ÉXODO 24:2 - Dios Rimashcata Quillcashcami

² Shina cacpipish, can Moisesllami ñucapacman cuchuyana cangui. Paicunapish, israelcunapish mana cuchuyanachu can— nirca.

ÉXODO 24:2 Iomraidhean Croise

ÉXODO 19:12

Canca israelcuna maicaman chayarina cashcataca urcu muyundita unanchishpa: “Cai señalashcamantaca ama huichaiman ringuichicchu. Cai señalashcallapipish ama tuparinguichicchu. Maijanpish chai urcuman chayarishpaca huañungatacmi.

ÉXODO 20:21

Tucui israelcuna carupi cacpimi, Moisesca Dios rimacuc amsa puyuman cuchuyarca.

ÉXODO 24:1

Mandac Diosca Moisestaca: —Ñuca maipi cashcaman Aaronhuan, Nadabhuan, Abiuhuan, canchis chunga israelcunata pushac yuyaccunahuan huichai shamushpa, carullapi cumuri.

ÉXODO 24:13

Chashna nicpimi, Moisesca paita ayudac Josuehuan Diospac urcuman huichai rirca.

ÉXODO 24:15

Shina nishpa, Moisés urcuman huichai ricpica, puyumi tucui chai urcutaca taparca.

ÉXODO 24:18

Moisés puyu ucuman yacushpa, urcu jahuaman huichai rishpaca, chuscu chunga punzhata shinallatac chuscu chunga tutatami chaipi carca.

ÉXODO 24:3

Moisés cutishpaca, Mandac Dios nishcacunatapish, tucui mandashcacunatapishmi israelcunaman huillarca. Shina huillacpimi, israelcuna shuc shinalla tucushpaca: —Mandac Dios tucui imata nishcacunataca pactachishunllami— nirca.

JEREMÍAS 30:21

Paicunapuramantami shuc mandac llucshinga. Paicunapuramanta shucmi mandanga. Paitaca ñucapacman cuchuyachun saquishami. Shina saquicpica, ñucapacman cuchuyangami. Ñucapacman cuchuyanataca pipish mana pudinchu.

JEREMÍAS 49:19

Jordán yacu pata sachamanta león animalta japingapac llucshic shina, llucshishpami Edom llactapi causaccunataca chaimanta callpachisha. Chaipica ñuca acllashca runacunatami churasha. ¿Pitac ñuca shina tiyan? ¿Pitac ñucahuan chimbapurai pudin? Ñuca llaquichicucpica, ¿pi michictac misai pudingayari?

NÚMEROS 16:5

Chai quipami Coretapish, paita caticcunatapish rimashpaca: —Cayami Mandac Diosca maijanlla pai acllashca cashcata, paipaclla chicanyachishca cashcata ricushpa, paipacman cuchuyachun saquinga.

HEBREOS 9:24

Chaica Apunchic Jesusca mana gentecunalla ruhuashca carpa huasimanchu yaicurca. Ashtahuanpish jahua pacha Diospac ñaupamanmi yaicurca.