ÉXODO 24:18 - Dios Rimashcata Quillcashcami

¹⁸ Moisés puyu ucuman yacushpa, urcu jahuaman huichai rishpaca, chuscu chunga punzhata shinallatac chuscu chunga tutatami chaipi carca.

ÉXODO 24:18 Iomraidhean Croise

1 REYES 19:11

Shina nicpimi, Mandac Diosca: —Canzhaman llucshishpa, cai urcullapitac ñucapac ñaupapi shayari— nirca. Mandac Dios chashna nishpa, chaita pasacpica, yallita sinchi huairami shamurca. Chai huairami Mandac Diospac ñaupapi lomacunatapish tuñirca, rumi quingraicunatapish paquirca. Chashna cacpipish, Mandac Diosca chai huairapica mana carcachu. Huaira pasarishca quipaca allpami chucchurca. Mandac Diosca chai allpa chucchuipipish mana carcachu.

1 REYES 19:8

Shina nicpimi, Eliasca jatarishpa micurca, yacutapish ubiarca. Chaita micushpaca, ña sinchiyashpami, chuscu chunga punzha, chuscu chunga tutata Diospac Horeb urcuman chayangacaman rirca.

ÉXODO 19:20

Mandac Diosca Sinaí urcu jahuaman shamushpami, Moisesta cayarca. Chashna cayacpimi, Moisesca chai urcu jahuaman huichai rirca.

ÉXODO 24:17

Mandac Diospac sumaimana achicca israelcunapac ñahuipica nina pillurishpa rupacuc shinami, urcu jahuapica ricurirca.

ÉXODO 25:1

Mandac Diosca Moisestaca:

ÉXODO 32:1

Moisés urcumanta mana utca shamucpimi, israelcuna Aaronpacman cuchuyashpaca: —Egiptomanta llucchicmuc Moisesca, imachari tucurca. Mana yachanchicchu. Jatari, ñucanchicta pushachun, shuc diosta ruhuai— nirca.

ÉXODO 34:28

Moisesca mana micushpa, mana yacuta ubiashpami, chaipica chuscu chunga punzhata, chuscu chunga tutata Mandac Dios-huanca carca. Chaipimi Moisesca tabla rumicunapi ari nishca chunga mandashcacunata quillcarca.

ÉXODO 9:29

Shina nicpimi Moisesca: —Cai llactamanta llucchishcahuanmi maquita huichaiman alzashpa, Mandac Diosta mañasha. Chashna mañacpica, relampapish jarcaringami, rundupish mana urmangachu. Chashna tucucpimi, cai allpaca, Mandac Diospac cashcata yachangui.

ÉXODO 9:33

Moisés Faraonpacmanta rishpa, chaimanta llucchishpaca maquita alzashpami, Mandac Diosta mañarca. Shina mañacpica, relampapish, rundupish, tamyapish ña mana ashtahuan umarcachu.

PROVERBIOS 28:1

Diosta mana manchac runaca pipish mana caticucpimi miticushpa callpan. Ashtahuanpish cashcata ruhuac runaca león shinami imatapish mana manchan.

SAN MATEO 4:2

Chaipi chuscu chunga punzhata, chuscu chunga tutata mana micushca cashpami, Jesusca yarcachirca.

MARCOS 1:13

Jesusca chuscu chunga punzhatami shitashca pambapi carca. Chaipimi Satanaspish pandachisha nirca. Sacha animalcunapish tiyarcami. Chaipica angelcunami Jesustaca servicurca.

SAN LUCAS 4:2

Chaipi chuscu chunga punzhata cacpimi, Satanasca pandachisha nirca. Chai punzhacunata mana micushca cashpami, Jesusca yarcachirca.

DEUTERONOMIO 10:10

Punta punzhacunapi shinallatacmi ñucaca chuscu chunga punzhata, chuscu chunga tutata urcupi carcani. Mandac Dios cutinllatac ñuca mañashcata uyashpami, cancunataca mana tucuchirca.

DEUTERONOMIO 5:31

canca caipi ñucahuan saquiri. Ñucami tucui mandashcacunatapish, pactachinacunatapish, yachachishcacunatapish yachachigrini. Caitaca paicuna ñuca cushca llactata japishpa, chaipi causashpa cazuchunmi yachachina cangui” nirca.

DEUTERONOMIO 9:18

Chai quipaca cancuna Mandac Diosta piñachingacaman paipac ñaupapi mana allita ruhuashpa, juchallishcanmantami utcapi shina, chuscu chunga punzhata, chuscu chunga tutata mana micushpa, mana yacuta ubiashpa, Mandac Diospac ñaupapi cumurircani.

DEUTERONOMIO 9:25

Mandac Dios cancunata tucuchisha nicpimi, chuscu chunga punzha, chuscu chunga tutata Mandac Diospac ñaupapi cumurircani.

DEUTERONOMIO 9:9

Mandac Dios cancunahuan ari nishca tabla rumita urcumanta apamungapac rishpaca, chuscu chunga punzha, chuscu chunga tutatami mana micushca, yacuta mana ubiashca carcani.