ÉXODO 22:24 - Dios Rimashcata Quillcashcami

²⁴ Ñucaca nina japiric shina piñarishpami, espadahuan huañuchisha. Cancunapac huarmicunaca viuda, cutin huahuacunaca taita mama illacmi saquiringa.

ÉXODO 22:24 Iomraidhean Croise

NEHEMÍAS 5:7

Shina cacpipish, quipata yuyarishpami alli nishcacunatapish, mandaccunatapish rimashpaca: —Cancunaca quiquin huauquicunamanta interesta cobrashpaca, mana allitachu ruhuanguichic— nircani. Chai quipami paicunata rimangapac,

JOB 31:23

Ñucaca Dios llaquichinatami mancharcani. ¡Jatun Diospac ñaupapica, maitatac ricuri pudiman carcaniyari!

SALMOS 109:2

Canta mana ricunayachic runapish, umac runapish ñucata piñashpa rimarcami. Ñucata llaquichingaraicumi llullarca.

SALMOS 109:9

Paipac huahua huahuacunapish taita mama illac saquirichun. Paipac huarmipish viuda saquirichun.

SALMOS 15:5

cullquita mañachishpapish, interesta mana japic, mana faltayuc runata llaquichingapac imatapish mana japiccunallami chaipica causanga. ¡Chashna alli causaccunaca manatac urmangacunachu!

SALMOS 69:24

Can piñarishcaca paicunapac jahuapi urmachun. Can nina japiric shina piñarishcaca paicunata llaquichichun.

SALMOS 76:7

Canca manchana Diosmi cangui. Can piñaricpica, ¿pitac cambac ñaupapi tiyacui pudingayari?

SALMOS 90:11

¿Pitac can yallita piñarishca ima shina cashcata yachan? ¿Pitac yallita piñarishcataca entendinyari?

JEREMÍAS 15:8

Viuda huarmicunaca mama cuchapi tiyac tiyutapish yalli achcami saquirirca. Quipa huiñaicunapac mamacunata huañuchichunca punzha pachami huañuchiccunata cacharcani. Chai llactapica mana yuyashca horasmi yalli manchaita churasha.

JEREMÍAS 18:21

Chaimanta paicunapac churicunata yarcaipi, jatun macanacuipi huañuchichun saquiyari. Huarmicunatapish huahua illac, cusa illac saquirichun, cusacunataca jatun macanacuipi huañuchichun, mosocunatapish espadahuan chugrichichun saquiyari.

LAMENTACIONES 5:3

Taita illac huahuacuna shinami canchic. Ñucanchic mamacunapish viudami saquirishca.

LEVÍTICO 25:35

Cancunapuramanta maijanpish huaccha tucushpa, mana causai pudishpa, canman mañacpica, paita ayudangui. Paica shuctac llactamanta shamushca shinami canhuanca causan.

LEVÍTICO 25:36

Imata mañachishpaca, interestapish, interesmanta yallitapish ama cobranguichu. Chaipac randica, cancunapac Dios ñucata manchangui. Shinallatac chai runatapish canhuan causachun saquingui.

NAHÚM 1:6

Pai piñaricpica, ¿pitac paipac ñaupapi shayaringayari? Nina japiric shina pai piñaricpica, ¿pitac paipac ñaupapi cai pudingayari? Nina talliricuc shinami paica yallita piñarin. Jatun rumicunapish chaupirinmi.

SAN LUCAS 6:38

Shuccuna ima minishtishcata cuichic, Chashna cucpica, Diospish cancunaman cungami. Paica alli medidapimi jatun cushtalpi alli cuyuchishpa jundachishpa, talliricucta cunga. Cancuna cushca shinallatacmi Diosca cancunamanpish cunga» nirca.

DEUTERONOMIO 23:20

Shuctac llacta runacunamantaca cobranguichiclla. Shina cashpapish, huauquimantaca mana cobranachu canguichic. Chashna cacpimi, Mandac Diosca cancuna japigricuc llactapica tucui imata ruhuacpipish bendicianga.

DEUTERONOMIO 23:21

Mandac Diosman imata cusha nishpaca, ama unayashpa, utca cunguichic. Mana cucpica, Mandac Diosca cuchun ningami. Chaimanta juchayucmi tucunguichic.

HEBREOS 10:31

¡Causac Diospac maquimanta urmanaca yalli llaquimi!