ÉXODO 23:27 - Dios Rimashcata Quillcashcami

²⁷ Mai llactapi can yaicucpica, ñucami chai llactapi manchaita churashpa, chai llactapi causaccunataca callpachisha. Piñaccunaca manchaihuanmi cancunapac ñaupamanta miticushpa callpanga.

ÉXODO 23:27 Iomraidhean Croise

GÉNESIS 35:5

Paicuna llucshicpica, Dios chai llactapi causaccunaman, shinallatac chai muyundipi causaccunaman manchaita cucpimi, Jacobopac churicunata llaquichingapac mana catirca.

2 SAMUEL 22:41

Canmi ñucata piñaccunataca ñucapac ñaupamanta callpachircangui. Chaipimi ñucata mana ricunayachiccunata tucuchircani.

2 REYES 7:6

Mandac Diosca siriocunapac carpacuna shayachishca pambapica macanacuna carretacuna, caballocuna, shinallatac achca soldadocuna bullashpa uyarishca cachunmi ruhuashca carca. Chaita uyashpami, paicunaca caishuc chaishuc parlanacushpaca: «Israel llactata mandacmi ñucanchicta llaquichichun heteocunata, Egipto runacunata jatun mandaccunata cayashca canga» nircacuna.

2 CRÓNICAS 14:14

Chashnallatac Gerar pueblo muyundipi tiyac tucui pueblocunapipish macanacungapacmi yaicurcacuna. Chai pueblopi causaccunaca Mandac Dios manchaita cachacpimi, yallita chucchucurca. Chai pueblocunapica imapish achcami tiyarca. Chaimantami chai pueblocunapi tiyashcacunataca tucui aparcacuna.

SALMOS 18:40

Ñucata piñaccunataca catishpami callpachircangui. Chashna ruhuacpimi, ñucata piñaccunataca tucui tucuchircani.

SALMOS 21:12

Ashtahuanpish cambac arcohuan flechata ñahuipi shitashpami, paicunataca callpachingui.

ÉXODO 33:2

Ñuca angelta cambac ñaupata cachashpami, cancuna japina llactamantaca cananeocunatapish, amorreocunatapish, heteocunatapish, ferezeocunatapish, heveocunatapish, jebuseocunatapish llucchishpa cachasha.

ÉXODO 34:24

Cambac ñaupamantaca tucuitami shuctac llacta gentecunataca llucchishpa cachasha. Chashnami cancunapac causana llactaca ashtahuan mirachisha. Chashna huatapi quimsa cutin ñuca ñaupapi ricuringapac shamucpica, pi mana cambac allpata quichushpa, japisha ningachu.

NÚMEROS 22:3

Israelcuna achca cashcamantami Moab llactapi causaccunaca yallita manchaihuan carca.

DEUTERONOMIO 11:23

Chashna pactachicpica, Mandac Diosca chai llactapi causaccunata cancunapac ñaupamanta catishpa cachangami. Cancunata yalli achca, shinallatac sinchi gentecunatami llucchishpa cachashpa, chaipi causai callaringuichic.

DEUTERONOMIO 11:25

Cancunahuanca pipish mana cariyangachu. Mandac Diosca, pai ruhuasha nishca shinami, tucui cai pachapi manchaita chucchuita churanga.

DEUTERONOMIO 2:25

Cunanmi cai pachapica manchaita, chucchuita churagrini. Cancunamanta parlashcata uyashpallami munai manchaihuan chucchunga” nirca.

DEUTERONOMIO 6:19

Cancuna chashna ruhuacpimi, Mandac Diosca pai nishca shina, tucui cancunata piñaccunata llucchishpa cachanga.

DEUTERONOMIO 7:23

Mandac Diosmi paicunataca cancunapac maquipi churanga. Chashna ruhuashpami, tucuita tucuchingacaman jatun llaquicunata churashpa catinga.

1 SAMUEL 14:15

Chaimantami carpa huasicunapi caccunapish, pambapi caccunapish tucui gentecuna yallita mancharirca. Cuidac soldadocunapish, cungailla yaicushpa macac soldadocunapish munaimi mancharirca. Allpapish chucchurcami. Chaimantami yallita mancharishpa imatapish mana ruhuai pudircacuna.