ÉXODO 22:21 - Dios Rimashcata Quillcashcami

²¹ Egiptopica pozashpallami causarcangui. Chaimanta cancunapac llactapi pozashpalla causactaca ama umanguichu, ama llaquichinguichu.

ÉXODO 22:21 Iomraidhean Croise

JOB 6:27

Cancunaca taita mama illac huahuatapish, randinguichicmanmi. Cancunapac alli ricsishcacunatapish imahuan cambianguichicmanmi.

SALMOS 146:9

Mandac Diosca, pozashpalla causaccunata cuidacmi. Taita mama illac huahuacunamanpish, viudacunamanpish caracmi. Shina cashpapish paita mana manchaccunamanta causaita quichunmi.

ÉXODO 20:2

«Ñucaca Mandac Diosmi cani. Ñucami cancunataca Egipto llactapi huatashca shina llaquita causacushcamanta llucchircani.

ÉXODO 23:9

Cambac llactapi pozashpa causaccunata ama llaquichinguichu. Cancunaca shucpac llactapi cuyailla causanataca yachanguichicmi. Egiptopica cancunaca pozashpallami causarcanguichic.

ISAÍAS 1:17

allita ruhuanata yachacuichic. Allita mandanata munaichic. Llaquichic runata rimaichic. Taita mama illac huahuacunatapish, viuda huarmitapish ayudaichic» ninmi.

JEREMÍAS 22:3

Mandac Diosca: Imatapish allita, cashcata ruhuachic. Llaquihuan causac runata llaquichic runapac maquimanta cacharichichic. Shuctac llacta runacunatapish, taita mama illac huahuacunatapish, viudacunatapish ama llaquichichicchu. Mana faltayuc runata huañuchishpa, ama yahuarta jichaichicchu.

JEREMÍAS 7:6

Shuctac llacta runatapish, taita mama illac huahuatapish, viudatapish ama llaquichinguichicchu. Cai llactapi causac mana faltayuc runapac yahuarta ama jichaichicchu. Cancunapac allipacllata ama shuctac dioscunata catinguichicchu.

EZEQUIEL 22:7

Taita mamatapish mana cazunchu. Caru llacta runatapish, taita mama illac huahuacunatapish, viudacunatapish llaquichishpami causan.

LEVÍTICO 19:13

Shuccunata ama llaquichinguichu, ama shuhuanguichu. Trabajac runaman cunataca ama cayami cusha nishpa charicunguichu.

LEVÍTICO 19:33

Shuctac llacta runa shamushpa, cancunahuan causacucpi, ama llaquichinguichicchu.

LEVÍTICO 19:34

Paicunataca cancunapura cashca shinallatac cancunapac llactapica cuyanguichic. Cancunaca Egipto llactapica pozashpallami causacurcanguichic. Chaimanta cancuna ima shinami cuyaringuichic, chashnallatac paicunatapish cuyanguichic. Ñucami Mandac Dios cani.

LEVÍTICO 25:35

Cancunapuramanta maijanpish huaccha tucushpa, mana causai pudishpa, canman mañacpica, paita ayudangui. Paica shuctac llactamanta shamushca shinami canhuanca causan.

ZACARÍAS 7:10

Viuda huarmitapish, taita mama illactapish, caru llacta runatapish, huacchatapish ama llaquichinguichicchu. Ama quiquin huauquicunata ucu shungupi piñanguichicchu” nini» nirca.

MALAQUÍAS 3:5

Tucuita Mandac Diosca: «Chaipimi brujocunatapish, huainayaccunatapish, llullashpa ari niccunatapish taripashpa llaquichisha. Cullquimanta trabajaccunata, viuda huarmita, taita mama illac huahuacunata, caru llacta runacunata llaquichishpa, ñucata mana manchashpa causaccunatapish llaquichisha» ninmi.

DEUTERONOMIO 1:16

Chashna churashpami, chai punzhacunapi cancunapac juezcunataca: “Imata cashpapish cancunapac huauquipurata allita uyanguichic. Cancunapac llacta runacunatapish, shuctac llactamanta shamushpa, caipi causacuccunatapish cashcata ruhuashpa allichinguichic.

DEUTERONOMIO 10:18

Paica taita mama illaccunamanpish, viudacunamanpish cashcata ruhuacmi. Shuctac llactamanta shamushpa causaccunamanpish caracmi, churachicmi.

DEUTERONOMIO 10:19

Cancunaca Egiptopica pozashcallami carcanguichic. Chaimantami shuctac llactamanta caccunataca cuyana canguichic.

DEUTERONOMIO 15:15

Egiptopi huatashca shina causacucpi, Mandac Dios llucchimushcata yuyaringuichic. Chaimantami ñucaca caita mandani.

DEUTERONOMIO 23:16

Paillatac cancunapac maijan llactata acllashpa cancunapac chaupipi causachun saquinguichic. Ama paita llaquichinguichicchu.

DEUTERONOMIO 23:7

Edomitacunaca cancunapac huauquicunami, chaimanta paicunataca ama millanguichicchu. Cancunaca Egiptopica pozashpallami causarcanguichic. Chaimanta Egipto runacunatapish ama millanguichicchu.

DEUTERONOMIO 24:17

Shuctac llacta runa japinatapish, taita mama illaccuna japinatapish ama quichunguichicchu. Viudamantapish ama prendata japinguichicchu.

DEUTERONOMIO 27:19

Cutin: “¡Shuctac llactata runacuna, taita mama illaccuna, viudacuna japinata shucman cucca, llaqui tucushca cachun!” nicpica, tucui gentecunami: “¡Chashna cachun!” ninga.