ÉXODO 23:13 - Dios Rimashcata Quillcashcami

¹³ Tucui ñuca nishcacunata pactachingui. Ruhuashcalla dioscunata ama mañanguichu, paicunapac shutitapish ama rimanguichu.

ÉXODO 23:13 Iomraidhean Croise

SALMOS 16:4

Shuctac diosta serviccunaca yallitami nanaicunahuan canga. Ñucaca chai dioscunamanca ima animalcunapac yahuarta cushpa, mana chirapashachu. Chaicunapac shuticunataca mana rimashachu.

SALMOS 39:1

Ñucaca: «Ñuca calluhuan mana juchallingapacmi alli yuyaihuan causasha. Diosta mana cazuccunapac ñaupapica shimipi frenota churac shinami millaita rimanamanta jarcarisha» nircani.

ÉXODO 23:24

Paicunapac dioscunapac ñaupapi ama cumuringuichu. Shinallatac ama servinguichu, ama paicuna shina mana allita ruhuanguichu. Ashtahuanpish diosman riccha rumicunataca ñutuchishpami chingachina cangui.

ÉXODO 23:32

Paicunahuanpish, paicunapac dioscunahuanpish imata ruhuangapac ama ari ninacunguichu.

JEREMÍAS 10:11

Paicunataca: «Jahua pachata, cai pachata mana ruhuac dioscunaca cai pachamanta chingaringami» ningui.

OSEAS 2:17

Baal dios nishpa rimanataca cungaringacunami. Chai diostaca mana ashtahuan yuyaringachu.

ZACARÍAS 13:2

Tucuita Mandac Diosca: «Chai punzhapica cai llactapi tiyac ruhuashcalla dioscunapac shuticunataca tucuitami anchuchisha. Chai dioscunataca mana ashtahuan yuyaringacunachu. Llulla huillaccunatapish, mapayachic espiritutapish cai llactamanta anchuchishami.

NÚMEROS 32:38

Nebo, Baal-maón llactacunatami cutin shayachishpami shuctac shutita churarca. Sibma pueblotapish shayachircami. Paicuna shayachishca llactacunataca shuctac shutitami churarca.

EFESIOS 5:12

Paicuna pacalla imatapish ruhuashcata rimanataca pinganayanmi.

EFESIOS 5:15

Chaimanta caishuc chaishuc-huan ima shina apanacunata yuyarichic. Ama yuyai illac shina causaichicchu, ashtahuanpish alli yuyaihuan causaichic.

DEUTERONOMIO 12:3

Altarcunatapish, adorana rumicunatapish tigrachinguichic. Asera huarmi diosta yuyarina yuracunatapish ninapi rupachishpa, polvoshpa, paicunapac shuticunata chai llactapi chingachinguichic.

DEUTERONOMIO 4:15

Cancunaca Horeb urcupi nina chaupimanta Mandac Dios rimacucpica, imata mana ricurcanguichicchu. Chaimanta cancunallatac allita cuidarichic.

DEUTERONOMIO 4:23

Chaiman chayashpaca, pacta Mandac Dios cancunahuan ari nishcata cungarishpa, imaman riccha shuctac dioscunata ruhuanguichicman. Chaicunataca Mandac Diosca ama ruhuachun nircami.

DEUTERONOMIO 4:9

Chaimanta alli cuidaringuichic. Cambac ñahuihuan ricushcacunata ama cungarishpa, yuyarashpa causanguichic. Tucui causaipi cambac shungupi huacaichishca shina causaichic. Huahuacunamanpish, nietocunamanpish yachachinguichic.

DEUTERONOMIO 6:1

Cancuna allpata japishpa, chaipi causashpa, cazuchunmi Mandac Diosca cai mandashcacunatapish, pactachinacunatapish, yachachishcacunatapish yachachichun mandarca.

1 TIMOTEO 4:16

Can ima shina yachachicushcamanta, shinallatac ima shina causacushcamantapish alli cuidaringui. Chashna ruhuashpami canpish quishpiringui, shinallatac can huillashcata uyaccunapish quishpiringacuna.

HEBREOS 12:15

Pipish Diospac cuyaimanta ama caruyachun cuidanguichic. Maijanpish jayac yura shina gentecunata muspachishpa llaquichichun ama saquinguinchicchu.

JOSUÉ 22:5

Cancunaca Mandac Diosta servic Moisés mandashcata yuyarashpa pactachinguichic. Moisés mandashpaca: “Cancunata Mandac Diosta cuyanguichic, Dios munashca shina causashpa, paillatac catiranguichic. Shinallatac tucui shunguhuan, tucui almahuan servishpa causanguichic” nishcami» nirca.

JOSUÉ 23:11

Chaimanta cancunallatac allita cuidarichic. Cancunata Mandac Diosta cuyangapac sinchiyashpa, tucui almahuan cazuichic.

JOSUÉ 23:7

Chai llactapi saquirishpa, cancunapac chaupipi causaccunahuanca ama tandanacunguichicchu. Paicunapac dioscunapac shutipi ama imatapish ari ninguichicchu. Paicunapac shutitaca ama rimanguichicchu. Chai dioscunata ama servinguichicchu. Ama paicunapac ñaupapi cumuringuichicchu.