ÉXODO 22:7 - Dios Rimashcata Quillcashcami

⁷ Maijanpish cullquita, mana cashpaca ima valishcacunata mingashpa charicucpi, shuc shuhuac yaicushpa, huasi ucupi japi tucushpaca, chai shuhuacmi cada shucmanta ishcaita cutichina can.

ÉXODO 22:7 Iomraidhean Croise

ÉXODO 22:4

Shuhuacpac maquipi ima animal japi tucucpica, cada shucmantami ishcaita cutichina can. Chashnami huagramantapish, ovejamantapish, burromantapish cutichina can.

ÉXODO 22:6

Maijanpish pucuc yurata, mana cashpaca cosechana chagrata, mana cashpaca gavillata rupachishpaca, rupachishcamantaca cutichinami can.

JEREMÍAS 2:26

Shuhuac japi tucushpa, pingai tucuc shinami, israelcunaca juchata ruhuashcamanta pingai tucunga. Paicunapish, jatun mandaccunapish, paicuna churashca mandaccunapish, curacunapish, huillaccunapishmi pingai tucunga.

LEVÍTICO 19:13

Shuccunata ama llaquichinguichu, ama shuhuanguichu. Trabajac runaman cunataca ama cayami cusha nishpa charicunguichu.

LEVÍTICO 6:1

Mandac Dios Moisesta rimashpaca:

LEVÍTICO 6:2

«Maijanpish shuc runapac imata cuidacushpa, mana cashpaca mingai tucushpa charicushcata mana cutichishpa, shuhuashpaca Mandac Diospac ñaupapimi juchayuc tucun.

LEVÍTICO 6:5

llullashpa ari nishpa mana cutichishcatapish cutichinami can. Chaicunataca juchata pichachun animalta Diosman cuna punzhapimi pichcahuan yallita cutichina can.

SAN JUAN 12:6

Judasca mana huacchacunata llaquishcamantachu chaitaca nirca, ashtahuanpish shuhuac cashcamantami chashna nirca. Paimi cullquita tandashpa huacaichic carca. Chashnami maijan cutinca shuhuac carca.

1 CORINTIOS 6:10

shuhuaccunapish, charinallata munaccunapish, machaccunapish, llaqui tucuchun niccunapish, crichishpa shuhuaccunapish, Dios mandacucpica mana yaicungacunachu.