ÉXODO 23:20 - Dios Rimashcata Quillcashcami

²⁰ Ñuca allichishca llactaman cuidashpa, ñanta pushachunmi, ñuca angelta ñaupata cachani.

ÉXODO 23:20 Iomraidhean Croise

GÉNESIS 15:18

Chai punzhapi Mandac Diosca Abramhuanca pactachingapac ari nishpaca: —Cambac huahua huahuacunamanca allpataca cai Egipto jatun yacumanta Eufrates jatun yacucamanmi cusha.

GÉNESIS 24:40

Shina nicpi, ñuca amoca: “Ñucaca Mandac Diosta cazushpami causarcani. Paica shuc angelhuan cantaca allita pushanga. Chaimantami canca mana ima tucushpa rishpa, ñuca familiapuramanta ñuca taitapac huasi ucupuramanta shuc solterata ñuca churihuan cazarachingapac pushamungui.

GÉNESIS 24:7

Ñuca taitapacmanta, ñuca aillucuna causana allpamanta llucchic jahua pachapi causac Mandac Diosca: “Canmanpish, cambac huahua huahuacunamanpish cai allpata cushami” nishpa, paipac shutipi ari nirca. Paillatac paipac angelta cambac ñaupata cachacpimi, chai llactamanta huarmita ñuca churiman pushamungui.

GÉNESIS 48:16

ñucata mana allimanta cuidac ángel cai huambracunataca bendiciachun. Paicunamanta ñuca shutitapish, taita Abrahampac, Isaacpac shutitapish huiñaita yuyarichun. Achca huahuayuc tucushpa, cai allpapi jundarichun» nircami.

SALMOS 91:11

Paipac angelcunatami can mai ñanta ricpipish, cuidachun cachanga.

ÉXODO 14:19

Tandanacushca israelcunapac ñaupata ric Diospac angelca ladoyashpami, paicunapac huashaman tucurca. Shinallatac israelcunapac ñaupata ric suni puyupish ladoyashpami huashaman tucurca.

ÉXODO 15:16

Mandac Dioslla, paicunataca manchaipish, chucchuipish japingami. Cambac sinchi maquihuan ruhuashcata ricushpa rumi shina upami saquiringa. Chashnami can acllashcacuna pasangacaman saquiringa.

ÉXODO 15:17

Mandac Dioslla, can cushca urcuman chayachishpami, tarpuc shina churangui. Can causangapac allichishca llactamanmi chayachingui. Cambac maquihuan shayachishca sumac huasimanmi pushangui.

ÉXODO 23:23

Ñuca angelmi ñaupata rishpa amorreocunapac, heteocunapac, ferezeocunapac, cananeocunapac, heveocunapac shinallatac jebuseocunapac llactaman apanga. Paicunataca ñucami tucuchisha.

ÉXODO 32:34

Cunanca, ñuca maimanmi pusharichun nishcaman israelcunataca pushai. Ashtahuanpish ñuca cachashca angelmi cambac ñaupata pushashpa ringa. Shina cacpipish, taripashpa llaquichina punzha chayamucpimi, paicunapac juchamantaca llaquichisha— nirca.

ÉXODO 33:14

Shina nicpimi, Mandac Diosca: —Ñucallatacmi canta pushashpa, cancunata samachisha— nirca.

ÉXODO 33:2

Ñuca angelta cambac ñaupata cachashpami, cancuna japina llactamantaca cananeocunatapish, amorreocunatapish, heteocunatapish, ferezeocunatapish, heveocunatapish, jebuseocunatapish llucchishpa cachasha.

ISAÍAS 63:9

Paicuna llaquilla japicpica, paipish llaquillami tucurca. Paica, mana paipac angelta cachashpachu quishpichirca. Ashtahuanpish pai llaquishcamanta, yallita cuyashcamantami quishpichishpa pushamurca. Chashnami sarun huatacunapi shina, tucui punzhacunapi jatarichishpa pushamurca.

ZACARÍAS 12:8

Chai punzhapica Mandac Dios ñucami Jerusalenpi causaccunataca cuidasha. Chaimantami paicunapuramanta maijan fuerza illacca jatun mandac David shina sinchi canga. Cutin Davidpac huahuapuramantaca Dios shina, Mandac Dios ñucapac ángel shinami, paicunapac ñaupapica canga.

MALAQUÍAS 3:1

Tucuita Mandac Diosca: «Ñuca huillactami ñaupachishpa cachasha. Paimi purina ñantaca ñaupashpa allichinga. Chai quipaca cancuna mashcacushca Mandacmi cungailla paipaclla huasiman shamunga. Cancuna shuyacushca ari nishcata pactachic angelpish shamungami. ¡Riquichic, ñami shamucun!» ninmi. Chaitaca Mandac Diosmi nin.

NÚMEROS 20:16

Chaimantami ñucanchic Mandac Diostaca caparishpa mañarcanchic. Chashna mañacpica, Mandac Dios uyashpami paipac angelta Egiptomanta llucchichun cacharca. Cunanca cambac llacta lindero cuchulla Cadespimi canchic.

NÚMEROS 22:22

Shina Balaam ricucpimi, Mandac Diosca nina japiric shina piñarirca. Shinallatac Mandac Diospac angelmi ñanta mana pasachisha nishpa jarcarca. Balaamca paipac burropi montashcami paita serviccunahuan ricurca.

SAN MATEO 25:34

Ñuca alli maquiman caccunataca: “Ñuca Taita alli nishcacuna, ñucahuan mandangapac shamuichic. Cai mandanataca Diosmi cai pacha callari punzhamanta, cancunaman cungapac allichishpa charicushca.

SAN JUAN 14:3

Ñuca rishpaca cancuna causanata allichishpami cancunata apangapac cutimusha. Maipimi ñuca causani, chaipimi cancunapish ñucahuan causanguichic.

DEUTERONOMIO 33:2

bendiciashpaca: «Mandac Dios Sinaí urcumantami shamurca. Seir urcumantami achicyachirca. Parán urcumantami achicyachirca. Paipac alli maquipi achicta apashpami pai acllashca huaranga huarangacunahuan shamurca.

JOSUÉ 23:5

Cancunata Mandac Diosmi chai llactapi causaccunataca cancunapac ñaupamanta cancuna ricucucpi, llucchishpa shitanga. Chai allpataca cancunata Mandac Dios huillashca shinallatacmi cancunaman cunga.

JOSUÉ 5:13

Shuc punzhami Josueca Jericó pueblo cuchullapi cashpa huichai ricushpaca, shuc runa espadata huacaichinamanta llucchishpa, maquipi apashpa paipac ñaupapi shayacucta ricurca. Josué paipac ladoman cuchuyashpaca: —¿Canca ñucanchicpurachu cangui? ¿Mana cashpaca, ñucanchicta piñacpurachu cangui?— nishpa tapurca.

JOSUÉ 5:14

Shina tapucpi chai runaca: —Mana, ashtahuanpish Mandac Diospac soldadocunata mandacmi cani— nirca. Shina nicpi, Josueca pambacaman cumurishpa, allimari cangui nishpaca: —Ñucata mandaclla canta servictaca, ¿imatatac ruhuachun ninguiyari?— nirca.

JOSUÉ 6:2

Ashtahuanpish Mandac Diosca Josuetaca: «Riqui, ñucami Jericó pueblopi causaccunatapish, paicunata jatun mandactapish, paicunapac soldadocunatapish cambac maquipi churani.