ÉXODO 26:25 - Dios Rimashcata Quillcashcami

²⁵ Chaica, pusac tablatami chunga sucta cullquimanta ruhuashca basapi shayachishca canga. Tabla chaquicunapica tucui tablapimi ishcai basata churashca canga.

ÉXODO 26:25 Iomraidhean Croise

ÉXODO 26:19

Tablacunapac chaquipi churangapacca chuscu chunga cullqui basata ruhuangui. Chai tablacunapica ishcai basata, ishcai espigata shuc tablata ishcai basapi shayachingui. Caishuccunatapish chashnallatac ruhuangui.

ÉXODO 26:24

Chai tablacunataca uramanpish, jahuamanpish bisagrahuan tinguishpa shayachingui. Chashnami ishcai esquinapi tablacuna shayachishca canga.

ÉXODO 26:26

Acacia caspimanta quingraipi churana pichca caspitapish, ñucahuan tupana huasi shuc ladopi churangapac ruhuangui.

ÉXODO 36:30

Shinami pusac tablaca chunga sucta cullqui tablapi churashca carca. Cada shuc tablami ishcai basata charirca.

ÉXODO 38:27

Diospac carpa huasi pilarcunata shayachina basacunatapish, paño huarcuna pilarcunapac basacunatapish ruhuangapacca quimsa huaranga quimsa patsac kilo cullquitami yacuyachirca. Tucui cai cullquica patsac basapimi yaicurca. Chashnaca cada basapimi quimsa chunga quimsa kilo yaicurca.