ÉXODO 26:1 - Dios Rimashcata Quillcashcami

¹ Ñucahuan tupana huasitaca caupushpa alli lino puca, morado puchcahuan ahuashpa, chunga pañota ruhuangui. Chaipica querubincunata bordashpa ruhuangui.

ÉXODO 26:1 Iomraidhean Croise

2 SAMUEL 7:2

Chaimantami Davidca Diosmanta huillac Natantaca: —Riqui, ñucaca cedromanta ruhuashca sumac huasipimi causacuni. Ashtahuanpish Diospac Arcaca carpa huasillapimi tiyacun— nirca.

1 REYES 6:29

Diospac huasi muyundi pircaca canzhamanpish, ucumanpish sumac ricunacunata ruhuashcami carca. Chaicunaca querubincuna, palmera yuracuna shinallatac butucuc sisacunami carca.

1 CRÓNICAS 17:1

David paipac huasipi causacushpami, Dios ima nishcata huillac Natantaca: —Riqui, ñucaca cedromanta ruhuashca sumac huasipimi causani. Ashtahuanpish Dios ari nishca quillcata huacaichina Arcaca carpa huasillapimi tiyacun— nirca.

1 CRÓNICAS 21:29

Chai punzhacunapica shitashca pambapi Moisés ruhuachishca Mandac Diospac jatun carpapish, Diosman animalta cushpa tucui rupachina altarpish Gabaón lomapimi carca.

ÉXODO 25:18

Querubincunata curita martillohuan huactashpa, ruhuashpa ishcai ladopi churangui.

ÉXODO 25:4

azul, sani puca, morado puchcata, yuranlla lino puchcata, chivo millmata,

ÉXODO 25:8

Cancunapac chaupipi ñuca causangapac ñucahuan tupana huasita shayachinguichic.

ÉXODO 26:2

Chai pañocunataca sunimanca chunga ishcai metro chaupi, anchomanca shuc metro pusac chunga centimetrota ruhuangui. Tucui pañocunami igual canga.

ÉXODO 26:31

Tapangapacca azul, morado, sani puca caupushca alli lino puchcahuan shuc telata ruhuangui. Chai telapica querubincunata sumacta bordashpa ruhuangui.

ÉXODO 26:36

Ñucahuan tupana huasi punguta jarcangapacca azul, morado, sani puca alli lino puchcahuan shuc pañota ruhuangui. Chaitaca alli sumacta bordashpa ruhuangui.

ÉXODO 31:7

Paicunami ñucahuan tupana huasitapish, ari nishca quillcata huacaichina Arcatapish, chaita tapanatapish, carpa huasipi tucui tiyaccunatapish ruhuanga.

ÉXODO 35:11

Paicunami Dios-huan tupana huasi cata carpatapish, chai catapi churana ganchocunatapish, tablacunatapish, quingraiman churana caspicunatapish, pilarcunatapish, basacunatapish,

ÉXODO 35:35

Paicunatami imatapish sumacta ruhuachun, alli yachac cachun churarca. Azul, morado, sani puca puchcamanta, alli lino puchcamanta ahuashpa, sumacta bordashpa, tucuilaya ruhuanacunata paicunapac yuyaihuan ruhuaccunatami churarca.

ÉXODO 35:6

azul, morado, sani puca puchcacunata, sumac lino puchcata, chivo millmata apamuichic.

ÉXODO 36:35

Jarcachina pañotapish, azul, morado, sani puca pañota lino puchcamanta ahuashpami, chai jahuapica ishcai querubincunata bordarca.

ÉXODO 39:3

Curita martillohuan huactashpa, ñañu curi puchcata ruhuashpami azul, morado, sani puca, lino puchcahuan ahuashpa, bordashpa ruhuarca.

ÉXODO 40:2

«Callari quilla, callari punzhapica ñucahuan tupana huasita shayachingui.

NÚMEROS 3:25

Paicunami Dios-huan tupana huasitapish, chai huasi catatapish, yaicuna pungu jarcachishca pañotapish,

NÚMEROS 4:25

Ñucapaclla ucuta jarcachishca pañotapish, ñucahuan tupana huasitapish, jahuata catashcatapish, chai jahuata catashca delfín caratapish, chai carpa huasi jarcachishca pañotapishmi apanga.

SAN JUAN 1:14

Chai Rimashca Shimillatacmi runa tucushpa, ñucanchic-huan causarca. Paica yallita cuyac, cashcata nicmi. Paica Diospac shuclla Churi cashpami, yalli poderyuc carca. Chashna cactami ricurcanchic.

SAN JUAN 2:21

Diosta mañana huasimanta Jesús nishpaca, paillamantatacmi nicurca.

HEBREOS 8:2

Paica, Diospaclla cac huasipimi curacuna shina servicun. Chai huasica mana gentecunachu ruhuashca ashtahuanpish Mandac Diosllatac ruhuashcami can.

HEBREOS 9:2

Dios-huan tupana huasica cai shinami carca: Yaicushcallapica Diospaclla ucumi carca. Chaipica candeleropish, Diosman cushca tandata churana mizapishmi carca.

HEBREOS 9:9

Caicunaca cunan punzhacunapi yuyaita japingapacmi. Chaica juchacunamantaca animalta Diosman cushpapish, ofrendata cushcapish quiquin yuyaipi juchayuc cashcatami yuyachin.

APOCALIPSIS 19:8

Pactalla Ovejapac huarmimanca tucuimanta yalli valishca chuyanlla jagan nicuc linotami churachishca» nircacuna. Chai linoca Diospaclla caccuna imapish cashcata ruhuactami ricuchin.

APOCALIPSIS 21:3

Mandashpa tiyarinamanta sinchita shuc rimashca uyarishpaca: «Cunanca Diospac carpa huasica gentecunapac chaupipimi causacun. Paicunahuanmi tucui causaipi causanga. Paicunaca Diospac huahuami canga. Diosllatacmi paicunahuanca causanga.