ÉXODO 23:26 - Dios Rimashcata Quillcashcami

²⁶ Cambac llactapica huahuata mana chari pudic huarmipish, shulluc huarmipish mana tiyangachu. Can causana huatacunatapish yapachishami.

ÉXODO 23:26 Iomraidhean Croise

GÉNESIS 25:8

Abrahamca achca huatacunata causashpa, yallita yuyacyashpami, paipac samaita chingachishpa huañurca. Chashna huañushpami, paipac aillucunahuan tandanacugrirca.

GÉNESIS 35:29

Isaacca achca huatacunata causashpa, ña yuyac cashcamanta paipac samai tucuricpi, huañushpaca, paipac ñaupa aillucunahuanmi tandanacugrirca. Paitaca paipac churi Esaú, Jacobomi enterrarca.

1 CRÓNICAS 23:1

Davidca achca huatayuc ña yuyac cashpami, paipac churi Salomonta israelcunata mandac cachun churarca.

JOB 21:10

Paipac torocunapish, churiyuc torocunami. Vacacunaca mana shullushpami huachan.

JOB 42:17

Paica unai huatacunata causashpami, yallita yuyacyashpa huañurca.

JOB 5:26

Cosechanalla trigota sinchirac cacpi tandashca shinami, sinchirac cacpi enterrana jutcuman apashca cangui.

SALMOS 107:38

Diosmi paicunata bendiciashpa yallita mirachin. Paicunapac animalcunapish mana ima tucunchu.

SALMOS 144:13

Ñucanchic taquicunapish tucuilaya granocunahuan junda cachun. Ñucanchic animalcunapish michina pambapi huaranga huarangata mirachun.

SALMOS 55:23

Ñuca Dioslla, huañuchiccuna, llullaccunaca mana unaita causangachu. Paicunataca chingarina jatun jutcumanmi shitangui. Ashtahuanpish ñucaca canllapimi shunguta churani.

SALMOS 90:10

Ñucanchicca canchis chunga huatallatami causanchic. Unaita causac nishcami pusac chunga huatata causan. Chashna unaita causashpapish llaquihuan, nanaillahuanmi causanchic. Huatacuna utca pasacpica, ñucanchic causaipish utcami chingarin.

ISAÍAS 65:20

Chaipica asha punzhallata causac huahuacunaca mana tiyangachu. Yuyaccunapish huañuna punzha manarac pactacpica, mana huañungachu. Patsac huatayuc huañushpaca, huambraracmi huañunga. Manarac patsac huatayuc huañushpaca, Dios mana alli nishca juchayuc runa nishcami canga.

OSEAS 9:14

Mandac Dioslla, paicunaman imata cuna cashcata cuiyari. Paicunataca shulluc huarmicunata, leche illac huarmicunata ruhuaiyari.

DEUTERONOMIO 28:4

Cancunapac huahuacunapish, cancunapac allpapi pucushcapish, vacacuna mirashcapish, ovejacuna mirashcapish, tucui animalcuna mirashcapish, Mandac Dios bendiciashcami canga.

DEUTERONOMIO 4:40

Cancunapish, cancunapac huahuacunapish, cancunapac quipa huiñaicunapish alli cangapac, shinallatac Mandac Dios cushca llactapi unaita causangapacca cai ñuca cunan yachachishpa mandashcacunata, pactachinacunata cazunguichic» nirca.

DEUTERONOMIO 7:14

Tucui llactacunamanta yallimi bendiciashca canguichic. Cancunapurapica yarcaipish mana tiyangachu. Mana huachac huarmipish, mana huachac animalpish mana tiyangachu.