ÉXODO 25:16 - Dios Rimashcata Quillcashcami

¹⁶ Chai Arcapica ñuca mandashca quillcata churangui. Chaitaca ñucami cusha.

ÉXODO 25:16 Iomraidhean Croise

1 REYES 8:9

Diospac Arcapica ima shucca mana tiyarcachu. Horeb urcupi cashpa, Moisés churashca ishcai tabla rumicunallami tiyacurca. Chai rumicunapica, Egiptomanta llucshimucpi, Mandac Dios israelcunahuan ari nishcatami quillcashca carca.

2 REYES 11:12

Chai quipami Joiada curaca jatun mandac Ocoziaspac churita pushamushpa, coronata churachishpa, Dios-huan ari— ninacushca quillcatapish curca. Chai quipa jatun mandac cachun aceitehuan cahuishpa maquita churashpaca: «¡Jatun mandac, causailla!» nishpa caparircacuna.

2 CRÓNICAS 23:11

Chai quipami jatun mandacpac churitaca llucchimushpa, coronata churachircacuna. Ima shina causanata Dios yachachishca shimicunatapish cushpami jatun mandacmi nishpa huillarcacuna. Joiada curapish, paipac churicunapish aceitehuan cahuishpami: «¡Jatun mandacca causachunlla!» nishpa caparircacuna.

ÉXODO 16:34

Aaronca Mandac Dios Moisesta mandashca shinallatacmi tandataca Mandac Dios mandashcata huacaichina cajón ñaupapi huacaichirca.

ÉXODO 25:21

Arcataca tapahuan tapashpa, ucupica ñuca mandashca quillcata churangui. Chai mandashcataca ñucami cusha.

ÉXODO 26:33

Chai telataca ganchocunahuan huarcuchishpa churangui. Chai tela huashapica mandashcacunata huacaichina cajonta churangui. Chai telami ñucapaclla chicanyachishca ucuhuan, ñucapac caishuc ucuhuan chicanyachinga.

ÉXODO 27:21

Chai lamparacunataca Aaronmi paipac churicunandi Mandac Dios ñucapac ñaupapi, ñucahuan tupana ucupi mandashcacunata huacaichishca paño canzhapi, chishimanta tutamantacaman japichishpa charinga. Caicunataca tucui israelcunapish, paicunapac huahua huahuacunapish huiñaita pactachichunmi, mandashpa quillcashca.

ÉXODO 30:36

Chaicunamanta ashata ñututa tacashpa, ari nishca quillcata huacaichina cajón ñaupapipish, ñucahuan tupana huasipipish churangui. Chaipimi ñucaca canhuan tupasha. Chai inciensoca pi mana tuparina, ñucapaclla chicanyachishcami canga.

ÉXODO 30:6

Chai altartaca ari nishca quillcata huacaichina Arca ucuta jarcachishca paño ñaupallapi churangui. Chaipimi ñucaca canhuan tupasha.

ÉXODO 31:18

Sinaí urcupi Mandac Dios Moises-huan parlanacushpaca, chunga mandashcacunatami paipac maqui dedohuan ishcai tabla rumipi quillcashpa, Moisesman curca.

ÉXODO 32:15

Moisesca Dios cushca chunga mandashcacunata ishcai tabla rumipi quillcashpami urcumanta urai shamurca. Chai tabla rumicunapica ishcai ladomanmi quillcashca carca.

ÉXODO 34:29

Chai quipami Moisesca Dios mandashcacunata quillcashpa, ishcai tabla rumicunata apashpa, Sinaí urcumanta urai shamurca. Dios-huan tupashpa, parlanacushcamanta paipac ñahui achic nicuc cactaca Moisesca mana yacharcachu.

ÉXODO 38:21

Moisés mandashcamantami Aaronpac churi Itamarca Dios-huan tupana huasi ruhuanapi, Dios-huan ari nishcata quillcata huacaichina ruhuanapi mashnalla yaicushcata levitacunata quillcachirca.

ÉXODO 40:20

Chai quipami ari nishca quillcata japishpa Arca ucupi churarca. Huanduna varacunatapish, Arca tapatapish churarcami.

NÚMEROS 17:4

Cai taunacunataca ñucahuan tupana huasi ucupi, ari nishca quillcata huacaichina Arca ñaupapi churangui. Chaipimi ñucaca cancunahuan tupasha.

HECHOS 7:44

Ñaupa taitacuna shitashca pambapi cashpaca, Dios-huan tupana huasita huandushpami, puric carca. Chai carpa huasitaca Dios Moisesman ricuchishca shinami ruhuashca carca.

ROMANOS 3:2

Chaicunaca imapacpish valinmi. Chaica, Diosca puntaca israelcunamanmi pai rimashcacunataca cushca.

DEUTERONOMIO 31:26

«Mandashcacunata quillcashca librota japishpa, Mandac Dios-huan ari nishca quillcata huacaichina Arca ladopi churaichic. Chaipimi cancunata llaquichinata ricuchishpa tiyacunga.

HEBREOS 9:4

Chaica, inciensota rupachina curi altarmi tiyarca. Dios-huan ari nishcata huacaichina, muyundita curimanta ruhuashca cajonpish tiyarcami. Chai cajonpica maná shuti tandapish, curimanta ruhuashca mangapish, Aaronpac huiñacuc verdinlla taunapish, Dios mandashcacunata quillcashca ishcai tabla rumipish tiyarcami.

JOSUÉ 4:16

«Ari nishca quillcata huacaichina Arcata huandushpa ric curacunata Jordán yacumanta llucshichun mandai» nirca.