ÉXODO 24:4 - Dios Rimashcata Quillcashcami

⁴ Moisesca Mandac Dios tucui nishcacunata quillcashpami, cayandi tutamanta utca jatarishpa, urcu chaquipi shuc altarta ruhuarca. Chai altartaca chunga ishcai Israel aillucunata catishpami, chunga ishcai rumita japishpa shayachirca.

ÉXODO 24:4 Iomraidhean Croise

GÉNESIS 12:7

Chaipimi Mandac Dios Abramman ricurishpaca: «Cambac huahua huahuacunamanmi cai allpataca cusha» nirca. Chaipimi Abramca paiman ricurishca Mandac Diosman shuc altarta ruhuarca.

GÉNESIS 28:18

Jacoboca cayandi utca jatarishpami, saunashpa sueñushca rumita japishpa, shuc pilarta shina shayachirca. Chai quipaca aceiteta chai rumipi tallishpami, Diospacllata ruhuarca.

GÉNESIS 28:22

Ricunalla cachunmi, pilarta shina, cai ñuca shayachishca rumica Diospac huasi canga. Shinallatac tucui can imalla cushcacunamantaca chungamanta shucta chicanyachishpami canmanca cusha» nirca.

GÉNESIS 31:45

Shina nicpimi, Jacoboca shuc rumita japishpa, pilar shinata shayachirca.

1 REYES 11:30

Chaipimi Ahiasca paipac jahualla churarishca mushuc churanata llucchishpa, chunga ishcaipi pitinacurca.

1 REYES 18:31

Eliasca Jacobopac chunga ishcai churicunata ricuchic cachunmi chunga ishcai rumicunata japishpa altarta allichirca. Mandac Diosmi Jacobotaca: «Cambac shutica Israelmi canga» nishca carca.

ESDRAS 6:17

Chai huasita Diosman cushpaca, patsac becita, ishcai patsac cari ovejata, chuscu patsac maltón ovejatami Diosman curcacuna. Tucui israelcunapac juchamantaca chunga ishcai Israel aillucuna cashca shinallatacmi chunga ishcai maltón chivota curcacuna.

NEHEMÍAS 10:1

Paicunapac shuticunata quillcashpa firmaccunaca: Hacaliaspac churi mandac Nehemías, Sedequías,

ÉXODO 17:14

Chaimantami Mandac Diosca Moisestaca: —Caipi ima tucushcata yuyaringapac shuc libropi quillcai. Shinallatac Josuemanca: “Amalecitacunataca tucuimi cai pachapica tucuchigrini” nishpa allita huillangui— nirca.

ÉXODO 17:15

Chai quipaca Moisesca chaipi shuc altarta ruhuashpami “Mandac Diosca ñuca banderami” nishpa shutichirca.

ÉXODO 21:1

Caicunatami israelcunataca mandana cangui:

ÉXODO 24:7

Chaimantaca Mandac Dios-huan ari nishca librota japishpami, tucui israelcunaman rezashpa uyachirca. Chaita uyashpami paicunaca: —Mandac Dios tucui nishcacunata cazushpa pactachishunllami— nirca.

ÉXODO 28:21

Chai rumicunaca Israelpac huahuacunatami ricuchicunga. Chai rumicunaca Israelpac aillucuna shinallatacmi chunga ishcai rumi canga. Tucui rumicunami Israel aillucunapac shutiyuc, selloyuc canga.

ÉXODO 34:27

Mandac Diosca Moisestaca: «Cai rimashcacunata quillcai. Cai rimashcacunami israelcunahuan, canhuan ari nishcata ricuchicca» nirca.

ISAÍAS 19:19

Chai punzhapica Mandac Diospac shuc altarmi Egipto llacta chaupipica tiyanga. Egipto llacta lindero ladopica Mandac Diosta yuyachic shuc rumimi tiyanga.

LEVÍTICO 24:5

Alli harinamanta chunga ishcai tandata ruhuangui. Cada tandami chuscu kilo chaupi harinata charina can.

NÚMEROS 17:2

«Israel huasi ucupurata tucui pushaccunapac taunata apamuchun mandai. Taunacunaca chunga ishcaimi canga. Chai taunacunapica paicunapac quiquin shutita quillcashpa,

SAN LUCAS 22:30

Cancunaca ñuca mandacucpimi, mizapi tiyarishpa ñucahuan micunguichic, ubianguichic. Mandashpa tiyarinapi tiyarishpami, Israelpac chunga ishcai aillucunata mandanguichic— nirca.

GÁLATAS 2:9

Chaimantami criccuna alli nishca Pedropish, Jacobopish, Juanpish Dios ñucata cuyashpa, mana israelcunaman alli huillaita huillachun cachashcata yachac chayarcacuna. Ñucapish, Bernabepish paicuna shina huillaccuna cachunmi apanacuita ricuchishpa ñucanchicca mana israelcunaman, paicunaca israelcunaman huillagrina cashcata ricuchishpa maquita curcacuna.

DEUTERONOMIO 31:9

Moisesca cai mandashcacunata quillcashpami Mandac Dios-huan ari nishca quillcata huacaichina Arcata apac Levipac huahua huahuacunamanpish, israelcunata pushac yuyaccunamanpish curca.

JOSUÉ 4:20

Chaipimi Josueca Jordanmanta apamushca chunga ishcai rumicunata shayachirca.

JOSUÉ 4:5

Josueca Paicunataca: «Cancunata Mandac Diospac Arca ñaupata rishpa, Jordán yacu chaupicaman richic. Chaimantaca cada Israel aillucunamanta acllashca chunga ishcai runacuna, cada shuc rumita marcashpa apaichic.

APOCALIPSIS 21:14

Chai pueblota jarcac callari pircaca, chunga ishcai rumicuna jahuapimi carca. Chai rumicunapica, Pactalla Ovejapac chunga ishcai acllashca huillaccunapac shuticunami quillcashca carca.