ÉXODO 22:28 - Dios Rimashcata Quillcashcami

²⁸ Cancunapac llactapi mandaccunatapish, jueztapish ama llaquichinguichu.

ÉXODO 22:28 Iomraidhean Croise

2 SAMUEL 16:5

David ña Bahurim llactata ricucpimi, Saulpac aillupuramanta Gerapac churi Simei llucshishpaca jatun mandac Davidtapish, paita serviccunatapish maldiciashpa,

2 SAMUEL 16:9

Chaimantami Sarviapac cari huahua Abisaica jatun mandactaca: —¿Ima nishpatac cai huañushca allcu shinaca, ñuca jatun mandactaca maldicianyari? ¡Ñuca paipac cungata pitigrichun saqui!— nirca.

2 SAMUEL 19:21

Chaipimi Sarviapac churi Abisaica: —Mandac Diospac acllashca cangapac aceitehuan cahuishca runata maldiciashcamantaca huañunami can— nirca.

1 REYES 21:10

Chai quipaca: “Diostapish, jatun mandactapish, mana alli nishpami rimarcangui” nishpa, juchanchishpa huillachun ishcai millai runacunata, paipac ñaupapi tiyachichic. Paicuna cashna huillacpica, pueblomanta llucchishpa rumicunahuan shitashpa huañuchinguichic» nirca.

SALMOS 138:1

Mandac Dioslla, ñucaca tucui shunguhuanmi cantaca pagui nini. Shuctac dioscunapac ñaupapimi cantaca salmocunahuan cantasha.

SALMOS 32:6

Chashna cacpimi, canta cazuccunaca can uyana punzhapi mañangacuna. Jatun yacu jundac shina shamushpapish paicunataca manatac japingachu.

ÉXODO 13:12

punta huacharishca churicunatapish, animalcunatapish Mandac Diosman cunguichic.

ÉXODO 13:2

—Israelpurapi punta huacharishca cari huahuacunata ñucapacllata ruhuanguichic. Tucui punta huacharishca gentecunapish, animalcunapish ñucapacllami— nirca.

ÉXODO 21:17

Maijanpish quiquin taita mamata mana alli nicca huañunami can.

ÉXODO 23:16

Punta pucushca granota cosechana fiestata ruhuangui. Tucui tarpushcata huata tucuripi tandachishpapish fiestata ruhuangui.

ÉXODO 23:19

Cambac allpapi punta tarpushca granota canta Mandac Dios ñuca huasiman apamungui. Malta chivota huañuchishpapish ama paipac mamapac lechellapitac yanunguichu.

ECLESIASTÉS 10:20

Jatun mandactaca yuyaillapipish ama maldiciaichu. Charic runatapish pacalla sueñuna ucupi ama maldiciaichu. Huirata ric alasyuc animalcunami chai rimashcata apashpa huillagringacuna.

LEVÍTICO 24:11

Chai Israel huarmipac cari huahuami Diospac shutita rimashpa nirca. Chaimantami Moisespacman aparca. Paipac mamaca Dan aillumanta Dibripac ushi Selomitmi carca.

LEVÍTICO 24:15

Cutin israelcunataca: “Maijanpish Diospac shutita camishpa rimacca chashna llaquillatatacmi apanga.

LEVÍTICO 24:16

Maijanpish Diospac shutita mana alli nishpa rimactaca Israel cacpipish, mana Israel cacpipish rumihuan shitashpa huañuchinami can.

HECHOS 23:3

Shina nicpimi Pabloca: —¡Mishqui shimi, jayac shungu, cantaca Diosmi llaquichinga! Canca Moisés mandashcacunapi nishca shina, allita ruhuangapacmi cangui. ¿Chashna cashpachu mandashcata mana pactachishpa, ñucata huactachun ningui?— nirca.

HECHOS 23:5

Chashna nicpimi Pabloca: —Huauquicuna, ñucaca pai mandac cura cashcataca mana yachashcanichu. Dios quillcachishcapica: “Llactata mandactaca ama ima millaita rimanguichu” ninmi— nirca.

1 PEDRO 2:17

Tucuihuan alli caichic, criccunata cuyaichic, Diostaca manchaichic, shinallatac llactacunata jatun mandac-huanpish alli caichic.

2 PEDRO 2:10

Tucuimanta yallica Mandac Diosca, pai Mandac cachun mana chasquiccunata, mana alli munaihuan catic imapish mapata ruhuaccunatami llaquichinga. Paicunaca mana cazuccuna, imapipish cariyaccuna, shinallatac poderta charic jahua pachamanta mandaccunatapish mana manchashpa camiccuna can.

SAN JUDAS 1:8

Chai shinallatacmi chai llullashpa yachachiccunaca “muscunchicmi” nishpa, caishuccunata pandachishpa, paicunallatac mapayashpa, Mandac Diostapish mana cazushpa, jahua pacha jatun mandaccunatapish mana alli nishpa, rimashpa camincuna.

1 SAMUEL 24:10

Riqui, cai machaipi Mandac Dios canta ñuca maquipi churashcataca canllatac ricurcanguimi. Canta huañuchichun nicpipish ñucaca: “Ñuca amoca Mandac Dios acllashpa aceitehuan cahuishcami. Chaimanta ñucaca mana huañuchishachu” nishpami cantaca mana huañuchishpa saquircani.

1 SAMUEL 24:6

Chaimantami paipac runacunataca: —Mandac Dios acllashpa aceitehuan cahuishca ñuca amota huañuchinamantaca Mandac Diosllatac jarcachun. Paica Mandac Diospaclla cachun aceitehuan cahuishca mandacmari— nirca.

1 SAMUEL 26:9

Shina nicpimi, Davidca Abisaitaca: —Ama huañuchichu. Mandac Dios acllashca jatun mandacta huañuchicpica, paipish llaquichingami— nirca.