ÉXODO 23:2 - Dios Rimashcata Quillcashcami

² Taucacuna millaita ruhuashun nicpipish, ama paicunata catinguichu. Ama taucacuna llullashcallamanta pitapish llaquichinguichu.

ÉXODO 23:2 Iomraidhean Croise

GÉNESIS 19:4

Ashtahuanpish paicuna manarac sueñungapac siriricpimi, Sodomamanta tucui gentecuna shamushpa, Lotpac huasita muyurcacuna. Huambracunamanta callarishpa, yuyaccunacamanmi tucui tandanacushpa muyurcacuna.

GÉNESIS 6:12

Diosca cai pachapi tucui causaccuna millailla cashcata, tucui causaita chariccunaca huacllirishca cashcatami ricurca.

GÉNESIS 7:1

Mandac Diosca Noetaca: «Cai tucui gentecunamantaca canllami allita ruhuashpa causashcangui. Chaimanta canpish, tucui familiacunapish huambuc huasiman yaicuichic.

1 REYES 19:10

Shina nicpimi paica: —Ñucaca Mandac Diosta yallita cuyashcamantami llaquirini. Israelcunaca canhuan ari nishcatapish, cambac altarcunatapish shitashpami rishca. Canmanta huillaccunataca espadahuanmi huañuchishca. Chai huillaccunamantaca ñucallami saquirishcani. Cunanca, ñucatapish huañuchingapacmi mashcacuncuna— nirca.

JOB 31:34

Mana achca gentecunata manchashcamantachu, mana ñuca familiacuna piñanata manchashcamantachu, ñuca huasi ucupi upalla saquirishcani.

SALMOS 72:2

Paimi can acllashcacunata cashcata ricushpa mandanga. Huacchacunamanpish allitami ruhuanga.

PROVERBIOS 1:15

Ñuca huahualla, paicunahuanca ama puringuichu. Paicuna purina ñanmantaca anchuringui.

PROVERBIOS 18:5

Cashcata ruhuac runata llaquichingaraicu Diosta mana machac runaman ama tucuichu.

PROVERBIOS 4:14

Diosta mana manchaccuna purina ñanta ama puringuichu. Millaita ruhuaccunapac ñanpipish ama chaquita churanguichu.

JEREMÍAS 37:15

Mandaccunaca yallita piñarishpami, Jeremiastaca macashpa, quillcac Jonatanpac huasipi prezu churarca. Chai huasitaca carceltami ruhuarca.

JEREMÍAS 37:21

Shina nicpimi, jatun mandac Sedequiasca Jeremiasta cárcel canzha pambapi churashpa cuidachun, shinallatac chai llactapi tucui tanda tucuringacaman callepi ruhuashca tandata apamushpa punzhanta carachun mandarca. Shinami Jeremiasca cárcel canzha pambapi tiyacurca.

JEREMÍAS 38:9

—Jatun mandaclla, chai runacuna Dios ima nishcata huillac Jeremiasta yacu jundachina jutcupi shitashpaca, mana allitami ruhuashca. Chai jutcupica yarcaihuan huañungami. Cai llactapica tandallapish mana tiyanchu— nirca.

EZEQUIEL 9:9

Shina mañacpimi paica: «Israelcunapish, Judá llactapi causaccunapish yallitami millaita ruhuashcacuna. Cai llactapica huañuchiccunami yalli tiyan, cai pueblopi causaccunaca millaita ruhuana yuyaillami. Paicunaca: “Mandac Diosca ñucanchicmanta anchurishcami, paica mana ricucunchu” nincunami.

LEVÍTICO 19:15

Cashcata ruhuashpa allichingui. Huaccha cashcallamantapish ama paiman tucunguichu. Chayuc cashcamantapish ama paiman tucunguichu, ashtahuanpish cashcata ruhuashpa allichingui.

HAGEO 1:4

«¿Ñuca huasi llaquinayaita siricucpipish, cancuna sumac huasicunapi causana punzhachu shamushca?

MARCOS 15:15

Pilatoca gentecunahuan alli saquiringaraicumi Barrabasta cacharichirca. Jesustaca azotichishpami, chacatachun soldadocunaman curca.

SAN LUCAS 23:51

Paipish Dios mandacucta ricusha nishpami shuyacurca. Jesusta japichingapac yuyarishcatapish, imata ruhuashcatapish mana allichu nicmi carca.

HECHOS 24:27

Ña ishcai huata tucucpica, Felixca pai mandacushcamanta llucshircami. Chaimantami Porcio Festoca mandac tucurca. Felixca israelcunahuan alli ricurisha nishpami, Pablotaca prezullatac saquirca.

HECHOS 25:9

Festoca israelcunahuan alli ricurisha nishpami, Pablotaca: —¿Jerusalenman rishpa, caicunamanta ñucapac ñaupapi juchanchishca casha ninguichu?— nirca.

ROMANOS 1:32

Chashna causaccunata Dios taripashpa llaquichigricushcata yachashpapish, chaicunallatatac ruhuashpami catincuna. Shinallatac shuccuna chaita ruhuacta ricushpacarin “allimi” nincunami.

DEUTERONOMIO 1:17

Pimanpish mana tucushpa, yangalla runa cacpipish, alli nishca runa cacpipish, cashcata ruhuashpa allichinguichic. Mandac Diosmi cancunata mandacun. Chaimanta ama manchanguichicchu. Maijan llaquicunata mana allichi pudishpaca, ñucaman huillanguichic. Ñucami paicuna ima nishcata uyashpa allichisha” nircani.

DEUTERONOMIO 16:19

Cashcata ruhuanata ama saquinguichicchu. Ama ñahuita ricushpalla taripanguichicchu. Imata ruhuangapac ama imata pacalla japinguichicchu. Chai japishcami alli yachac cacpipish, ñahui mana ricucta shina ruhuan. Shinallatac cashcata ruhuactapish pandachinmi.

DEUTERONOMIO 24:17

Shuctac llacta runa japinatapish, taita mama illaccuna japinatapish ama quichunguichicchu. Viudamantapish ama prendata japinguichicchu.

JOSUÉ 24:15

Mandac Diosta servina mana alli cacpica, maijan diosta servingapac acllaichiclla. Cancunapac ñaupa taitacuna jatun yacu chimba ladopi causashpa servishca dioscunata, mana cashpaca cunan cancuna causacuc llactapi causac amorreocuna servishca dioscunata servichiclla. Shina cacpipish, ñuca familiahuanca Mandac Diostami servishpa causasha» nirca.

1 SAMUEL 15:24

Shina nicpimi, Saulca Samueltaca: —Shinashpaca juchatami ruhuashcani. Mandac Dios mandashcatapish, can ima nishcatapish mana cazushcanichu. Gentecunata manchashpami paicuna ima mañashcata ruhuachun saquircani. Shina cacpipish, ñuca juchata perdonai.

1 SAMUEL 15:9

Saulpish, paipac soldadocunapish Agagtaca mana huañuchircachu. Shinallatac alli ovejacunatapish, huagracunatapish, tucui huira animalcunatapish, cari ovejacunatapish, tucui allicunataca mana tucuchishpami imapish mana valic yangacunallata tucui tucuchirca.