ÉXODO 25:22 - Dios Rimashcata Quillcashcami

²² Chaipimi ñucaca canhuan tupasha. Dios-huan ari nishca quillcata huacaichina Arca tapa jahuamanta, chai tapa jahuapi tiyacuc ishcai querubincunapac chaupimantami israelcunata imata ninata huillasha.

ÉXODO 25:22 Iomraidhean Croise

GÉNESIS 18:33

Mandac Dios Abrahamhuan parlanata tucuchishpaca, rircallami. Abrahampish pai causacushcamanmi cutirca.

2 SAMUEL 6:2

Chai quipami, Davidca tucui paihuan cac gentecunandi, Judá llacta Baala pueblomanta Diospac Arcata apamungapac rirca. Chai Arcapimi tucuita Mandac Diosta mañac carca. Chaica querubincunapac chaupipimi carca.

2 REYES 19:15

Chaimanta Ezequías Mandac Diospac ñaupapi mañashpaca: «Israelcunata Mandac Dioslla, querubincunapac chaupipimi causacungui. Canllami cai pachapi tiyac tucui jatun mandaccunapac Dios cangui. Canllatacmi jahua pachatapish, cai pachatapish ruhuarcangui.

1 CRÓNICAS 13:6

Davidca tucui israelcunahuanmi Mandac Diospac Arcata apamungapac Judá llacta Baala nishca Quiriat-jearim puebloman rirca. Chai Arca jahuapi tiyac querubincunapac chaupipimi Mandac Diosta mañana carca.

SALMOS 80:1

¡Israelcunata michiclla uyaiyari! ¡Canca Josepac huahuacunataca ovejacunata shinami michingui! ¡Querubincunapac chaupipi causac Dioslla, achicyachiyari!

SALMOS 80:2

Can tucuita ruhuac cashcahuan Efrainpac, Benjaminpac, Manasespac aillucunapac ñaupapi ñucanchicta quishpichingapac shamuiyari.

SALMOS 90:1

Jatun Dioslla, tucui huahua huahuacunapac miticunami cangui.

SALMOS 99:1

¡Mandac Diosmi mandacun, tucui gentecunaca chucchungami! Paipac mandanaca querubincunapac jahuapimi. Tucui cai pachami cuyuringa.

ÉXODO 20:24

Ñucamanca allpamanta shuc altarta ruhuanguichic. Chai jahuapi ovejacunata, vacacunata ñucahuan alli tucungapac ñucaman cushca tucui ofrendata rupachichic. Maipi cacpipish, ñucaca yuyarishpami, cancunapacman shamushpa bendiciasha.

ÉXODO 27:21

Chai lamparacunataca Aaronmi paipac churicunandi Mandac Dios ñucapac ñaupapi, ñucahuan tupana ucupi mandashcacunata huacaichishca paño canzhapi, chishimanta tutamantacaman japichishpa charinga. Caicunataca tucui israelcunapish, paicunapac huahua huahuacunapish huiñaita pactachichunmi, mandashpa quillcashca.

ÉXODO 30:36

Chaicunamanta ashata ñututa tacashpa, ari nishca quillcata huacaichina cajón ñaupapipish, ñucahuan tupana huasipipish churangui. Chaipimi ñucaca canhuan tupasha. Chai inciensoca pi mana tuparina, ñucapaclla chicanyachishcami canga.

ÉXODO 30:6

Chai altartaca ari nishca quillcata huacaichina Arca ucuta jarcachishca paño ñaupallapi churangui. Chaipimi ñucaca canhuan tupasha.

ÉXODO 31:18

Sinaí urcupi Mandac Dios Moises-huan parlanacushpaca, chunga mandashcacunatami paipac maqui dedohuan ishcai tabla rumipi quillcashpa, Moisesman curca.

ÉXODO 31:6

Chashnallatac Dan aillupuramanta Ahisamacpac churi Aholiabtami Bezaleelta ayudachunca acllarcani. Tucui ñuca imata ruhuachun nishcacunata ruhuachunmi, tucui artesanocunaman yachai Espirituta curcani.

ISAÍAS 37:16

«Israelcunapac tucuita Mandac Dioslla, canca querubincunapac chaupipimi causangui. Canllami tucui cai pachata mandaccunapac Mandac Dios cangui. Jahua pachatapish, cai pachatapish canmi ruhuarcangui.

EZEQUIEL 43:6

Chai runa ñuca ladopi pacta shayacucpimi, Diospac huasimanta shuc rimashcata uyarcani.

LEVÍTICO 1:1

Mandac Dios paihuan tupana huasi ucumanta Moisesta rimashpaca:

LEVÍTICO 16:2

«Cambac huauqui Aarontaca ama ima horaspish pañohuan jarcashca huashapi cac mandashcacunata huacaichina Arcata catashca, ñucapaclla ucuman yaicuchun ningui. Chaiman ima horaspish yaicushpaca huañungami. Ñucaca chai catashca jahuapimi puyupi ricurisha.

NÚMEROS 17:4

Cai taunacunataca ñucahuan tupana huasi ucupi, ari nishca quillcata huacaichina Arca ñaupapi churangui. Chaipimi ñucaca cancunahuan tupasha.

NÚMEROS 7:89

Dios-huan tupana huasipi paihuan parlangapac Moisés yaicucpica, Dios quillcachishcata huacaichina tapashca jahuapi ishcai alasyuccuna tiyacuc chaupimantami Mandac Diosca paihuan rimac carca.

JUECES 20:27

Chaipimi israelcunaca Mandac Diosta tapurca. (Chai punzhacunaca Dios ari nishca quillcata huacaichina Arcaca chaipimi carca.

1 SAMUEL 4:4

Shina nicpimi, israelcunaca maijan gentecunata Silo pueblomanta querubincunapac chaupipi tiyac tucuita Mandac Dios ari nishca quillcata huacaichina Arcata apamuchun cacharca. Paicunahuanca Elipac churicuna, Ofnipish, Fineaspish rircami.