ÉXODO 22:30 - Dios Rimashcata Quillcashcami

³⁰ Punta huacharishca cari huagratapish, ovejatapish ñucaman cungui. Chai punta huacharishca animalca canchis punzhatami mamahuan canga. Pusac punzhaca ñucaman cungui.

ÉXODO 22:30 Iomraidhean Croise

GÉNESIS 17:12

Huacharishcamanta pusac punzhapimi tucui cancunapuramanta cari huahuacunaca circuncisionta ruhuashca cana can. Huasipi huacharishca cashpapish, caru llactamanta randishca cashpapish, mana cancunapurapi mirashca huahuacuna cashpapish, caitaca ruhuashpami catina canguichic.

ÉXODO 13:12

punta huacharishca churicunatapish, animalcunatapish Mandac Diosman cunguichic.

EZEQUIEL 4:14

Shina nicpimi ñucaca: «¡Mandac Dioslla! Ñucaca huahuamanta pacha cunancaman jaicapi mana mapayashcanichu. Huañushca aichatapish, sacha animal huañuchishca aichatapish, ima shuctac mapa aichatapish mana micushcanichu. Mana shimipi churashcanillapishchu» nircani.

LEVÍTICO 11:44

Ñucaca cancunata Mandac, jucha illac Diosmi cani. Chaimanta cancunapish jucha illac caichic. Pambata aisarishpa puric animalcunata micushpa ama mapayanguichicchu.

LEVÍTICO 11:45

Ñucaca cancunata Mandac Diosmi cani. Cancunapac Dios cangapacmi Egipto llactamanta huichai llucchimurcani. Chaimantami cancunapish jucha illac cana canguichic” ningui.

LEVÍTICO 12:3

Huahuataca pusac punzhapimi circuncisionta ruhuachina can.

LEVÍTICO 17:15

Israelpuramantapish, mana cashpaca shuctac llacta runa cancunapurapi causacpuramantapish huañushca animal aichata, mana cashpaca sacha animal huañuchishca aichata micushpaca, armarishpa churanata tacshanami can. Shina ruhuashpapish tutayangacamanmi mapa canga. Chai quipami mapa illac tucunga.

LEVÍTICO 22:27

«Llullu becipish, llullu ovejapish, llullu chivopish canchis punzhatami mamahuan cana can. Pusac punzha tucucpica, Mandac Dios ñucaman cushpa rupachinguichic.

LEVÍTICO 22:8

Huañushca animaltapish, sacha animal polvoshca animaltapish mana micunachu. Chaita micushpaca, mapami tucunga. Ñucaca Mandac Diosmi cani.

LEVÍTICO 7:23

«Israelcunataca: “Huagra huiratapish, cari oveja huiratapish, chivo huiratapish ama micunguichicchu.

LEVÍTICO 7:24

Huañushca animalpac huirata, sacha animal polvoshca animal huirataca imapish shuctac ruhuangapacmi japina canguichic. Ashtahuanpish mana micunachu canguichic.

LEVÍTICO 7:26

Chaimanta cancuna maipi causashpapish volac animal yahuarta, sacha animal yahuartaca ama micunguichicchu.

DEUTERONOMIO 14:21

Imapish huañushca animaltaca ama micunguichicchu. Ashtahuanpish cambac llactapi pozashpa causaccunaman micuchun cunguichic, mana cashpaca shuctac llactamanta shamuccunaman catunguichic. Cancunaca, Mandac Dios chicanyachishca jucha illac gentecunami canguichic. Ama llullu chivota mamapac lechepi yanunguichicchu.

DEUTERONOMIO 15:19

Tucui punta huacharishca huagracunata, cari ovejacunata Mandac Diospaclla cachun chicanyachinguichic. Punta huacharishca huagrahuan ama trabajanguichicchu. Punta huacharishca ovejata ama rutunguichicchu.