ÉXODO 23:31 - Dios Rimashcata Quillcashcami

³¹ Cambac llacta linderoca Puca Cuchamanta filisteocunapac cuchacaman, shinallatac shitashca pambamanta Eufrates yacucamanmi canga. Chai llactapi causaccunataca cancunapac maquipimi churasha. Canmi paicunataca llucchishpa cachangui.

ÉXODO 23:31 Iomraidhean Croise

GÉNESIS 15:18

Chai punzhapi Mandac Diosca Abramhuanca pactachingapac ari nishpaca: —Cambac huahua huahuacunamanca allpataca cai Egipto jatun yacumanta Eufrates jatun yacucamanmi cusha.

1 REYES 11:2

Mandac Diosca israelcunataca: «Paicunahuanca ama cazaranguichicchu, paicunapish cancunahuanca mana cazaranachu can. Paicunahuan cazaracpica, paicunapac dioscunata catichun pandachingami» nishpami mandashca carca. Ashtahuanpish Salomonca chai huarmicunallatacmi cuyashpa, paipac huarmicuna cachun japirca.

1 REYES 20:13

Shina cacpimi, Dios ima nishcata huillac shuc runa Israel llactata jatun mandac Acabpacman shamushpaca: —Mandac Diosca: “¡Cai tucui gentecunata ricunguichu! Riqui, ñucataca Mandac Dios cashcata ricsichunmi, cunanca paicunataca cambac maquipi churagrini” ninmi— nirca.

1 REYES 4:21

Salomonca Eufrates yacu lado llactacunamantaca filisteocunapac llacta ladocaman, chaimantaca Egipto linderocamanmi mandarca. Tucui chai llactapi causaccunami Salomón huañungacaman imatapish cuna cashcata cushpa, paita servishpa causarca.

1 REYES 4:24

Salomonca Eufrates yacumantaca inti tigrana tucui ladota, shinallatac Tifsa pueblomantaca Gaza pueblocaman jatun mandaccunatami mandacurca. Shina cacpimi, muyundi llactapi causaccunapish, mana macanacushpa alli causarca.

1 REYES 8:65

Chai punzhacunapi Salomonca Mandac Diospac ñaupapica canchis punzhata jatun fiestata ruhuarca. Lebo-hamat puebloman yaicuna ladomantaca Egipto llacta jatun huaicu ladocunaman causacuc tucui israelcunandimi tandanacushpa, canchis punzhata fiestata ruhuarca. Chai quipapish canchis punzhatami fiestata ruhuarca. Tucui chunga chuscu punzhatami, fiestata ruhuarca.

2 CRÓNICAS 9:26

Salomonca Eufrates jatun yacumantaca filisteocunapac llactacaman, shinallatac Egipto llacta tupanacuicamanmi jatun mandaccunataca mandashpa charirca.

SALMOS 72:8

Paica shuc lado mama cuchamantaca caishuc ladocaman, jatun yacumantaca cai pacha tucuricamanmi mandanga.

NÚMEROS 21:34

Chaipimi Mandac Diosca Moisestaca: «Ama manchaichu. Ñucami chai jatun mandactaca paipac tucui gentecunandi, paipac tucui llactacunandi cambac maquipi churarcani. Canca paicunataca Hesbonpi causac amorreocunata jatun mandac Sehonta ruhuashca shinallatacmi ruhuangui» nirca.

NÚMEROS 34:2

«Israelcunata: “Cancuna Canaán llactaman yaicushpaca, cancunapac allpa linderocunaca caicunami canga.

DEUTERONOMIO 1:7

Cancunaca amorreocunapac urcucunaman, chai cuchulla llactacunaman richic. Chai llacta ladollapi cac Arabá llactapi, urcupi, pugru pambapi, shitashca pamba Neguevpi, mama cucha patapi causac cananeocunapac llactapi, Líbano llactapi cac Eufrates yacu ladocaman rishpa causagrichic.

DEUTERONOMIO 1:8

Riquichic, ñucami cai llactacunata cancunapac maquipi churani. Mandac Dios ñucami chai llactacunataca cancunapac taita Abrahamman, Isaacman, Jacoboman, paicunapac huahua huahuacunaman cungapac ari nircani. Chai llactacunata japishpa tiyarigrichic” nirca.

DEUTERONOMIO 11:24

Maipimi cancuna sarunguichic, chai llactaca cancunapacmi canga. Cancunapac llactaca shitashca pambamanta Libanocaman, Eufrates yacumantaca inti llucshina lado cuchacamanmi canga.

DEUTERONOMIO 2:33

Shina cacpipish, ñucanchicta Mandac Diosmi paicunataca ñucanchic maquipi churarca. Chaimantami chai jatun mandactapish, paipac churicunatapish, tucui gentecunatapish tucui huañuchircanchic.

DEUTERONOMIO 2:36

Arnón jatun yacu patapi tiyac Aroermanta callarishpa, pambacunapi tiyac pueblocunata, Galaadpi tiyac llactacunacamanmi Mandac Diosca ñucanchic maquipi churarca.

DEUTERONOMIO 20:16

Mandac Dios cancunaman cushca llactacunapi tiyac llactacunapi causaccunataca shucllatapish ama saquishpa, tucui huañuchinguichic.

DEUTERONOMIO 3:2

Chaipimi Mandac Diosca: “Ama manchaichicchu, cambac maquipimi paitapish, paipac gentecunatapish, paipac llactatapish churani. Hesbonpi causac amorreocunata jatun mandac Sehonta ruhuashca shinami paicunatapish ruhuangui” nirca.

DEUTERONOMIO 6:19

Cancuna chashna ruhuacpimi, Mandac Diosca pai nishca shina, tucui cancunata piñaccunata llucchishpa cachanga.

DEUTERONOMIO 9:3

Cunanmi Mandac Dios cancunapac ñaupata tucuita rupachic nina shina ringa. Chai llactapi causaccunata cumurichingami. Paicunataca Mandac Dios nishca shinami, utca tucuchinguichic.

JOSUÉ 1:4

Cancunapac allpaca shitashca pambamanta Libanota catishpa, Eufrates jatun yacucaman, shinallatac tucui heteocunapac llactata catishpa, inti tigrana lado jatun mama cuchacamanmi canga.

JOSUÉ 10:19

Cancunata piñaccunata catinataca mana saquinachu canguichic. Chaipac randica paicunata cuidaccunata macashpa chugrichishpa huañuchinami canguichic. Paicunapac pueblocunamanca mana yaicuchun saquinachu canguichic. Chai pueblocunataca cancunata Mandac Diosca cancunapac maquipimi churarca» nirca.

JOSUÉ 10:8

Chaipimi Mandac Diosca Josuetaca: —Ñucami paicunataca cambac maquipi churagrini. Chaimanta paicunataca ama manchaichu. Paicunapuramantaca pipish canhuan mana macanacui pudingachu— nirca.

JOSUÉ 13:6

Tucui urcu ladopi cac llactacunapish, Libanomanta Misrefot-maim pueblocaman, shinallatac tucui Sidón llactacunami japina tiyanrac. Tucui chai gentecunataca ñucami israelcunapac ñaupamanta llucchishpa cachasha. Canca chai llactacunataca ima shina ñuca mandashca shinallatac suerteta ruhuashpa, israelcunaman chaupishpa cungui.

JOSUÉ 2:24

Paicunaca Josuetaca: —Mandac Diosca chai tucui llactatami ñucanchic maquipi churashca. Chai llactapi causaccunaca tucuimi manchashpa chucchucuncuna— nirca.

JOSUÉ 21:44

Mandac Diosca ñaupa taitacunaman ari nishca shinallatacmi tucui chai llacta muyundipi cushilla causaita curca. Shinami tucui israelcunata piñaccunaca maijanpish macanacungapac mana shayarirca. Chai piñaccunataca Mandac Diosmi tucui israelcunapac maquipi churarca.

JOSUÉ 23:14

Riquichic, ñucaca cai pachapi tucui causaccuna rina ñanta japishpa, ña rinallami cani. Cancunata Mandac Diosca pai sumacta ruhuashpa ricuchisha nishcataca shucllatapish mana saquishpami tucuita pactachishca. Pai shina nishcataca tucui pactachishcamantami tucui shunguhuan, tucui almahuan pagui nina canguichic. Tucuitami cancunamanca pactachishca.

JOSUÉ 24:11

Chai quipaca Jordán yacuta pasashpami Jericó puebloman chayamurcanguichic. Chaipimi Jericó pueblopi causaccunaca cancunahuan macanacungapac shayarirca. Shinallatac amorreocunapish, ferezeocunapish, cananeocunapish, heteocunapish, gergeseocunapish, heveocunapish, jebuseocunapish macanacungapac shayarircami. Paicunatapish ñucaca cancunapac maquipimi churarcani.

JOSUÉ 24:12

Amorreocunata ishcai jatun mandaccunataca mana cancunapac espadahuan, flechahuanchu llucchishpa cacharcanguichic. Ashtahuanpish ñuca avispacunata cachacpimi, paicunaca cancunapac ñaupamanta rircacuna.

JOSUÉ 24:18

Mandac Diosmi ñucanchic ñaupamanta mai llactapi causaccunatapish, chai llactapi causac amorreocunatapish llucchishpa cacharca. Chaimanta ñucanchicpish, Mandac Diostami servishun, paica ñucanchic Diosmi— nircacuna.

JOSUÉ 24:8

Chaimantaca ñucami Jordán yacu chimba ladopi cac amorreocunapac llactaman yaicuchircani. Amorreocunaca cancunahuan macanacurcami, ashtahuanpish paicunata ñuca cancunapac maquipi churacpimi, paicunapac allpataca cancuna japircanguichic. Shinallatac paicunataca cancunapac ñaupapimi tucuchircani.

JOSUÉ 8:18

Chashna cacpimi, Mandac Diosca Josuetaca: «Cambac maquipi charicuc lanzata Hai pueblo ladoman ricuchi. Chai pueblotaca ñucami cambac maquipi churasha» nirca. Chaimantami Josueca chai pueblo ladoman chai lanzata ricuchirca.

JOSUÉ 8:7

Chashna catishpa caruyacpica, cancunaca pueblo huashamanta cungailla llucshishpa, chai pueblota japinguichic. Chaica Mandac Dios chai pueblotaca ñucanchic maquipimi churashca.

JOSUÉ 9:7

Shina nicpimi, israelcunaca heveocunataca: —Cancunaca ñucanchic chaupillapitacmi causanguichic. Shina cacpica, ¿ima shinatac cancunahuanca ari ninacushunyari?— nirca.

JUECES 1:4

Judá aillu huichai rishpa macanacucpica, Mandac Diosmi cananeocunata, ferezeocunata paicunapac maquipi churarca. Chashna churacpimi, Bezec pueblopi macanacushpa chunga huaranga gentecunata huañuchirca.

JUECES 11:21

Shina shamucpipish israelcunata Mandac Diosmi Sehontapish, paipac runacunatapish israelcunapac maquipi churarca. Chaimantami paicunata tucui huañuchishpa chai llactapi cac amorreocunapac allpata japirca.

1 SAMUEL 23:4

Shina nicpi, David Mandac Diosta cutinllatac tapucpimi Mandac Diosca: —Jatarishpa Keila puebloman rilla. Ñucami filisteocunataca cambac maquipi churasha— nirca.