ÉXODO 27:1 - Dios Rimashcata Quillcashcami

¹ Acacia caspimanta shuc cuadrado altarta ruhuangui. Chai altarca sunimanpish, anchomanpish ishcai metro quimsa chunga centímetro, cutin altomanca ishcai metro quimsa chunga centimetromi canga.

ÉXODO 27:1 Iomraidhean Croise

2 SAMUEL 24:18

Chai punzhacunami Gadca Davidtaca: «Jebuseopuramanta Araunapac trillana eraman huichai rishpa, Mandac Diosman shuc altarta ruhuai» nirca.

2 REYES 16:14

Chai quipami Mandac Diospac ñaupapi cac bronce altartaca, Diospac huasi ñaupamanta anchuchishpa mushuc altar jahua ladomanmi churarca.

1 CRÓNICAS 6:49

Mandac Diosta servic Moisés mandashca shinallatacmi Aaronca paipac churicunahuan animalta Diosman cushpa rupachirca. Inciensotapish rupachircami. Shinallatac Diospaclla chicanyachishca ucupipish, Diospacta ruhuashpami, israelcunapac juchacunamantapish Diosman curca.

2 CRÓNICAS 4:1

Chashnallatac shuc bronce altartapish ruhuarcami. Chai altarca largomanpish, anchomanpish iscun metromi carca. Altomanca chuscu metro chaupimi carca.

ESDRAS 3:2

Chashna tandanacushpami, Josadacpac churi Jesúa curaca caishuc curacunahuan, Salatielpac churi Zorobabelhuan, paipac huauquicunahuan, Diosta servic Moisés quillcashpa mandashca shinallatac animalcunata Diosman cushpa, tucui rupachingapac israelcunapac Diospac altarta ruhuanata callarirca.

ÉXODO 17:15

Chai quipaca Moisesca chaipi shuc altarta ruhuashpami “Mandac Diosca ñuca banderami” nishpa shutichirca.

ÉXODO 24:4

Moisesca Mandac Dios tucui nishcacunata quillcashpami, cayandi tutamanta utca jatarishpa, urcu chaquipi shuc altarta ruhuarca. Chai altartaca chunga ishcai Israel aillucunata catishpami, chunga ishcai rumita japishpa shayachirca.

ÉXODO 31:9

Ñucaman cushpa tucui rupachina altartapish, chaipi tiyaccunatapish, pailatapish, pailata churanatapish ruhuanga.

ÉXODO 35:16

Tucuita rupachina altartapish, bronce parrillacunatapish, huanduna varacunatapish, chaipi imalla tiyashcacunatapish, yacuta churana pailatapish, chaita churanatapish ruhuanga.

ÉXODO 39:39

Broncemanta ruhuashca altar rejillacunatapish, altarta huanduna varacunatapish, chaipi tucui imalla tiyaccunatapish, maquita jahuarina jatun pailatapish, pailata tiyachina basatapish apamurcami.

ÉXODO 40:10

Shinallatac tucuita rupachina altartapish, chaipi tucui ima tiyaccunatapish aceitehuan cahuishpa, ñucapaclla cachun chicanyachingui. Chashnami ñucapaclla canga.

ÉXODO 40:29

Chaiman yaicuna pungupica tucuita rupachina altartami churarca. Chaimi Mandac Dios mandashca shinallatac animalcunatapish, ofrendacunatapish Diosman cushpa rupachirca.

ÉXODO 40:6

Chai quipaca ñucaman cushpa rupachina altartaca ñucahuan tupana huasi pungu yaicuna ñaupapi churangui.

NÚMEROS 3:31

Paicunami Arcatapish, candelerocunatapish, altarcunatapish, Dios-huan tupana huasi ucupi tucui imalla tiyashcacunatapish, Diospaclla chicanyachishca ucupi imalla ruhuanacunatapish, jarcachishca pañocunatapish, tucui imalla tiyashcacunatapish ricucurca.

NÚMEROS 4:13

Rupachina altarmanta uchupata pichashpa, chai jahuataca morado pañohuan tapanga.

NÚMEROS 4:14

Chashna tapashpa, chai jahuapi altarpi imalla ruhuanacunatami churanga. Nina churanacunatapish, ganchocunatapish, palacunatapish, ima shuccunatapish churashpami, delfín carahuan catashpa, huanduna varata churanga.

HEBREOS 13:10

Ñucanchicca Diosman cushpa, rupachina shuc altartami charinchic. Chai altarmantaca, Dios-huan tupana huasipi servic curacunaca mana micui pudinchu.