moisesca tucui ruhuana cashcata tucuchirca.

ÉXODO 40:8

Ña tucuchishpaca, canzha pamba muyundita allichishpa, pañota canzha pambaman yaicunapi churangui.

EZEQUIEL 40:14

Shinallatac churanata huacaichina ucucunaca chunga metromi carca. Pungu pambapi cac pilarcunaca muyunditami carca.

EZEQUIEL 40:17

Chai quipaca huasi pungu canzha pambaman apacpimi, uchilla ucucunata ricurcani. Chaicunaca muyundita rumihuan llambucllata ruhuashcami carca. Chai pungu pamba muyundipica quimsa chunga ucucunami tiyarca.

EZEQUIEL 40:20

Shinallatac canzha pambaman llucshina jahua ladoman cac zahuantapish largomanpish, anchomanpishmi medirca.

EZEQUIEL 40:23

Ucu pambapi cac punguca jahua ladopi cac pungu ñaupapimi carca. Shuc pungumanta caishuc pungucaman medicpica, pichca chunga metromi carca.

EZEQUIEL 40:28

Chai quipaca ura lado zahuanta pushashpami, ñucataca ucu pungu pambaman pusharca. Chai pungupish caishuc pungucuna shinallatacmi medirca.

EZEQUIEL 40:32

Quipaca inti llucshina ladoman cac ucu pungu pambamanmi pusharca. Chai punguta medicpica, caishuc pungucuna shinallatacmi carca.

EZEQUIEL 40:44

Caishuc ladomanta yaicushpa, jahua ladoman cac pambapi cac ishcai ucucunaca cantaccunapacmi carca. Shuc ucuca jahua ladopi cac zahuan ladomanmi carca. Chai ucuca ura ladomanmi ashtahuan alli ricurirca. Shuc ucuca ura ladopi cac zahuan ladomanmi carca. Chai ucuca jahua ladomanmi ashtahuan alli ricurirca.

EZEQUIEL 42:3

Chunga metrota medic ucu lado pamba ñaupapi, sumacta empedrashca canzha lado pamba ñaupapica quimsa altoyuc huasimi tiyarca. Chai quimsa altocunaca quimsatacmi chimbapurashca carca.

NÚMEROS 3:26

canzha pamba jarcachishca pañotapish, Dios-huan tupana huasi muyundi jarcachishca pañotapish, altar jarcachishca pañotapish, carpa huatana huascacunatapish ricunga.

NÚMEROS 4:26

Shinallatac ñucahuan tupana huasi canzha pamba muyundi jarcachishcatapish, chai pungu jarcachishca pañotapish, chaita huarcuna huascatapish, tucui chai ucupi ñucapacta ruhuangapac tiyaccunatapishmi apanga.

NÚMEROS 4:32

Shinallatac chai muyundi pamba jarcachishca pilarcunatapish, basacunatapish, ishtacacunatapish, huascacunatapishmi apanga. Tucui minishtishcacunatapish shuc pangapi quillcangui.