ÉXODO 23:1 - Dios Rimashcata Quillcashcami

¹ Ama llullashpa rimanguichu. Ñucata mana cazuccunata ayudangaraicu ama llullanguichu.

ÉXODO 23:1 Iomraidhean Croise

GÉNESIS 39:17

Cusa shamucpica, huasipi serviccunaman nishca shinallatacmi: —Ñucanchicta servichun can pushamushca hebreo runami ñucata japirishpa burlasha nirca.

2 SAMUEL 16:3

Shina nicpimi, jatun mandac Davidca: —¿Cambac amopac churica maipitac?— nishpa tapurca. Shina tapucpimi Sibaca jatun mandactaca: —Paica: “Ñuca aillu mandanataca cunan punzhallatacmi israelcunaca ñucaman cunga” yuyashpami Jerusalenllapitac saquirca— nirca.

2 SAMUEL 19:27

Ashtahuanpish paimi canta servic ñucataca can jatun mandacpac ñaupapi llullashca. Ashtahuanpish jatun mandacca ángel shinami cangui. Shina cashcamanta cambac ima alli cana cashcata ruhuailla.

SALMOS 101:5

Maijanta mana alli nishpa huashalla rimactaca ñucami tucuchisha. Ñahuipipish, shungupipish jatun tucushcacunataca manatac ricushachu.

SALMOS 120:3

Llullac calluca, ¿Imatatac cugringuiyari? ¿Imapactac valigringuiyari?

SALMOS 15:3

paipac calluhuan mana pita llaquichic, shuccunata ima llaquita mana ruhuac, paipac vecinota mana piñachicmi chaipica causanga.

SALMOS 27:12

Millaita yuyaccunaca llullashpa, yanga juchanchingapacmi jatarishcacuna. Chaimanta ñucata piñaccuna paicuna munashcata ruhuachunca ama paicunapac maquipi churaichu.

SALMOS 35:11

Ñuca manapish yachashcata tapungapacmi llullashpa juchanchic runacuna jatarincuna.

ÉXODO 20:16

Ama yanga pitapish juchanchishpa llaquichingui.

ÉXODO 23:7

Ama llullashpa rimanguichu. Cashcata ruhuac, mana faltayuc runata ama huañuchinguichu. Ñucata mana manchac runataca mana cashcata ruhuacmi nishachu.

PROVERBIOS 10:18

Piñarishca cashpapish mana piñarishca shina shungullapi charicuc runaca llullami. Pitapish yanga juchanchishpa rimac runaca mana entendic runami.

PROVERBIOS 12:17

Mana llullac runaca cashcatami huillan. Ashtahuanpish llullashpa huillacca umashpami parlan.

PROVERBIOS 14:5

Cashcata huillac runaca mana llullanchu. Ashtahuanpish llullac runaca llullallatami huillanga.

PROVERBIOS 17:4

Millaita ruhuac runaca mana allita rimashcatami chasquin. Llullac runapish llaquichic runa rimashcatami uyan.

PROVERBIOS 19:28

Llullashpa huillac runaca llaquichicucpica burlashpami asin. Diosta mana manchac runaca mana allicunatami rimarin.

PROVERBIOS 19:5

Llullashpa huillac runaca llaqui tucungatacmi. Llullashpa puric runaca miticushpa mana ati pudingachu.

PROVERBIOS 19:9

Llullashpa huillac runaca llaqui tucungami. Llullashpa puric runaca chingaringami.

PROVERBIOS 21:28

Llullashpa huillac runaca huañungami. Ashtahuanpish allita uyac runaca allimi llucshinga.

PROVERBIOS 24:28

Ama pitapish llullashpa, huillashpa llaquichinguichu. Cambac shimihuanpish ama llullanguichu.

PROVERBIOS 25:18

Maijanta yanga juchanchishpa huillac runaca martillo, espada, flecha shinami.

PROVERBIOS 25:23

Jahua ladota huaira shamushpaca, tamyatami apamun. Imatapish rimac runaca piñachishpami saquin.

PROVERBIOS 6:19

manapish yachashpa llullashpa huillacta shinallatac huauquindipura piñanacuipi churactami yallita piñan.

JEREMÍAS 20:10

Tucui ladocunapimi ñucata huashalla rimashpaca: «¡Manchaica tucui llactacunapimi! ¡Chaitaca huillaichicyari, huillashunchicyari!» nincuna. Ñucahuan apanacuccunapish ñuca pandaricta chapacuncunami. Paicunaca: «Ima shinapish umashpa, huañuchishpami mishashun. Ñucanchicta ima shina, llaquichishca shinallatacmi llaquichishun» nincunami.

LEVÍTICO 19:11

Ama shuhuanguichicchu. Ama llullanguichicchu shinallatac caishuc chaishuc ama umanacunguichicchu.

LEVÍTICO 19:16

Cambac llactapi ama huashalla parlashpa puringuichu. Pitapish piñashpa, ama huañuchina yuyaihuan puringuichu. Ñucami Mandac Dios cani.

SAN MATEO 19:18

Chashna nicpimi chai mosoca: —¿Maijan mandashcacunatatac pactachina cani?— nirca. Chashna nicpimi Jesusca: —Ama huañuchingui, ama shuhuangui, ama llullangui, ama huainayangui,

SAN LUCAS 19:8

Zaqueo jatarishpaca: —Apunchic Jesús, ñuca charishcacunamanta chaupitami huacchacunaman cugrini. Maijanmanta umashpa shuhuashcataca chuscu cutin yallihuanmi cutichigrini— nirca.

SAN LUCAS 3:14

Maijan soldadocuna tapushpaca: —Ñucanchicca, ¿imatatac ruhuashun?— nirca. Shina tapucpimi Juanca: —Ama manchachishpa, cullquita cobraichicchu. Ama cullquita japingaraicu, pitapish manchachichicchu. Mashna cullquita japicushcallahuan cushilla caichic— nirca.

SAN JUAN 7:51

—Mandashcapi nishca shinaca, ima ruhuashcata manarac alli yachashpaca, pitapish mana juchanchinallachu canchic— nirca.

ROMANOS 3:8

(Shina cacpica, ¿manachu maijanca: “Dios jatunyachishca cachunca, mana allicunata ruhuashpa catishun” ninman? Maijancunaca chashnami, ñucata llaquichingaraicu “Pabloca chashnami yachachin” nincuna.) Ashtahuanpish chashna niccunataca llaquichina cashca shinami Diosca llaquichinga.

EFESIOS 4:25

Tucui criccuna shuc shinalla cashcamantaca ña ama ashtahuan llullashpa, caishuc chaishuc-huan imapish cashcallatac nichic.

DEUTERONOMIO 5:20

Ama llullashpa shuccunata llaquichinguichu.

2 TIMOTEO 3:3

cuyaita mana chariccuna, mana llaquiccuna, mapa yuyaicuna shamucpi mana jarcariccuna, imatapish parlariccuna, shuccunata mana allichu niccuna, imapish allicunata piñaccuna,

1 PEDRO 3:16

Cancuna Apunchic Jesusta crishpa, allita causacushcamanta maijanpish mana allichu nishpa, rimashcamanta pingachunca, mana pi juchanchishca canata yuyashpa, allita ruhuashpa catichic.

APOCALIPSIS 12:10

Shina tucushca quipami jahua pachamanta sinchita caparishpaca: «Cunanmi quishpirinapish, Diospac imata ruhuanapish, Dios mandanapish, pai cachashca Quishpichic Cristo mandanapish chayamushca. Tutapish, punzhapish Diospac ñaupapi ñucanchic huauquicunata juchanchishpa llaquichictaca ñami caimanta llucchishpa shitashca.